مون سون بارشوں کی پیشگوئی پر کراچی ایئرپورٹ پر حفاظتی انتظامات کی ہدایت
اشاعت کی تاریخ: 25th, June 2025 GMT
کراچی:
کراچی میں مون سون بارشوں کی پیشگوئی کے بعد پاکستان ایئرپورٹس اتھارٹی نے جناح انٹرنیشنل ایئرپورٹ پر تمام متعلقہ اداروں کو چوکس رہنے کی ہدایت جاری کردی۔
ترجمان کے مطابق مون سون کے دوران ایئرپورٹ پر کیڑوں کی افزائش کی وجہ سے پرندوں کی سرگرمی بڑھنے کا خدشہ ہے۔ اس صورت حال سے نمٹنے کے لیے ایئر سائیڈ پر انسپکٹرز اور برڈ کنٹرول اہلکاروں کی تعیناتی یقینی بنائی جائے۔
ایئرپورٹس اتھارٹی نے ہدایت کی ہے کہ کھلی اشیاء اور ساز و سامان کو محفوظ انداز میں باندھا یا ذخیرہ کیا جائے تاکہ شدید موسم میں نقصان سے بچا جا سکے۔ اس کے علاوہ ہلکے طیاروں کو محفوظ جگہوں پر منتقل کرنے یا باندھنے کے انتظامات کی بھی ہدایت دی گئی ہے۔
تمام بیکن لائٹس اور پولز کو محفوظ اور مکمل طور پر فعال رکھنے، بارش کے پانی کی نکاسی میں رکاوٹ بننے والے عوامل کو ختم کرنے اور ایئر فیلڈ لائٹنگ ٹیم کو روشنیوں کی درستگی یقینی بنانے کی ہدایات بھی جاری کی گئی ہیں۔
انتظامیہ کا کہنا ہے کہ بارشوں کے دوران ایئرپورٹ آپریشنز کو محفوظ اور بلاتعطل جاری رکھنے کے لیے تمام ضروری اقدامات کیے جا رہے ہیں۔
.ذریعہ: Express News
کلیدی لفظ: کو محفوظ
پڑھیں:
14 سے 23 اگست تک مون بارشوں کا نیا اسپیل، سیلاب و اربن فلڈنگ کے خدشات
محکمہ موسمیات نے ملک کے مختلف حصوں میں آئندہ ہفتوں میں مزید مون سون بارشوں کی پیشگوئی کرتے ہوئے شہریوں کو الرٹ رہنے کی ہدایت دی ہے۔
نجی ٹی وی پروگرام میں گفتگو کرتے ہوئے ڈپٹی ڈائریکٹر محکمہ موسمیات انجم نذیر نے کہا کہ مون سون کا سیزن ابھی ختم نہیں ہوا اور آئندہ دنوں میں اس کی شدت میں اضافہ ہوگا۔
یہ بھی پڑھیں: مون سون بارشوں کا نیا سلسلہ 13 اگست سے شروع ہوسکتا ہے، ڈی جی پی ڈی ایم اے
انجم نذیر کے مطابق 14 اگست تک صرف ایک یا دو مقامات پر ہلکی یا درمیانی بارش کا امکان ہے، تاہم 14 اگست سے 23 اگست تک کا 10 روزہ دورانیہ پاکستان کے لیے اہم ہے کیونکہ اس دوران ملک کے کئی حصے موسلادھار بارشوں کی لپیٹ میں آئیں گے۔
انہوں نے بتایا کہ 14 اگست سے شمال مشرقی پنجاب کے اضلاع سیالکوٹ، قصور، نارووال اور ملحقہ علاقوں میں بارشوں کا سلسلہ شروع ہوگا۔ شدید بارش کی وجہ سے مشرقی دریاؤں میں طغیانی اور بعض شہروں میں اربن فلڈنگ کا خطرہ ہے۔
یہ بھی پڑھیں: پنجاب میں مون سون کے چھٹے طاقتور اسپیل کی پیشگوئی، اربن فلڈنگ کا خدشہ
ان کا کہنا تھا کہ اس کے بعد بارشوں کا یہ سلسلہ پاکستان کے جنوبی علاقوں کی طرف بڑھے گا، جہاں 17 اگست سے 23 اگست تک سندھ کے اکثر حصوں میں درمیانی سے موسلادھار اور چند مقامات پر شدید موسلادھار بارش ہوسکتی ہے۔
انجم نذیر نے کہا کہ کراچی میں بھی بارش کے امکانات بڑھ گئے ہیں۔ 17 اگست سے 23 اگست کے دوران شہر میں وقفے وقفے سے تیز بارش متوقع ہے، تاہم اس سے قبل جمعہ، ہفتہ اور اتوار کو موسم گرم اور درجہ حرارت میں اضافہ ہوگا۔ ان کے مطابق 17 اگست کی شام یا رات سے کراچی میں بارشوں کا آغاز ہوسکتا ہے۔
یہ بھی پڑھیں: مون سون کی تباہ کاریاں جاری، ہلاکتیں 252 تک پہنچ گئیں، مزید بارشوں کی پیشگوئی
انہوں نے شہریوں، ضلعی انتظامیہ اور متعلقہ اداروں کو پیشگی حفاظتی اقدامات کرنے اور ممکنہ اربن فلڈنگ کے لیے تیار رہنے کی ہدایت کی۔
دوسری جانب محکمہ موسمیات نے پیشگوئی کی ہے کہ پیر اور منگل کے روز ملک کے بیشترمیدانی علاقوں میں موسم گرم اور شدید حبس برقرار رہنے کا امکان ہے، تاہم خطہ پوٹھوہار، شمال مشرقی پنجاب، بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد انجم نذیر بارش پیشگوئی ڈپٹی ڈائریکٹر محکمہ موسمیات کشمیر گلگت بلتستان محکمہ موسمیات مری مون سون
امریکا: کتے نے بوتلوں سے ڈھکن ہٹانے کا انوکھا ریکارڈ بنا ڈالا