وزیراعظم کی زیر صدارت معاشی ٹیم کا اجلاس کچھ دیر بعد ہوگا
اشاعت کی تاریخ: 10th, June 2025 GMT
—فائل فوٹو
وزیر اعظم شہباز شریف لاہور سے اسلام آباد پہنچ گئے، انہوں نے معاشی ٹیم کا اجلاس بلا لیا۔ وزیر اعظم کی زیر صدارت معاشی ٹیم کا اجلاس کچھ دیر بعد ہو گا۔
اجلاس میں وزیر خزانہ محمد اورنگزیب، دیگر وزراء سمیت وزارت خزانہ اور ایف بی آر حکام شریک ہوں گے۔
حکومت نے آئی ایم ایف کو پرانی گاڑیوں کی درآمد پر ٹیکسز کم کرنے کی تجویز دے دی۔
اجلاس میں بجٹ تقریر پر وزیر اعظم کو بریفنگ دی جائے گی۔ معاشی ٹیم کے اجلاس میں سرکاری ملازمین کی تنخواہوں اور پنشنز میں اضافے کی تجاویز پر بریفنگ ہوگی۔
ذرائع کے مطابق سرکاری ملازمین کی تنخواہوں اور پنشن میں 10 فیصد اضافے کی تجویز زیر غور ہے۔
دوسری جانب وفاقی کابینہ سے بجٹ منظوری کےلیے اجلاس آج ہوگا، وزیر اعظم شہباز شریف اجلاس کی صدارت کریں گے۔
ذرائع کے مطابق اجلاس آج سہ پہر 3 بجے پارلیمنٹ ہاؤس میں منعقد ہوگا۔
.ذریعہ: Jang News
کلیدی لفظ: معاشی ٹیم
پڑھیں:
قومی اسمبلی کا اجلاس ، وزیر خزانہ بجٹ 26-2025 پیش کررہے ہیں
سپیکر قومی اسمبلی ایاز صادق کی زیر صدارت بجٹ اجلاس ، وفاقی وزیر خزانہ محمد اورنگزیب بجٹ 26-2025 پیش کررہے ہیں۔
قومی اسمبلی کا بجٹ اجلاس 5 بجے طلب کیا گیا تھا تاہم اجلاس تقریباً آدھے گھنٹے تاخیر سے شروع ہوا۔
قبل ازیں، وزیراعظم شہباز شریف کی زیر صدارت وفاقی کابینہ نے آئندہ مالی سال کے بجٹ کی منظوری دے دی تھی جبکہ سرکاری ملازمین کی تنخواہوں میں 10 فیصد اضافے کی منظوری دی گئی۔
ذرائع نے بتایا تھا کہ وفاقی بجٹ میں نان فائلرز کے لیے مزید سخت اقدامات کیے جانے کا امکان ہے، پیٹرولیم مصنوعات کی کیش خریداری کی حوصلہ شکنی کے لیے اقدامات کیے جاسکتے ہیں جبکہ ہر قسم کی کیش خریداری پر بھی اضافی ٹیکس کی تجویز ہے۔
بنیان مرصوص کے ماحول میں یومِ تکبیر