ہمارا دفاع مضبوط ہے ، اب قرضوں سے نجات حاصل کرنا ہوگی، گورنر سندھ
اشاعت کی تاریخ: 18th, May 2025 GMT
ہمارا دفاع مضبوط ہے ، اب قرضوں سے نجات حاصل کرنا ہوگی، گورنر سندھ WhatsAppFacebookTwitter 0 18 May, 2025 سب نیوز
کراچی(سب نیوز) گورنر سندھ کامران ٹیسوری نے کہا کہ ہے کہ پاکستانی افواج نے بتا دیا ہمارا دفاع مضبوط ہے، اب پاکستان کو قرضوں سے نجات دلانے کی کوششیں کرنا ہوں گی۔مسلم لیگ ن کے وفاقی وزرا پر مشتمل وفد گورنر ہاوس کراچی پہنچا، وفد میں وزیر اعظم کے مشیر برائے سیاسی امور رانا ثنا اللہ، وفاقی وزیر خزانہ محمد اورنگزیب، وفاقی وزیر توانائی اویس احمد خان لغاری، اور وفاقی وزیر پٹرولیم علی پرویز ملک تھے، ملاقات کے دوران وفاقی وزیر ڈاکٹر خالد مقبول صدیقی، ڈاکٹر فاروق ستار، محترمہ نسرین جلیل، امین الحق، جاوید حنیف، حفیظ اور دیگر بھی شریک تھے۔
ملاقات کے بعد گورنر سندھ اور متحدہ قومی موومنٹ کے رہنماوں سے ملاقات کے بعد مسلم لیگ ن کے وفد اور ایم کیو ایم کے رہنماوں نے مشترکہ طور پر میڈیا سے گفتگو کی۔گورنر سندھ کامران ٹیسوری کا کہنا تھا کہ ن لیگ کے رہنمائوں اور وزیر خزانہ کا شکریہ ادا کروں گا کہ جنگ کے دوران آئی ایم ایف سے بات کی اور رقم لی، بھارتی ڈائریکٹر نے کوشش کی کہ قسط نہ ملے لیکن ہمیں کامیابی ہوئی، اللہ تعالی نے پاکستان کو سرخرو کیا، پوری قوم مبارک کی مستحق ہے، سپہ سالار اور وزیر اعظم کا شکریہ ادا کرتے ہیں۔انہوں نے کہا کہ کہ وفاقی وزرا اور ایم کیو ایم پاکستان کا شکر گزار ہوں، تمام فورسز کے سربراہوں، وزیرِ اعظم اور نواز شریف کو خراجِ تحسین پیش کرتے ہیں۔
وزیراعظم کے مشیر رانا ثنا اللہ کا اس موقع پر کہنا تھا کہ وزیرِ اعلی سندھ مراد علی شاہ اور ایم کیو ایم کے دوستوں سے ملاقات ہوئی ہے، انہوں نے کہا ہے کہ آج ہم نے تاجروں سے بھی ملاقات کی ہے، اب کوشش ہے کہ عوام کو بجٹ میں خوش خبری دیں، حکومت کی کوششوں سے ملکی معیشت بہتر ہوئی ہے۔انہوں نے گورنر صاحب اور ایم کیو ایم کے رہنماوں کا شکریہ ادا کرتے ہوئے کہا کہ مشکل کے دور میں ساتھ دینے پر عوام کو خراجِ تحسین پیش کرتے ہیں، ملک بحران سے نکل آیا ہے، بجٹ میں عام آدمی کو ریلیف ملے گا، آئندہ بجٹ میں ملک کے لیے بہتر ہو گا، بجٹ سے متعلق سب سے مشاورت کر رہے ہیں۔ایم کیو ایم کے رہنما فاروق ستار کا کہنا تھا کہ ہم نے زور دیا کہ عام لوگوں کو زیادہ سے زیادہ ریلیف دیا جائے جبکہ رانا ثنا اللہ کے بیان کی بھی تائید کرتے ہوئے کہا کہ معاشی حالات بہتر ہوئے ہیں۔انہوں نے کہا کہ ہمیں ڈائریکٹ ٹیکس کے معاملے کو بھی وسیع کرنا ہے، کراچی اور حیدر آباد سے متعلق ترقیاتی کاموں پر بھی توجہ دینے کی ضرورت ہے، ان شا اللہ اگلے سال دسمبر تک کے فور منصوبہ مکمل ہو جائے گا، شہر قائد میں بڑا مسئلہ نکاسی اور سڑکوں کی ٹوٹ پھوٹ کا ہے اسے حل کیا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبرپختونخوا حکومت کا سولر پینل منصوبہ کرپشن اور کمیشن مافیا کی نذر ہوگیا ، عظمی بخاری خیبرپختونخوا حکومت کا سولر پینل منصوبہ کرپشن اور کمیشن مافیا کی نذر ہوگیا ، عظمی بخاری اسلام آباد، راولپنڈی میں ژالہ باری، طوفانی ہواوں اور بارش کا امکان، الرٹ جاری بھارت کیخلاف کامیابی ٹیم ورک سے ملی اور ٹیم کو ہدایات نواز شریف نے دی تھیں، اسپیکر ایاز صادق پاکستان نے تاریخی فتح پر بھارتی جارحیت اور جھوٹ بے نقاب کرکے ڈوزیئر جاری کردیا بھارت نے دریائے سندھ کا پانی روکا تو دہائیوں طویل نتائج ہونگے، ڈی جی آئی ایس پی آر مسئلہ کشمیر پاکستان اور بھارت میں ایٹمی جنگ کا سبب بن سکتا ہے، برطانوی پارلیمنٹCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: اور ایم کیو ایم ایم کیو ایم کے گورنر سندھ وفاقی وزیر انہوں نے کہا کہ نے کہا
پڑھیں:
گورنر سندھ نے سندھ فنانس بل 2025ء کی منظوری دیدی
گورنر سندھ کامران خان ٹیسوری سندھ فنانس بل 2025ء پر دستخط کر رہے ہیں—ویڈیو گریبگورنر سندھ کامران خان ٹیسوری نے سندھ فنانس بل 2025ء کی منظوری دے دی۔
گورنر سندھ کامران ٹیسوری کی منظوری کے بعد سندھ فنانس بل یکم جولائی سے نافذ العمل ہو گیا۔
ایوان میں چار نئے بل بھی متعارف کرادیئے گئے۔ جن میں حصول اراضی کا ترمیمی بل ، سندھ لینڈ ریونیوترمیمی بل، سندھ ایکسپلوسوز بل اور سندھ کانٹریکٹ کی بنیاد پر بھرتی اساتذہ کی مستقلی کا ترمیم بل 2019شامل ہیں۔
گورنر سندھ کی منظوری کے بعد فنانس بل میں موٹر سائیکل کو لازمی انشورنس کی شرط سے مستثنیٰ قرار دیا گیا ہے۔
اس حوالے سے گورنر سندھ کامران ٹیسوری کا کہنا ہے کہ تعلیم، صحت، آئی ٹی، پیشہ ورانہ ٹیکسیشن، انفرااسٹرکچر اور مینوفیکچرنگ سمیت مختلف شعبوں میں عوام کو ریلیف دیا گیا ہے۔
گورنر سندھ نے بل پر شفاف عمل درآمد یقینی بنانے کی ہدایت بھی کی ہے۔
قومی اسمبلی نے مختلف وزارتوں، ڈویژنوں کے لیے سپلیمنٹری گرانٹس کی منظوری دیدی