یہ پاکستان کی بہت بڑی فتح، دنیا کا ماحول تبدیل ہو گیا
اشاعت کی تاریخ: 13th, May 2025 GMT
لاہور:
گروپ ایڈیٹر ایکسپریس نیوز ایاز خان کا کہنا ہے کہ 6 گھنٹے کی جنگ میں ایسا چھکا ہم نے مارا جو باؤنڈری سے باہر جا کر نہیں گرا، اسٹیڈیم سے باہر جا کر گرا، پوری دنیا نے دیکھ لیا کہ چھکا کس طرح سے ماراجاتا ہے، ایک چھکا شارجہ میں جاوید میانداد نے آخری بال پر مارا تھا انڈیا کے خلاف آج تک انڈیا اس کا درد نہیں بھول سکا تو یہ کہاں بھولے گا۔
ایکسپریس نیوز کے پروگرام کنٹرول روم میں گفتگو کرتے ہوئے انھوں نے کہ ہم نے ورلڈ آرڈر چینج کر دیا لیٹرلی یہ کر کے، تجزیہ کار فیصل حسین نے کہا کہ یہ پاکستان کی اتنی بڑی فتح ہے اتنی بڑی فتح ہے کہ دنیا کا میکانزم تبدیل ہو گیا ہے، دنیا کا ماحول تبدیل ہو گیا ہے۔ بھارت یہ دعویدار تھا کہ وہ دنیا کی چوتھی بڑی آرمی ہے تو پاکستان نے دنیا کی چوتھی بڑی آرمی کو ہرا کہ اب اپنا مقام چوتھی بڑی آرمی پہ لکھ لیا ہے، دنیا کی چوتھی بڑی آرمی جو ہے وہ پاکستان ہے، پاکستان نے ایک بار پھر ثابت کر دیا کہ مسلم امہ کی اگر کوئی سب سے بڑی عسکری قوت ہے تو وہ پاکستان ہے۔
تجزیہ کار عامر الیاس رانا نے کہا کہ ہم نے جو کہا ہے نہ کہ معرکہ حق، اس آپریشن کو نام دیا گیا ہے کہ مکمل ہو گیا ہے، اس کا مطلب ہے کہ ہمارے اور ان کے ڈی جی ایم اوز کی جو میٹنگ ہوئی آپ نے خود خبر میں بھی حوالہ دیا ہے، انڈینز نے کہا ہے کہ بات چیت جاری رہے گی تو ہماری طرف سے سیز فائر اس لحاظ سے کمپلیٹ ہو گیا، اب اگر کوئی چیز آئے گی غلط تو اس کا جواب نئے سرے سے دیا جائے گا کیونکہ کمپلیٹ کرنے کا مقصد ہے کہ پاکستان نے اپنی طرف سے دینا کو میسج دیا ہے کہ آپ بالکل بے فکر ہو جائیں، ہم نے جو وعدہ کیا ہے اس پر قائم ہیں اور ہم نہیں کریں گے۔
تجزیہ کار نوید حسین نے کہا کہ میرا خیال ہے کہ ساحر لدھیانوی نے کہا تھا کہ جنگ تو خود ایک مسئلہ ہے، جنگ کیا مسئلوں کا حل دے گی، جنگ تو کسی کے حق میں نہیں، وہ پاکستان ہو، وہ انڈیا ہو، ہر دو ممالک جو ہیں ان کے حق میں جنگ نہیں ہے لیکن جب جنگ مسلط کی جاتی ہے، جنگ مسئلوں کا حل نہیں ہوتی، یہ ریئلائزیشن میرے خیال میں مودی کو بھی ہو جانی چاہیے، بی جے پی کو اور انڈینزکو بھی ہو جانی چاہیے۔
تجزیہ کار محمد الیاس نے کہا کہ پانی کا اور پاکستان میں جو دہشت گردی ہو رہی ہے ٹی ٹی پی اور بی ایل اے اس کے ساتھ شامل ہے تنظیمیں جو ہیں جو شامل ہیںاس کے تانے بانے جتنے بھی دہشت گردی کے ہوتے ہیں وہ بھارت جاتے ہیں، بھارت دوست ممالک کی سرحدوں کو استعمال کرتا ہے، پاکستان بارہا دنیا کے ممالک کو بتا چکا ہے کہ بھارت ان سب میں ملوث ہے، پانی کے بارے میں تو مذاکرات کریں گے اور کرنے چاہییں، پاکستان کو کشمیر اور پانی کے جو سندھ طاس معاہدے میں مزید جو تین دریاجو انہوں نے لیے تھے ہم سے ان کے پانی کی بحالی کے لیے بھی بات کرنی چاہیے۔
.ذریعہ: Express News
کلیدی لفظ: تجزیہ کار نے کہا کہ ہو گیا گیا ہے
پڑھیں:
خواب دیکھنے والے کہاں ہیں؟
data-id="863a0a8" data-element_type="widget" data-widget_type="theme-post-content.default">
251109-03-7
شاہنواز فاروقی
آپ کا کیا خیال ہے دنیا خواب سے بنتی ہے یا حقیقت سے؟ اس سے پہلے کہ آپ اس سوال کا جواب دیں ہمارا ایک شعر سن لیجیے۔ عرض کیا ہے۔
دنیا یہ حقیقت سے بنی ہے نہ بنے گی
دوچار سہی خواب بھی ہوں گے اسے درکار
یہ شعر بتا رہا ہے کہ دنیا حقیقت سے نہیں خواب سے بنتی ہے۔ خواب کا ایک نام ’’مثالیہ‘‘ ہے۔ خواب کا ایک نام ’’Ideal‘‘ ہے۔ اس دنیا میں جتنی خوبصورتی ہے جتنی معنویت ہے جتنی گہرائی ہے وہ خواب کا حاصل ہے۔ مثالیے کا کرشمہ ہے، Ideal کا نتیجہ ہے ان باتوں سے یہاں ہمیں بھارت کی سابق وزیراعظم اندرا گاندھی کا ایک انٹرویو یاد آگیا۔ انٹرویو کرنے والے نے اندرا گاندھی سے پوچھا کہ آپ کے اور آپ کے والد پنڈت جواہر لعل نہرو میں کیا فرق ہے۔ اندرا گاندھی نے اس کا خوبصورت مگر مختصر جواب دیا۔ انہوں نے کہا میرے والد ایک خواب دیکھنے والے تھے جبکہ میں ایک حقیقت پسند شخصیت ہوں۔ اندرا گاندھی کی بات بالکل درست تھی نہرو واقعتا خواب دیکھنے والے تھے۔ نہرو کا خواب یہ تھا کہ بھارت ایک بڑی صنعتی و معاشی طاقت بن کر اُبھرے۔ چنانچہ انہوں نے اپنے اقتدار کے 17 برسوں میں بھارت میں بھاری صنعتوں کا جال بچھادیا۔ اور آج ہم دیکھ رہے ہیں بھارتی معیشت دنیا کی پانچویں بڑی معیشت بن چکی ہے۔ پنڈت جواہر لعل نہرو کی خواب پسندی کا ایک ثبوت یہ ہے کہ وہ ہندو ہونے کے باوجود اردو سے محبت کرتے تھے۔ وہ ہندی کے بجائے اردو میں تقریر کرتے تھے۔ لوگوں نے کہا کہ ہندوئوں کی زبان ہندی ہے آپ ہندی میں تقریر کیا کریں۔ نہرو نے کچھ دن ایسا کیا مگر جلد ہی اس سلسلے کو ترک کرکے دوبارہ اردو کی طرف آگئے۔ وہ اردو کو ’’ہند اسلامی تہذیب‘‘ کے ملاپ کا حاصل سمجھتے تھے۔ بھارت کا آئین بنا تو آئینی ساز افراد اس کا مسودہ لے کر نہرو کی خدمت میں حاضر ہوئے۔ آئین کے مسودے میں بھارت کی قومی زبانوں کی ایک فہرست تھی۔ نہرو نے دیکھا اس فہرست میں اردو کا نام نہیں ہے۔ نہرو نے آئین سازوں سے اس کی وجہ پوچھی تو انہوں نے کہا کہ ہم میں سے کسی کی مادری زبان اردو نہیں ہے۔ نہرو نے کہا میری مادری زبان اردو ہے۔ چنانچہ آئین سازوں کو بھارتی زبانوں میں اردو کو شامل کرنا پڑا۔ پاکستان میں اکثر لوگ یہ سمجھتے ہیں کہ مسئلہ کشمیر کو اقوام متحدہ میں پاکستان لے کر گیا۔ ایسا نہیں ہے۔ مسئلہ کشمیر کو نہرو اقوام متحدہ میں لے کر گئے۔ یہ نہرو تھے جنہوں نے ہندوستان اور پاکستان میں مذہبی اقلیتوں کے تحفظ کے لیے لیاقت علی خان کے ساتھ مل کر ’’نہرو لیاقت پیکٹ‘‘ پر دستخط کیے۔ بی جے پی کا کوئی اور رہنما ہوتا تو وہ ان تمام کاموں میں ایک کام بھی نہ کرتا۔ اس لیے کہ بی جے پی اور اس کی پشت پر موجود آر ایس ایس ’’خواب پرست‘‘ نہیں بلکہ ’’حقیقت پسند‘‘ ہیں۔
قائداعظم کی پوری سوانحی تاریخ بتاتی ہے کہ وہ بھی ایک خواب دیکھنے والے تھے۔ ایک زمانے میں ’’ہندو مسلم اتحاد‘‘ یا ایک قومی نظریہ ان کا خواب تھا، مگر جلد ہی ان پر اس خواب کی معنویت آشکار ہوگئی۔ چنانچہ انہوں نے دو قومی نظریے کا پرچم تھام لیا۔ انہوں نے جب پاکستان کا نعرہ فضا میں بلند کیا تو پاکستان اس وقت صرف ایک ’’خواب‘‘ تھا، صرف ایک امکان، صرف ایک مثالیہ، صرف ایک Ideal مگر قائداعظم نے اس خواب کے پودے کو اپنے خون دل سے سینچا اور دیکھتے ہی دیکھتے اسے تناور درخت بنادیا۔ قائداعظم کے سوانح نگار اسٹیلنے ولپرٹ نے لکھا ہے کہ تاریخ میں ایسے لوگ کم ہوئے ہیں جنہوں نے تاریخ کے دھارے کا رُخ بدلا ہے۔ اس سے بھی کم لوگ وہ ہوئے ہیں جنہوں نے جغرافیہ تبدیل کیا ہے اور ایسا تو شاید کوئی بھی نہیں ہوا جس نے قومی ریاست تخلیق کی ہو۔ قائداعظم نے بیک وقت یہ تینوں کام کیے۔ یہاں کہنے کی اصل بات یہ ہے کہ اگر قائداعظم خواب دیکھنے والے نہ ہوتے تو وہ ان میں ایک کام بھی نہیں کرسکتے تھے۔
بلاشبہ اقبال بیسویں صدی کے ایک بڑے خواب دیکھنے والے تھے۔ اقبال کا مردِ مومن ایک خواب ہے۔ ایک مثالیہ ہے۔ ایک Ideal ہے۔ اقبال کا شاہین ایک خواب ہے۔ ایک مثالیہ ہے ایک Ideal ہے۔ اقبال کا تصور خودی ایک خواب ہے، ایک مثالیہ ہے، ایک Ideal ہے۔ ذرا دیکھیے تو اقبال مومن کے بارے میں کیا فرما گئے ہیں۔
ہر لحظہ ہے مومن کی نئی آن نئی شان
گفتار میں کردار میں اللہ کی برہان
قہاری و غفاری و قدوسی و جبرت
یہ چار عناصر ہوں تو بنتا ہے مسلمان
ہمسایۂ جبریلِ امیں بندئہ خاکی
ہے اس کا نشیمن نہ بخارا نہ بدخشان
یہ راز کسی کو نہیں معلوم کہ مومن
قاری نظر آتا ہے، حقیقت میں ہے قرآن
جس سے جگر لالہ میں ٹھنڈک ہو وہ شبنم
دریائوں کے دل جس سے دہل جائیں وہ طوفان
٭٭
تقدیر کے پابند جمادات و نباتات
مومن فقط احکامِ الٰہی کا ہے پابند
٭٭
کافر کی یہ پہچان کہ آفاق میں گم ہے
مومن کی یہ پہچان کہ گم اس میں ہے آفاق
٭٭
کافر ہے تو شمشیر پہ کرتا ہے بھروسہ
مومن ہے تو بے تیغ بھی لڑتا ہے سپاہی
اقبال نے شاہین کے حوالے سے فرمایا ہے۔
ترا جوہر ہے نْوری، پاک ہے تْو
فروغِ دیدۂ افلاک ہے تْو
ترے صیدِ زبوں افرشتہ و حْور
کہ شاہینِ شہِ لولاکؐ ہے تْو!
٭٭
پرواز ہے دونوں کی اسی ایک فضا میں
شاہیں کا جہاں اور ہے کرگس کا جہاں اور
اقبال نے خودی کے سلسلے میں فرمایا ہے۔
خودی سے اس طلسمِ رنگ و بُو کو توڑ سکتے ہیں
یہی توحید تھی جس کو نہ تو سمجھا نہ میں سمجھا
٭٭
یہ پیام دے گئی ہے مجھے بادِ صبح گاہی
کہ خودی کے عارفوں کا ہے مقام پادشاہی
٭٭
خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے
مولانا مودودی بھی بیسویں صدی کے بڑے خواب دیکھنے والوں میں سے تھے۔ انہوں نے ایک طرف اسلام کے عالمگیر غلبے کا خواب دیکھا۔ اور دوسری طرف انہوں نے باطل نظاموں کی شکست وریخت کا خواب دیکھا۔ انہوں نے فرمایا ایک وقت آئے گا کہ سوشلزم کو ماسکو میں پناہ نہیں ملے گی اور ایک وقت آئے گا جب لبرل ازم لندن اور پیرس میں لرزہ براندام ہوگا۔ ان پیشگوئیوں میں سے مولانا کی ایک پیشگوئی صحیح ثابت ہوچکی ہے اور دوسری پیشگوئی بھی ان شاء اللہ آج نہیں تو کل صحیح ثابت ہوگی۔ مولانا سے پہلے علما کی عظیم اکثریت اس بات پر ایمان لے آئی تھی کہ بلاشبہ اسلام حق ہے مگر اب ریاست و سیاست اور معیشت اور آرٹ سے اس کا کوئی تعلق نہ ہوگا۔ مولانا نے اس کے مقابلے پر اس خیال کو عام کیا کہ اسلام ایک مکمل ضابطہ ٔ حیات ہے، آج مسلم دنیا کے لوگوں کی عظیم اکثریت مولانا کے خیال پر ایمان لے آئی ہے اور اب ساری دنیا کے مسلمان اسلام کو ایک مکمل ضابطہ ٔ حیات سمجھتے ہیں۔ مولانا کے غلبہ اسلام کے خواب نے مولانا سے 100 سے زائد کتب تحریر کروائیں ان سے قرآن کی تفسیر لکھوائی۔
بلاشبہ سوشلزم ایک باطل نظریہ تھا۔ مگر ’’سوشلسٹ انقلاب‘‘ بھی ایک خواب تھا جسے لینن نے روس میں حقیقت بنا کر دکھادیا۔ سوشلسٹ انقلاب کا خواب روس تک محدود نہ رہا۔ اس نے دیکھتے ہی دیکھتے آدھی دنیا کو اپنی گرفت میں لے لیا۔ بلاشبہ سوشلسٹ انقلاب کا خواب ایک مادی خواب تھا چنانچہ اس خواب نے آدھی دنیا میں انقلاب برپا کردیا۔ بادشاہتیں منہدم ہوگئیں، جاگیرداری ماضی کا حصہ بن گئیں، کروڑوں لوگوں کے لیے تعلیم اور علاج معالجے کی سہولتیں مفت ہوگئیں۔ سوشلسٹ ریاستوں میں کوئی بیروزگار تھا نہ بے گھر تھا، ان ریاستوں میں خواندگی کی شرح سو فی صد تھی۔ چنانچہ سوشلسٹ ریاستیں مطالعہ کرنے والے انسانوں کی ریاستیں تھیں۔ چین میں مائوزے تنگ نے چینی قوم کو سوشلسٹ انقلاب کا خواب دکھایا اور انقلاب برپا کردیا۔ انقلاب سے پہلے چینی قوم افیون کھانے والی قوم تھی۔ اس کی صنعتی ترقی صفر تھی۔ معاشی ترقی نہ ہونے کے برابر تھی مگر چین کی انقلابی قیادت نے گزشتہ 40 سال میں 80 کروڑ لوگوں کو غربت سے نکالا ہے۔ آج چین دنیا کی دوسری بڑی معیشت ہے۔ چین عسکری اعتبار سے دنیا کی تین بڑی طاقتوں میں سے ایک ہے۔
بدقسمتی سے آج ہماری دنیا میں خواب دیکھنے والوں کا کال پڑا ہوا ہے۔ قائداعظم، علامہ اقبال اور مولانا مودودی کے پاکستان میں کُندذہن جرنیلوں اور ان کے پیدا کردہ سیاست دانوں کا قبضہ ہے۔ اس پاکستان میں نہ اقبال کا مرد مومن موجود ہے نہ اقبال کے شاہین کی کوئی اہمیت ہے۔ جرنیلوں اور ان کے پیدا کردہ سیاست دانوں نے ملک اور معاشرے پر ایسا جبر مسلط کیا ہوا ہے کہ انفرادی اور اجتماعی خودی کی نشوونما ممکن ہی نہیں رہی۔ نہرو کے ہندوستان پر آر ایس ایس اور بی جے پی کا غلبہ ہے۔ اس غلبے نے 25 کروڑ مسلمانوں اور 40 کروڑ شوردوں اور دلتوں کی زندگی کو جہنم بنایا ہوا ہے۔ مغربی دنیا کے سب سے طاقتور ملک امریکا پر ٹرمپ کا قبضہ ہے جسے خواب کے معنی بھی معلوم نہیں ہیں۔ ساحر لدھیانوی یاد آگئے جنہوں نے کہا ہے۔
یہ دنیا ہے مُردہ پرستوں کی بستی
یہاں پر تو جیون سے ہے موت سستی
یہ دنیا اگر مل بھی جائے تو کیا ہے
آئینی ترمیم: وزراء اور ارکان پارلیمنٹ کے غیرملکی دورے منسوخ