چلاس میں طوفانی بارشوں کے بعد سرچ آپریشن جاری، شبانہ لیاقت اور اہلِ خانہ سمیت 7 افراد تاحال لاپتا
اشاعت کی تاریخ: 28th, July 2025 GMT
چلاس اور بابوسر کے علاقے میں حالیہ طوفانی بارشوں اور سیلاب کے نتیجے میں جاری سرچ اینڈ ریسکیو آپریشن میں تاحال 7 افراد لاپتا ہیں جب کہ جاں بحق افراد کی تعداد 8 ہو گئی ہے۔
یہ بھی پڑھیں:چلاس اور بونجی میں گرمی عروج پر، 28 سالہ ریکارڈ ٹوٹ گیا
ترجمان صوبائی حکومت فیض اللہ فراق کے مطابق چلاس میں خیبر نیوز کی اینکرپرسن شبانہ لیاقت، ان کے شوہر لیاقت علی اور 3 بچے شاہراہ بابوسر پر لاپتا ہو گئے ہیں۔
تھک بابوسر کے مقامی رضاکار کو شبانہ لیاقت کا پرس ملا ہے جس میں ان اور ایمل لیاقت کے شناختی کارڈز موجود ہیں۔
ضلعی انتظامیہ دیامر کے مطابق لاپتا افراد کی تلاش کے لیے سرچ آپریشن بھرپور انداز میں جاری ہے۔
اس مقصد کے لیے پاک فوج کی 73 بلوچ رجمنٹ، جی بی سکاؤٹس، ریسکیو 1122، این ڈی ایم اے، جی بی ڈی ایم اے، مقامی پولیس اور دیگر اداروں پر مشتمل تین ٹیمیں تشکیل دی گئی ہیں جو مختلف علاقوں میں سرگرم عمل ہیں۔
تھک نالے اور تھور کے علاقوں میں ملبے کی تہیں 5 سے 10 فٹ تک پھیلی ہوئی ہیں جنہیں صاف کر کے لاپتا افراد کی تلاش جاری ہے۔
یہ بھی پڑھیں:چلاس کے پہاڑوں میں دریائی مٹی سے سونا چننے والا قبیلہ
ریسکیو ٹیمیں ریڈار، میٹل ڈیٹیکٹرز، سنیفر کتوں اور مقامی افراد کی معلومات کی مدد سے کوششیں کر رہی ہیں۔
اب تک 8 افراد کے جاں بحق ہونے کی تصدیق ہو چکی ہے، جن میں لودھراں، تھک، تھور اور فیصل آباد سے تعلق رکھنے والے افراد شامل ہیں۔ جبکہ لاپتا افراد میں شبانہ لیاقت اور ان کے خاندان سمیت منڈی فیصل آباد اور نوشہرہ سے تعلق رکھنے والے افراد شامل ہیں۔
وفاقی سیکریٹری مواصلات نے بابوسر روڈ سے جھل تک دورہ کر کے سڑک کی فوری بحالی کی ہدایت دی ہے، جس کے لیے رات بھر کام جاری رکھنے کی ہدایت کی گئی ہے۔
متاثرین میں 84 خیمے، 84 کچن سیٹ، 10 فوڈ پیکٹس اور 10 رضائیاں بھی تقسیم کی جا چکی ہیں۔
ضلعی انتظامیہ کے مطابق لاپتا افراد کی تعداد میں مزید اضافے کا خدشہ ہے، جبکہ ریسکیو ٹیمیں تباہ حال علاقے میں اپنی تمام تر صلاحیتوں کے ساتھ امدادی کارروائیاں جاری رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چلاس شبانہ لیاقت فیض اللہ فراق گلگت بلتستان لاقت علی.
ذریعہ
ذریعہ: WE News
کلیدی لفظ: چلاس شبانہ لیاقت فیض اللہ فراق گلگت بلتستان لاقت علی شبانہ لیاقت لاپتا افراد افراد کی کے لیے
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار