افغانستان میں کی گئی جوابی کارروائیوں میں70 دہشت گردوں کوٹھکانے لگا دیا، طلال چوہدری
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
وزیر مملکت برائے داخلہ طلال چوہدری نے کہا ہے کہ سرحد پار دہشت گرد عناصر کے خلاف کی گئی حالیہ کارروائی میں بڑی تعداد میں شدت پسند مارے گئے ہیں۔ ان کے مطابق ابتدائی اطلاعات بتاتی ہیں کہ افغانستان میں ہلاک ہونے والوں کی تعداد تقریباً 70 ہے۔
ایک نجی نشریاتی ادارے کے پروگرام میں گفتگو کرتے ہوئے انہوں نے کہا کہ پاکستان طویل عرصے سے سرحد پار سے ہونے والی دہشت گردی کا سامنا کر رہا ہے اور ریاست اپنے شہریوں کے تحفظ کے لیے ہر ممکن اقدام کر رہی ہے۔ ان کا کہنا تھا کہ ملک کے اندر بھی خفیہ معلومات کی بنیاد پر ہزاروں کارروائیاں کی جا چکی ہیں، جن کے نتیجے میں متعدد افراد گرفتار اور کئی شدت پسند ہلاک ہوئے۔
وزیر مملکت نے بتایا کہ حالیہ کارروائی افغانستان کے مختلف علاقوں میں کی گئی، جہاں مخصوص ٹھکانوں کو نشانہ بنایا گیا۔ ان کے مطابق دستیاب شواہد سے ظاہر ہوتا ہے کہ مارے جانے والوں میں اکثریت ایسے افراد کی تھی جن کا تعلق پاکستان سے بتایا جاتا ہے۔
طلال چوہدری نے افغانستان کی عبوری حکومت پر تنقید کرتے ہوئے کہا کہ وہ اپنی سرزمین کو دہشت گردی کے لیے استعمال ہونے سے روکنے میں ناکام رہی ہے۔ انہوں نے یاد دلایا کہ دوحہ معاہدے کے تحت افغان حکام نے یقین دہانی کرائی تھی کہ ان کی سرزمین کسی ملک کے خلاف استعمال نہیں ہوگی، تاہم زمینی حقائق اس کے برعکس ہیں۔
انہوں نے واضح کیا کہ پاکستان اپنے عوام کے جان و مال کے تحفظ کے لیے ہر سطح پر اقدامات جاری رکھے گا اور دہشت گردی کے خلاف کارروائیاں بلا تعطل جاری رہیں گی۔
ذریعہ
ذریعہ: Jasarat News
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار