بھارت کا فالس فلیگ آپریشن کا بھانڈا پھوٹ چکا ہے، صمصام بخاری
اشاعت کی تاریخ: 2nd, May 2025 GMT
آئی پی پی کے رہنما اور سابق صوبائی وزیر کا لاہور میں پریس کانفرنس میں کہنا تھا کہ پاکستان کیخلاف پروپیگنڈہ کیا جا رہا ہے تاکہ سندھ طاس معاہدے کو ختم کیا جا سکے، پاکستان ایک امن پسند ملک ہے، لیکن اپنی سلامتی پر سمجھوتہ نہیں کریں گے، آج بھی بتانا چاہتے ہیں کہ مودی کی سوچ کیخلاف ہیں، اقوام عالم کو بھارت کے پاکستان کیخلاف پروپیگنڈہ کرنے کا نوٹس لینا چاہئے۔ اسلام ٹائمز۔ استحکام پاکستان پارٹی کے مرکزی رہنما سابق صوبائی وزیر اطلاعات سید صمصام بخاری نے لاہور میں پریس کانفرنس سے خطاب میں کہا کہ آئی پی پی اور پوری قوم پاک فوج کیساتھ ہے، بھارت کا فالس فلیگ آپریشن کا بھانڈا پھوٹ چکا ہے، مودی کی پوری سیاست نفرت پر ہے۔ صمصام بخاری نے کہا کہ پاکستان کیخلاف پروپیگنڈہ کیا جا رہا ہے تاکہ سندھ طاس معاہدے کو ختم کیا جا سکے، پاکستان ایک امن پسند ملک ہے، لیکن اپنی سلامتی پر سمجھوتہ نہیں کریں گے۔ انہوں نے کہا کہ آج بھی بتانا چاہتے ہیں کہ مودی کی سوچ کیخلاف ہیں، اقوام عالم کو بھارت کے پاکستان کیخلاف پروپیگنڈہ کرنے کا نوٹس لینا چاہئے۔
انہوں نے کہا کہ بھارت کے سکھوں کی زندگی مودی نے تباہ کی ہوئی ہے، پاکستان کی نظریاتی سرحدوں کو چھیڑا گیا تو انکو لگ پتا جائے گا، پاکستان کشمیریوں کیساتھ ہے، ان پر جو بربریت ہو رہی ہے، اس پر آواز اٹھاتے رہیں گے۔ صمصام بخاری نے کہا کہ مودی ہوش کے ناخن لے کیونکہ اگر جنگ ہوئی تو بھارت کی نہ معیشت بچے گی اور نہ ہی ملک، پاک فوج کیساتھ ہیں، پاک فوج نے ہمیشہ ملک کی سرحدوں کی حفاظت کی ہے اور ہمیں ان پر فخر ہے۔ صمصام بخاری نے کہا کہ پی ٹی آئی کو کہنا چاہتے ہیں کہ اس موقع پر حکومت اور فوج کیساتھ کھڑے ہوں، اس وقت سیاست سے بالاتر ہو کر ملکی مفاد کا سوچنا ہوگا، بانی پی ٹی آئی کا اب تک پاکستان یا پاک فوج کے حق میں نہیں آیا جو کہ آنا چاہیئے تھا۔
ذریعہ: Islam Times
کلیدی لفظ: پاکستان کی نے کہا کہ پاک فوج کیا جا
پڑھیں:
دفتر خارجہ نے آپریشن سندور پر بھارتی پارلیمنٹ میں کیے گئے دعوے مسترد کردیے
اسلام آباد:دفترخارجہ نے آپریشن سندر کے حوالے سے بھارتی پارلیمنٹ میں دیے گئے بیانات کو بے بنیاد قرار دیتے ہوئے مسترد کردیا اور زور دیا کہ بھارت کو غیر قانونی اقدام پر فخر کرنے کے بجائے معاہدے کی ذمہ داریاں پوری کرنی چاہئیں۔
