بھارت،شادی کے بعد شوہر کے گھر جاتے ہوئے دلہن اغوا
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بہار:بھارت کا معاشرہ فلمی طرز کا معاشرہ بن گیا ہے جہاں فلمی سین روزانہ کی بنیاد پر حقیقت میں سامنے آتے ہیں،تازہ واقعے میں دلہن کو رخصت ہوکر شوہرکے گھر جاتے ہوئے راستے سے اغوا کرلیا گیا ہے۔
بھارتی ریاست بہار کے ضلع سون پور میں بندوق کی نوک پر دلہن کے اغوا کا معاملہ سامنے آیا ہے، ایک نوجوان نے الزام لگایا ہے کہ وہ گزشتہ روز کو شادی کے بعد اپنی دلہن کے ساتھ گھر واپس جا رہا تھا کہ اس کی دلہن کو بندوق کی نوک پر اغوا کر لیا گیا۔ شکایت کے بعد تربھا پولیس نے تحقیقات شروع کردی ہے۔
ماہ قبل بالانگیر ضلع کے کامکھیا نگر کے ریکو پٹیل کی منگنی بودھ ضلع کے کنٹمل راتھ پاڑا کی ایک خاتون سے ہوئی تھی، ان کی شادی طے شدہ پروگرام کے مطابق رات گئے انجام پائی۔
اگلے دن صبح ریکو اپنی بیوی کے ساتھ کامکھیا نگر واپس آرہا تھا، تاہم سون پور ضلع کے تربھہ تھانہ علاقے کے تحت ایک سنسان سڑک پر کچھ نوجوانوں نے دولہا کی گاڑی کو روکا۔
اس سے پہلے کہ کوئی رد عمل ظاہر کرتا، نوجوانوں نے بندوق تان لی اور نوبیاہتا دلہن کو لے گئے، اس واقعہ کے بعد دولہا ریکو نے تربھ پولیس اسٹیشن میں شکایت درج کرائی اور گھر واپس آگئے۔
دولہے کے اہل خانہ اور عوام کو شبہ ہے کہ ایسا اس لیے ہوا کیونکہ لڑکی کو دوسرے مرد سے محبت تھی، دولہے کے فریق نے شادی اور پارٹی کے اخراجات، لڑکی کو دیے گئے سونے کے زیورات اور کپڑے وغیرہ کے معاوضے کا مطالبہ کیا ہے۔
دولہے کی بہن بلاسنی پٹیل نے کہا کہ میرے بھائی کی شادی6 ماہ قبل کنٹمل میں ہوئی تھی، ہم نے اس پر لاکھوں روپے خرچ کیے تھے۔
شادی کی بارات ہفتے کو روانہ ہوئی، شادی اسی رات ہوئی، صبح چار بجے، میرا بھائی اور دیگر کئی گاڑیوں میں گھر واپس آ رہے تھے، راستے میں کچھ نوجوانوں نے ان کی گاڑی کو روکا، وہ ہماری دلہن کو بندوق اور دوسرے ہتھیار دکھاکر لے گئے اور اس کی پٹائی کی۔
بلاسنی پٹیل نے کہا اس کے پیچھے دلہن کا ہاتھ ہے، لہٰذا، ہم شادی پر خرچ کیے گئے تمام سونے کے زیورات اور کپڑوں کا معاوضہ چاہتے ہیں۔ اس لیے ہم نے پولیس میں شکایت بھی درج کرائی ہے۔
ویب ڈیسک
Faiz alam babar
ذریعہ
ذریعہ: Jasarat News
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا