نوازشریف کے سابق پرنسپل سیکریٹری نے ’شوگر امپورٹ ‘کی کہانی کا بھیدکھول دیا
اشاعت کی تاریخ: 13th, July 2025 GMT
سابق وزیراعظم نواز شریف دور کے سابق پرنسپل سیکرٹری فواد حسن فواد نے شوگر امپورٹ کے پیچھے کی کہانی کھول دی۔
سابق بیوروکریٹ فواد حسن فواد نے حکومت کی جانب سے 30 کروڑ ڈالر مالیت کی چینی درآمد کے فیصلے کو شدید تنقید کا نشانہ بنایا ہے۔
The decision to import almost 300 Mn $ worth of sugar taken in the name of controlling price for common man needs an immediate review.
— Fawad Hasan Fawad (@fawadhasanpk) July 13, 2025
انہوں نے دعویٰ کیا ہے کہ یہ فیصلہ عام آدمی کے مفاد میں نہیں بلکہ مشروبات اور فوڈ انڈسٹری کے فائدے کے لیے کیا جا رہا ہے۔
سوشل میڈیا پلیٹ فارم ’ایکس‘ پر متعدد ٹوئٹس میں فواد حسن فواد نے کہا کہ عام آدمی چینی کا سب سے بڑا صارف نہیں ہے بلکہ سب سے زیادہ استعمال فوڈ اینڈ بیوریج انڈسٹری کرتی ہے۔
ان کے مطابق حیران کن بات یہ ہے کہ وہی لوگ پہلے برآمد کے احکامات لے کر فارن ایکسچینج (زرمبادلہ) کماتے رہے اور اب اسی زرمبادلہ سے چینی درآمد کر رہے ہیں۔
یہ بھی پڑھیں:شوگر ایڈوائزری بورڈ نے 5 لاکھ ٹن چینی درآمد کرنے کی منظوری دے دی
انہوں نے طنزیہ انداز میں کہا کہ ’عام آدمی آج نہ مشروبات خرید سکتا ہے نہ مٹھائیاں، لیکن ان کے نام پر چینی درآمد کی جا رہی ہے اور پھر مزید زرمبادلہ کے لیے قرض بھی لیا جائے گا‘۔
فواد حسن فواد نے مزید کہا کہ چینی انسانی صحت کے لیے مضر ہے، اور یہ کسی بھی صورت میں قیمتی زرمبادلہ خرچ کرنے کی چیز نہیں۔
ان کا کہنا تھا کہ اصل مسئلہ قیمتوں پر کنٹرول نہ ہونا ہے، جس کا حل درآمد نہیں بلکہ چینی کی صنعت، بیوپاریوں اور درمیانے طبقے کے کردار کی تحقیقات ہے۔
انہوں نے سوال اٹھایا کہ چینی برآمد کی اجازت کس نے دی؟ اور فیڈرل بورڈ آف ریونیو (FBR) کہاں ہے؟
ان کا کہنا تھا کہ اگر ایف بی آر پچھلے 5 سال میں شوگر انڈسٹری کی کمائی پر صرف 35 فیصد ٹیکس ہی اکٹھا کر لے تو وہ ٹیکس آمدن میں نمایاں بہتری لا سکتا ہے۔
اپنی ٹوئٹ کے آخر میں فواد حسن فواد نے ایک خاص ہیش ٹیگ #NoSugarImportsAfterExports کا استعمال کرتے ہوئے مطالبہ کیا کہ برآمد کے بعد درآمد کی پالیسی بند ہونی چاہیے، کیونکہ یہ طریقہ کار عوام کے ساتھ زیادتی اور مخصوص مفادات کے تحفظ کا ذریعہ بن چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹوئٹ سابق پرنسپل سیکریٹری شوگر مافیا فواد حسن فواد نوازشرفذریعہ: WE News
کلیدی لفظ: ٹوئٹ سابق پرنسپل سیکریٹری شوگر مافیا فواد حسن فواد نوازشرف فواد حسن فواد نے چینی درآمد کے لیے
پڑھیں:
شوگر کے مریضوں کے لیے مورنگا (سہانجنا) کے 6 حیرت انگیز فوائد
ذیابیطس دنیا کی تیزی سے بڑھتی ہوئی بیماریوں میں سے ایک ہے۔ ماہرین کے مطابق غذا اور طرزِ زندگی میں چند سادہ تبدیلیاں شوگر کو قابو میں رکھنے میں مددگار ثابت ہو سکتی ہیں۔ انہی قدرتی تحفوں میں سے ایک ہے مورنگا (سہانجنا)، جو اینٹی آکسیڈنٹس اور غذائی اجزا سے بھرپور ہے۔
1: بلڈ شوگر کم کرنے میں مددگارمورنگا کے پتے قدرتی طور پر شوگر لیول کو نیچے لانے میں مدد دیتے ہیں۔ ان میں ایسے مرکبات پائے جاتے ہیں جو گلوکوز کو خلیوں تک پہنچانے کے عمل کو بہتر بناتے ہیں۔
2: انسولین کے اثر کو بڑھائےسائنسی تحقیق کے مطابق مورنگا انسولین ریزسٹنس کم کرتا ہے، جس سے جسم موجودہ انسولین کو زیادہ مؤثر طریقے سے استعمال کرتا ہے۔
مزید پڑھیں: سہانجنہ درخت کے طبی فوائد
3: اینٹی آکسیڈنٹس کا خزانہمورنگا اینٹی آکسیڈنٹس سے مالا مال ہے جو لبلبے کو سوزش سے محفوظ رکھتے ہیں اور شوگر کے مریضوں میں بیماری کو قابو میں رکھنے میں مدد کرتے ہیں۔
4: دل کی صحت کے لیے مفیدمورنگا کولیسٹرول اور بلڈ پریشر کو قابو میں رکھنے میں مدد کرتا ہے۔ یہ نہ صرف Lipid profile بہتر بناتا ہے بلکہ گردوں اور دیگر اعضاء کو ذیابیطس کے نقصانات سے بھی بچاتا ہے۔
5: معدہ اور جگر کی صفائییہ پودا نظامِ ہضم کو بہتر بناتا ہے اور جگر کو ڈیٹاکسیفائی کرتا ہے، جس سے خون میں گلوکوز کی سطح متوازن رہتی ہے۔
مزید پڑھیں: شوگر کے مریضوں کے لیے دہی کے 6 حیرت انگیز فوائد
6: وزن کم کرنے میں معاونمورنگا بھوک کو کنٹرول کرنے والے ہارمونز کو متوازن کرتا ہے، جس سے وزن گھٹانے میں مدد ملتی ہے۔ وزن میں کمی ذیابیطس کو قابو میں رکھنے کے لیے انتہائی ضروری ہے۔
استعمال کا طریقہروزانہ 1 چمچ مورنگا پاؤڈر پانی یا دہی کے ساتھ لیں۔
صبح کھانے سے پہلے یا ورزش/واک سے پہلے استعمال زیادہ مؤثر ہے۔
اسے اسموتھی، جوس یا اوٹ میل میں شامل کیا جا سکتا ہے۔
مورنگا کے پتے (خشک یا تازہ) چائے یا سالن میں شامل کریں۔
نوٹ: زیادہ مقدار لینے سے پہلے اپنے معالج سے مشورہ ضرور کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
(سہانجنا) ذیابیطس شوگر کے مریض مورنگا
کرینہ کپور کے دلچسپ جواب پر مداحوں میں چہ میگوئیاں