ترجمان دفترخارجہ شفقت علی خان نے بھارتی پارلیمنٹ میں آپریشن سندور پر بحث کے دوران سوالات کے جواب میں دیے گئے بیان پر ردعمل دیتے ہوئے کہا کہ پاکستان نام نہاد "آپریشن سندور" پر لوک سبھا میں بھارتی رہنماوٴں کے بے بنیاد دعووں کومسترد کرتا ہے۔
ترجمان نے کہا کہ یہ بیانات حقائق کو مسخ کرنے، جارحیت کا جوازپیش کرنے اور تنازعات کو بڑھاوا دینے کے خطرناک رجحان کی عکاسی ہیں، دنیا جانتی ہے کہ بھارت نے پہلگام حملے کی مصدقہ تحقیقات اور ثبوت کے بغیر پاکستان پر حملہ کیا۔
انہوں نے کہا کہ بھارت کے حملوں کے نتیجے میں بے گناہ مرد، خواتین اور بچے شہید ہوئے جب کہ بھارت اپنے اسٹریٹجک مقاصد میں سے کسی کو بھی حاصل کرنے میں ناکام رہا اوربھارتی لڑاکا طیاروں اور فوجی اہداف کو بے اثر کرنے میں پاکستان کی شان دار کامیابی ناقابل تردید حقیقت ہے۔
ترجمان دفترخارجہ نے کہا کہ بھارتی لیڈرعوام کو گمراہ کرنے کے بجائے مسلح افواج کے نقصانات کو تسلیم کریں، بھارتی رہنما جنگ بندی کو عملی جامہ پہنانے میں تیسرے فریق کے فعال کردار کو قبول کریں۔
ان کا کہنا تھا کہ بھارت نے پہلگام حملے کی شفاف تحقیقات کے لیے وزیراعظم پاکستان کی پیش کش کا فائدہ نہیں اٹھایا، بھارت نے جنگ اور جارحیت کا راستہ اختیار کرتے ہوئے جج، جیوری اور جلاد کے طور پر کام کیا۔
انہوں نے کہا کہ بھارتی وزیر داخلہ کی طرف سے دیا گیا اکاؤنٹ من گھڑت ہے جس کی ساکھ پر سنگین سوالات اٹھ رہے ہیں، کیا یہ محض اتفاق ہے کہ پہلگام حملے کے مبینہ مجرم لوک سبھا کی بحث کے آغاز پر ہی مارے گئے۔
ترجمان دفترخارجہ نے کہا کہ ہم دوطرفہ تعلقات میں "نئے معمول" کے قیام سے متعلق ہندوستانی بیانات کومسترد کرتے ہیں اور ہم مستقبل کی کسی بھی بھارتی جارحیت کا مقابلہ کریں گے، ہم اپنی خود مختاری اور علاقائی سالمیت کے احترام اور اقوام متحدہ کے چارٹر کے اصولوں کی پاسداری چاہتے ہیں۔
شفقت علی خان نے کہا کہ پاکستان کی جانب سے مبینہ "ایٹمی بلیک میلنگ" کا بھارتی بیانیہ گمراہ کن ہے، پاکستان نے اپنی روایتی صلاحیتوں کے ذریعے بھارت کو روکا۔
بھارت کے یک طرفہ اقدامات کو مسترد کرتے ہوئے انہوں نے کہا کہ سندھ طاس معاہدے کو التوا میں رکھنے کا بھارت کا فیصلہ بین الاقوامی معاہدوں کی بے توقیری ہے۔
ترجمان دفترخارجہ نے مزید کہا کہ بھارت کو غیر قانونی اقدام پر فخر کرنے کے بجائے معاہدے کی ذمہ داریاں پوری کرنی چاہئیں، پاکستان امن، علاقائی استحکام اور جموں و کشمیر سمیت تمام تصفیہ طلب مسائل پربامعنی مذاکرات کے لیے پرعزم ہے۔
سعودی امدادی ادارے کا آزاد کشمیر میں بڑا انسانی اقدام؛ 4,000 ریلیف کٹس کی تقسیم، 28 ہزار سے زائد متاثرہ افراد مستفید