مصری جنگلی بلے کا اسرائیلی فوجیوں پر حملہ، متعدد زخمی
اشاعت کی تاریخ: 23rd, March 2025 GMT
مصری جنگلی بلے نے اسرائیلی سرحد پر تعیناتی صہیونی فوجیوں پر حملہ کردیا، متعدد فوجی زخمی ہوگئے۔
دو روز قبل اسرائیلی میڈیا نے ایک خبر دی تھی کہ شکاری مصری لینکس (جنگلی بلّے ) نے مصر سے ملحقہ سرحد پر اسرائیلی فوج کے متعدد سپاہیوں پر حملہ کرکے انہیں مختلف نوعیت کے زخم لگائے۔
اسرائیلی میڈیا نے اطلاع دی ہے کہ مصری سرحدی علاقے خاص طور پر جبل حریف کے علاقے میں فوجیوں کو جانوروں کے مشتبہ کاٹنے کی اطلاعات موصول ہوئی ہیں۔
انہوں نے کہا کہ ایک نایاب شکاری جانور لینکس کو نیچر اینڈ ریزرو اتھارٹی کے ایک انسپکٹر نے پکڑ لیا، انسپکٹر اطلاع ملنے کے بعد جائے وقوعہ پر پہنچا تھا۔ اسرائیلی میڈیا نے مزید کہا کہ ریزرو انسپکٹر نے جانور کو پکڑا اور یہ مصری لنکس نکلا اسے جانچ کیلئے خصوصی اسپتال منتقل کردیا گیا۔
واضح رہے کہ لینکس یا جنگلی بلا درمیانے درجے کا شکاری ہے، اس کی لمبائی 60 سے 130 سینٹی میٹر کے درمیان ہوتی ہے، اس کی رفتار کا انحصار اپنے شکار کی رفتار پر ہوتا ہے اور یہ 80 کلومیٹر فی گھنٹہ کی رفتار سے دوڑ سکتا ہے۔
لنکس ریگستان میں رہتا ہے، یہ کم بارش والے علاقوں کو ترجیح دیتا ہے، یہ خرگوش، چوہے اور پرندوں جیسے چھوٹے جانوروں کو شکار کرنے پر انحصار کرتا ہے۔
مصر سے اسرائیل میں جانوروں کی دراندازی نے 2022ء میں اسرائیلیوں میں بہت سے خدشات کو جنم دیا، اسرائیلی سائنسدانوں نے ملک کے جنوب میں واقع وادی عرب علاقے میں مصری چھپکلی کے پھیلاؤ کے بارے میں ایک انتباہ جاری کیا تھا کہ اس سے ماحولیاتی نظام کو خطرہ ہے۔
اسرائیلی اخبار ’’یدیعوت احرونوت‘‘ نے ایک رپورٹ شائع کی ہے جس میں کہا گیا ہے کہ نیچر اینڈ پارکس اتھارٹی مصری گیکوز اور چھپکلیوں کا پتہ لگانے میں وادی عربہ کے مقامی باشندوں سے مدد طلب کر رہی ہے جو خطے میں پھیلنا شروع ہوگئے ہیں اور خوفناک رفتار سے بڑھ رہے ہیں اور زرعی فصلوں کو کھارہے ہیں۔
تل ابیب یونیورسٹی میں سائنس کے پروفیسر شائی میری نے کہا کہ مصری چھپکلی اور گیکو کسی بھی چیز کو کھاسکتے ہیں اور کسی بھی مزاحمت پر قابو پاسکتے ہیں، وہ کسی بھی ماحولیاتی نظام کو شدید نقصان پہنچانے کی صلاحیت رکھتے ہیں۔
ذریعہ: Daily Mumtaz
پڑھیں:
مودی دور میں خواتین کے خلاف جرائم میں خطرناک اضافہ: بی جے پی رہنماؤں پر جنسی زیادتی کے الزامات
بھارت میں مودی سرکار کے دور میں خواتین کے خلاف جرائم، خاص طور پر طاقتور سیاسی شخصیات کی جانب سے جنسی زیادتی کے واقعات میں تشویشناک اضافہ دیکھنے میں آیا ہے۔
این ڈی ٹی وی کی ایک حالیہ رپورٹ کے مطابق بی جے پی کے ایم ایل اے پربھو چوہان کے بیٹے پرتیک چوہان کے خلاف کرناٹکا میں جنسی زیادتی کا مقدمہ درج کیا گیا ہے۔
رپورٹس کے مطابق مہاراشٹر کی 25 سالہ ایک خاتون کی شکایت پر درج ہونے والی ایف آئی آر میں الزام ہے کہ پرتیک چوہان نے 25 دسمبر 2023 سے 27 مارچ 2024 کے درمیان متعدد بار اس خاتون کو جنسی طور پر ہراساں کیا۔ متاثرہ خاتون کا کہنا ہے کہ شادی کے وعدوں کے باوجود پرتیک نے نہ صرف اسے دھوکا دیا بلکہ اسے خودکشی پر مجبور کرنے کی کوشش کی اور اس کے بازو پر بلیڈ سے زخم بھی لگایا۔
انڈین ایکسپریس کے اعداد و شمار کے مطابق 2019 سے 2025 تک کے عرصے میں بھارت کے 151 موجودہ ایم پیز اور ایم ایل ایز کے خلاف خواتین سے متعلق جرائم کے مقدمات زیر سماعت ہیں۔
بھارتی تنظیم برائے جمہوری اصلاحات (اے ڈی آر) کے مطابق ان میں سب سے زیادہ تعداد (54) بی جے پی کے ارکان اسمبلی و پارلیمنٹ کی ہے، جن میں سے 16 ارکان پر جنسی زیادتی کے سنگین الزامات ہیں۔
یہ کوئی نیا رجحان نہیں ہے۔ این ڈی ٹی وی، ٹائمز آف انڈیا اور دیگر میڈیا رپورٹس کے مطابق، بی جے پی کے متعدد سابق وزراء اور ارکان اسمبلی پر جنسی زیادتی کے الزامات لگ چکے ہیں۔ 2019 میں بی جے پی کے سابق ایم ایل اے کلدیپ سنگھ کو ایک نابالغ لڑکی سے زیادتی کے جرم میں عمر قید کی سزا ہوئی تھی۔ اسی طرح بی جے پی ایم پی برج بھوشن شرن سنگھ پر متعدد خواتین نے جنسی ہراسانی کے الزامات لگائے تھے۔
ماہرین کا کہنا ہے کہ بی جے پی کے ’’بیٹی پڑھاؤ‘‘ کے نعرے محض سیاسی مفادات تک محدود ہیں، جبکہ عملی طور پر پارٹی کے رہنما خواتین کے خلاف جرائم میں ملوث پائے گئے ہیں۔ مودی سرکار کا یہ وتیرہ رہا ہے کہ وہ پارٹی سے تعلق رکھنے والے ملزمان کو سرکاری تحفظ فراہم کرتی ہے، جس کے نتیجے میں ملک میں جنسی جرائم کی شرح میں مسلسل اضافہ ہو رہا ہے۔
کئی شہروں میں بارش، کرنٹ لگنے، چھت گرنے سے 4 بچوں سمیت 5 جاں بحق