پاکستان سے بدترین شکست؛ بھارتی چیف آف ڈیفنس اسٹاف نے فوج کی نااہلی کا پول کھول دیا
اشاعت کی تاریخ: 4th, June 2025 GMT
پاکستان سے جنگ میں بدترین شکست پر بھارتی چیف آف ڈیفنس اسٹاف نے اپنی ہی فوج کی نااہلی کا پول کھول دیا۔
بھارتی چیف آف ڈیفنس اسٹاف (CDS) جنرل انیل چوہان نے اعتراف کیا ہے کہ حالیہ آپریشن سندور کے دوران بھارتی افواج کا 15 فیصد وقت جعلی خبروں اور پروپیگنڈے سے نمٹنے میں ضائع ہو گیا، جس کے باعث جنگی حکمت عملی اور ریئل ٹائم آپریشنل کارکردگی ناکام رہی۔
جنرل انیل چوہان کے اس بیان نے بھارت کے ان دعوؤں کی قلعی کھول کر رکھ دی ہے، جن میں وہ خود کو جدید ٹیکنالوجی اور ریئل ٹائم انٹیگریشن کی حامل افواج قرار دیتا رہا ہے۔
انہوں نے کہا کہ پاکستان کے خلاف جنگ کے دوران سائبر حملوں، جھوٹی خبروں اور گمراہ کن پروپیگنڈے کے باعث بھارتی فوج کو نہ صرف فیصلہ سازی میں مشکلات کا سامنا کرنا پڑا بلکہ حقیقی زمینی صورت حال کا ادراک بھی کئی مواقع پر نہیں ہو سکا۔
ماہرین کے مطابق یہ انکشاف بھارتی فوجی اور حکومتی بیانیے کی ناکامی کا کھلا ثبوت ہے، جہاں سائبر جنگی محاذ پر تیاری کا فقدان اور داخلی ہم آہنگی کی کمی واضح طور پر سامنے آ چکی ہے۔
دوسری جانب بھارتی میڈیا مسلسل جھوٹے دعوے اور مبالغہ آرائی پر مبنی خبریں نشر کرتا رہا، جس سے بھارتی عوام کو گمراہ کیا گیا اور ایک فرضی فتح کا تاثر دیا جاتا رہا۔
تجزیہ کاروں کا کہنا ہے کہ اس اعتراف نے نہ صرف بھارتی افواج کی پیشہ ورانہ صلاحیتوں پر سوالیہ نشان لگا دیا ہے بلکہ دنیا بھر میں اس کے دفاعی دعووں کی ساکھ بھی متاثر ہوئی ہے۔ آپریشن سندور جو بھارتی حکومت نے خوش فہمی کی بنیاد پر شروع کیا تھا، اب خود مودی سرکار کے چہرے کا کلکنک بن چکا ہے۔
دفاعی ماہرین کا کہنا ہے کہ یہ صورتحال اس بات کی مظہر ہے کہ جدید دور کی جنگیں صرف ہتھیاروں سے نہیں بلکہ معلومات، سچائی اور مؤثر ابلاغ سے بھی لڑی جاتی ہیں اور یہاں بھارت نہ صرف ناکام ثابت ہوا بلکہ اپنے ہی جھوٹے بیانیے میں الجھ کر رہ گیا۔
.ذریعہ: Express News
پڑھیں:
پاکستان نے بھارت کو عسکری میدان، بیانیہ کی جنگ اور سفارتی محاذ پر موثر اور بھرپور انداز میں شکست دی، بھارتی بیانیہ کو ہر محاذ پر ناکامی کا سامنا ہوا، وفاقی وزیر عطاء اللہ تارڑ
اسلام آباد (اُردو پوائنٹ اخبارتازہ ترین - اے پی پی۔ 04 جون2025ء) وفاقی وزیر اطلاعات و نشریات عطاء اللہ تارڑ نے کہا ہے کہ پاکستان نے عسکری میدان، بیانیہ کی جنگ اور سفارتی محاذ پر بھارت کو موثر اور بھرپور انداز میں شکست دی، وزیراعظم محمد شہباز شریف نے سفارتی محاذ پر پاکستان کا موقف بھرپور انداز میں پیش کیا، پاکستانی میڈیا نے حقائق کے ساتھ ذمہ دارانہ صحافت کی جبکہ بھارتی میڈیا نے فیک نیوز اور جھوٹ کا سہارا لیا، کشیدہ صورتحال میں پاکستانی قوم نے مثالی یکجہتی کا مظاہرہ کیا، بھارتی بیانیہ کو ہر محاذ پر ناکامی کا سامنا ہوا، بھارت اپنی خفت مٹانے کے لئے جھوٹ پر مبنی پراپیگنڈا کر رہا ہے۔ بدھ کے روز یہاں پی ٹی وی ہیڈ کوارٹرز میں پریس کانفرنس سے خطاب کرتے ہوئے وفاقی وزیر اطلاعات نے کہا کہ وزیراعظم محمد شہباز شریف نے سفارتی محاذ پر پاکستان کا موقف موثر اور جرات مندانہ انداز میں دنیا کے سامنے پیش کیا، نائب وزیراعظم اور ان کی ٹیم نے جانفشانی سے کام کیا، پاکستان نے بھارتی جارحیت کا ذمہ دارانہ جواب دے کر عالمی سطح پر ایک سنجیدہ ریاست کا تاثر دیا۔(جاری ہے)
وفاقی وزیر اطلاعات نے کہا کہ بھارتی میڈیا نے روایتی طور پر جھوٹ اور فیک نیوز کا سہارا لیا، بھارتی میڈیا نے لاہور میں بندرگاہ تک بنا دی لیکن پاکستانی میڈیا نے قومی مفادات کا تحفظ کرتے ہوئے ذمہ دارانہ صحافت کی مثال قائم کی۔ اس سفارتی اور بیانیہ کی جنگ میں بین الاقوامی سطح پر پاکستان کو کامیابی حاصل ہوئی جس میں وزیراعظم، نائب وزیراعظم، سفارتی ٹیم، میڈیا ہائوسز، اینکرز اور صحافیوں کا کلیدی کردار ہے۔ وفاقی وزیر نے کہا کہ پاکستان نے ذمہ دارانہ ریاست کے طور پر رسپانس دیا، فیلڈ مارشل سید عاصم منیر کی قیادت اور وار سٹریٹجی نے بھارت کو ہر محاذ پر پسپائی پر مجبور کیا۔ انہوں نے کہا کہ ”معرکہ حق“ اور ”آپریشن بنیان مرصوص“ کو تاریخ میں سنہری الفاظ میں یاد رکھا جائے گا۔ عطاء اللہ تارڑ نے کہا کہ کشیدہ صورتحال میں پاکستانی قوم نے جس اتحاد اور یکجہتی کا مظاہرہ کیا وہ مثالی تھا۔ انہوں نے کہا کہ بھارتی بیانیہ کو ہر محاذ پر ناکامی کا سامنا ہوا، افواج پاکستان نے بھارت کو منہ توڑ جواب دیا اور بھارت کر بدترین شکست کا سامنا کرنا پڑا، اب بھارت اپنی خفت مٹانے کے لئے جھوٹ پر مبنی پروپیگنڈا کر رہا ہے۔ وفاقی وزیر اطلاعات نے کہا کہ بھارت بلوچستان میں دہشت گردی کی کارروائیوں میں براہ راست ملوث ہے۔ بھارتی نیوی کا حاضر سروس افسر کلبھوشن یادیو اس کی واضح مثال ہے۔ بھارت کی دہشت گردانہ سرگرمیاں پاکستان سمیت کینیڈا، امریکہ اور آسٹریلیا تک پھیل چکی ہیں اور یہ بھارت کی خارجہ پالیسی کا حصہ بن چکی ہے۔ وزیر اطلاعات نے کہا کہ بھارتی نیوی کا حاضر سروس کمانڈر کلبھوشن یادیو فرضی نام سے اپنے آپ کو بزنس مین ظاہر کرکے بلوچستان میں دہشت گردی کی کارروائیوں میں ملوث تھا جسے بلوچستان سے گرفتار کیا گیا۔ انہوں نے کہا کہ فتنہ الہندوستان بلوچستان میں دہشت گردی کی کارروائیوں کیلئے فنڈنگ کر رہا ہے لیکن افواج پاکستان ہر قسم کی دہشت گردی کے خاتمے کے لئے پرعزم ہیں۔ وفاقی وزیر اطلاعات نے کہا کہ مودی، بھارتی سیاستدان، حکومتی عہدیداران اور وزراء اپنی تقاریر میں بلوچستان کا ذکر کیوں کرتے ہیں؟ انہوں نے کہا کہ فتنہ الہندوستان بلوچستان کے اندر دہشت گردی کی کارروائیوں کی نہ صرف فنڈنگ کرتا ہے بلکہ اسلحہ بھی مہیا کرتا ہے اور بہت ساری کارروائیوں میں ان کے ہینڈلرز ملوث ہوتے ہیں۔ وفاقی وزیر اطلاعات نے کہا کہ فتنہ الہندوستان سے افواج پاکستان اچھے طریقے سے نمٹ رہی ہیں، دہشت گردوں کو جہنم واصل کر رہے ہیں۔ انہوں نے بتایا کہ نریندر مودی نے 1971ء میں مکتی باہنی کی حمایت کرنے کا اعتراف کیا، یہ ہمیشہ پراکسیز کے ذریعے اپنی جنگیں لڑتے ہیں۔ انہوں نے کہا کہ فتنہ الہندوستان کے تحت بھارت پاکستان کے اندر عدم استحکام پیدا کرنے کی سازشوں میں ملوث ہے، ان کا یہ خواب کبھی پورا نہیں ہوگا۔ انہوں نے کہا کہ مٹھی بھر دہشت گرد ریاست پاکستان کا کچھ نہیں بگاڑ سکتے، فتنہ الہندوستان کا خاتمہ ضرور ہوگا اور بلوچستان میں امن ہوگا۔ انہوں نے کہا کہ جعفر ایکسپریس واقعہ میں بھارتی میڈیا کا کردار اور دہشت گردوں کو کوریج دینا ان کے ایجنڈے کو بے نقاب کرتا ہے۔ پاک فوج اور ایس ایس جی نے جس مہارت سے یرغمال لوگوں کو کم سے کم نقصان پر بازیاب کروایا یہ ان کی مہارت کا منہ بولتا ثبوت ہے۔ انہوں نے کہا کہ بھارتی ٹی وی چینلز پر فتنہ الہندوستان کے دہشت گردوں کے انٹرویوز چلائے جا رہے تھے جو جعفر ایکسپریس واقعہ کے ذمہ دار تھے۔ بھارتی میڈیا پر ٹرین کی پٹڑی کو اڑتے ہوئے دکھایا گیا، یہ فوٹیج پاکستان سے پہلے بھارت میں آن ایئر ہوئی۔ یہ سب چیزیں ثابت کرتی ہیں کہ بھارت بلوچستان میں دہشت گردی کے واقعات میں ملوث ہے۔ انہوں نے کہا کہ جعفر ایکسپریس واقعہ پر بھارت میں جشن منایا گیا، خضدار میں معصوم بچوں کونشانہ بنایا گیا، بھارت کی دہشت گردی پر مبنی پالیسی نہیں چلے گی، فتنہ الہندوستان کا بلوچستان سے ضرور خاتمہ ہوگا۔ وفاقی وزیر اطلاعات نے کہا کہ پاکستان نے پہلگام واقعہ پر غیر جانبدارانہ، شفاف عالمی تحقیقات کی پیشکش کی جس سے بھارت پیچھے ہٹ گیا۔ انہوں نے کہا کہ وزیراعظم شہباز شریف اور فیلڈ مارشل سید عاصم منیر کی قیادت میں پاکستان نے موثر حکمت عملی کے ذریعے دشمن کو بھرپور جواب دیا۔ وفاقی وزیر نے کہا کہ بلوچستان پاکستان کی لائف لائن ہے، بلوچستان میں قیام امن، ترقی اور خوشحالی کے سفر کو ہر قیمت پر آگے بڑھایا جائے گا اور فتنہ الہندوستان کا خاتمہ کر کے پاکستان کو پائیدار امن کی طرف لے جایا جائے گا۔ ایک سوال کے جواب میں وفاقی وزیر اطلاعات نے کہا کہ بلاول بھٹو زرداری کی قیادت میں وفد نے اقوام متحدہ کے سیکرٹری جنرل ، جنرل اسمبلی کے صدر، چین، امریکہ، برطانیہ اور روس کے نمائندوں اور تھنک ٹینکس سے اہم ملاقاتیں کیں۔ انہوں نے کہا کہ دنیا کے ہر فورم پر وفود کے ذریعے بھرپور طریقے سے بتایا جارہا ہے کہ بھارت کے سٹیٹ سپانسرڈ ٹیررازم کے واضح ثبوت موجود ہیں۔ انہوں نے کہا کہ پاکستان بھارت کے گمراہ کن پراپیگنڈے کو ہر سطح پر ناکام بنائے گا اور خطے میں امن کے قیام کو یقینی بنایا جائے گا۔
میں کسی یزید کے کہنے پر 3 سال تو کیا 3 منٹ بھی خاموش نہیں رہوں گا