بحرالکاہل میں امریکی فضائی کارروائی، مشتبہ کشتی تباہ؛ 3 افراد ہلاک
اشاعت کی تاریخ: 21st, February 2026 GMT
امریکی فوج نے بحرالکاہل میں منشیات کی اسمگلنگ میں مبینہ طور پر ملوث ایک کشتی کو فضائی حملے میں نشانہ بنا کر تباہ کر دیا، جس کے نتیجے میں تین افراد ہلاک ہو گئے۔
عالمی خبر رساں اداروں کے مطابق امریکی فوج کے ترجمان کا کہنا ہے کہ مذکورہ کشتی بحرالکاہل کے اس سمندری علاقے میں سرگرم تھی جہاں حالیہ مہینوں میں منشیات کی غیر قانونی ترسیل کے واقعات میں اضافہ دیکھا گیا ہے۔ حکام کے مطابق کشتی ایسے نیٹ ورک سے منسلک تھی جو مبینہ طور پر منشیات اسمگلنگ میں ملوث ہے اور بعض تنظیموں کو امریکا کی جانب سے دہشت گرد قرار دیا جا چکا ہے۔
فوجی بیان میں کہا گیا ہے کہ کارروائی کے دوران کشتی مکمل طور پر تباہ ہوگئی۔ ہلاک ہونے والے تین افراد کی شناخت فوری طور پر ظاہر نہیں کی گئی۔
امریکی سدرن کمانڈ نے تصدیق کی کہ یہ آپریشن جوائنٹ ٹاسک فورس سدرن اسپیئر کے تحت کیا گیا، جس کا مقصد منشیات کی بین الاقوامی ترسیل کو روکنا اور اس سے وابستہ مسلح نیٹ ورکس کو کمزور کرنا ہے۔ فوجی حکام کے مطابق ستمبر 2025 سے بحرالکاہل اور ملحقہ سمندری راستوں میں انسدادِ منشیات کارروائیاں تیز کر دی گئی ہیں۔
رپورٹس کے مطابق حالیہ برسوں میں ایسے آپریشنز کے دوران تقریباً 150 افراد ہلاک جبکہ متعدد اسمگلنگ کشتیاں تباہ کی جا چکی ہیں۔ امریکی حکام کا کہنا ہے کہ ان اقدامات سے منشیات کی سپلائی لائن اور اس سے جڑے گروہوں کی مالی معاونت کو شدید دھچکا پہنچا ہے۔
تاہم انسانی حقوق کے بعض حلقوں نے ان کارروائیوں میں ہونے والے جانی نقصان پر تشویش کا اظہار کرتے ہوئے مطالبہ کیا ہے کہ ایسے آپریشنز میں بین الاقوامی قوانین اور بنیادی انسانی حقوق کو ہر صورت یقینی بنایا جائے۔
ذریعہ
ذریعہ: Daily Mumtaz
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا