ایران-امریکہ کشیدگی کے درمیان ایران میں بھارتی شہریوں کیلئے سفارتی ایڈوائزری جاری
اشاعت کی تاریخ: 23rd, February 2026 GMT
سفارت خانے کیجانب سے جاری بیان میں شہریوں کو ہدایت دی گئی ہے کہ وہ مکمل احتیاط برتیں، احتجاج یا مظاہروں والی جگہوں سے دور رہیں، مقامی حالات پر نظر رکھیں اور مسلسل بھارتی سفارت خانے سے رابطے میں رہیں۔ اسلام ٹائمز۔ ایران اور امریکہ کے درمیان بڑھتی ہوئی کشیدگی کے پیش نظر ایران میں قائم بھارتی سفارت خانے نے وہاں مقیم بھارتی شہریوں کے لئے نئی حفاظتی ایڈوائزری جاری کر دی ہے۔ خطے میں سکیورٹی صورتحال غیر یقینی ہونے کے باعث مختلف ممالک اپنے شہریوں کو احتیاطی اقدامات اختیار کرنے کی ہدایت دے رہے ہیں۔ ایران میں بھارتی سفارت خانے نے بھارتی حکومت کی 5 جنوری 2026ء کی سابقہ ہدایات کو جاری رکھتے ہوئے کہا ہے کہ ایران میں موجود تمام بھارتی شہری، جن میں طلبہ، زائرین، کاروباری افراد اور سیاح شامل ہیں، دستیاب تجارتی پروازوں یا دیگر سفری ذرائع کے ذریعے جلد از جلد ایران چھوڑنے پر غور کریں۔
سفارت خانے کی جانب سے جاری بیان میں شہریوں کو ہدایت دی گئی ہے کہ وہ مکمل احتیاط برتیں، احتجاج یا مظاہروں والی جگہوں سے دور رہیں، مقامی حالات پر نظر رکھیں اور مسلسل بھارتی سفارت خانے سے رابطے میں رہیں۔ شہریوں کو مقامی میڈیا کے ذریعے تازہ صورتحال سے باخبر رہنے کا بھی مشورہ دیا گیا ہے۔ بھارتی مشن نے ایران میں موجود تمام شہریوں سے اپیل کی ہے کہ وہ اپنے سفری اور امیگریشن دستاویزات، خصوصاً پاسپورٹ اور شناختی کاغذات، ہر وقت تیار رکھیں۔ کسی بھی ہنگامی صورتحال میں مدد کے لئے سفارت خانے کی ہیلپ لائن نمبرز جاری کئے گئے ہیں، جبکہ ای میل کے ذریعے بھی رابطہ کیا جا سکتا ہے۔ ایڈوائزری میں یہ بھی کہا گیا ہے کہ جو بھارتی شہری ابھی تک سفارت خانے میں رجسٹرڈ نہیں ہیں وہ فوری طور پر اپنی رجسٹریشن مکمل کریں۔ ایڈوائزری میں یہ بھی کہا گیا ہے کہ اگر ایران میں انٹرنیٹ مسائل کے باعث رجسٹریشن ممکن نہ ہو تو بھارت میں موجود اہل خانہ یہ عمل مکمل کر سکتے ہیں۔
ادھر یورپی ممالک نے بھی اپنے شہریوں کے لئے انتباہ جاری کئے ہیں۔ سربیا نے اپنے شہریوں کو ایران کا سفر نہ کرنے اور وہاں موجود افراد کو جلد از جلد ملک چھوڑنے کا مشورہ دیا ہے۔ اسی طرح پولینڈ کی حکومت نے بھی موجودہ حالات کے پیش نظر اپنے شہریوں کو فوری واپسی کی ہدایت دی ہے اور خبردار کیا ہے کہ ممکنہ مسلح تصادم کی صورت میں اچانک انخلا مشکل ہو سکتا ہے۔ امریکہ کی جانب سے مشرق وسطیٰ میں گزشتہ دو دہائیوں کی سب سے بڑی فوجی تعیناتی اور ایران کے جوہری پروگرام پر سخت بیانات کے بعد خطے کی صورتحال عالمی سطح پر تشویش کا باعث بن گئی ہے، جس کے نتیجے میں متعدد ممالک احتیاطی سفری ہدایات جاری کر رہے ہیں۔
ذریعہ
ذریعہ: Islam Times
کلیدی لفظ: بھارتی سفارت خانے اپنے شہریوں شہریوں کو ایران میں
پڑھیں:
پاکستان اور اٹلی کے سفارتی پاسپورٹ ہولڈرز کیلئے ویزا ختم کرنے کا معاہدہ
روم (ڈیلی پاکستان آن لائن) پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کا معاہدہ ہوگیا۔
نجی ٹی وی چینل دنیا نیوز کے مطابق پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کے معاہدے پر دستخط کی تقریب اٹلی وزارت خارجہ روم میں منعقد ہوئی۔ معاہدہ سفارتی وفود کے تبادلوں میں آسانی اور روابط مضبوط کرے گا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے