لیجنڈز لیگ: سنسنی خیز سیمی فائنل، جنوبی افریقا ایک رن سے آسٹریلیا کو شکست دے کر فائنل میں پہنچ گیا
اشاعت کی تاریخ: 1st, August 2025 GMT
انگلینڈ: لیجنڈز کی عالمی جنگ میں جنوبی افریقا چیمپئنز نے آسٹریلیا کو ایک رن سے ہرا کر فائنل کا ٹکٹ کٹوا لیا، اب ٹائٹل کے لیے پروٹیز چیمپئنز کا مقابلہ پاکستان چیمپئنز سے ہو گا۔
ورلڈ چیمپئن شپ آف لیجنڈز کے دوسرے سیمی فائنل میں شاندار مقابلہ دیکھنے میں آیا جہاں جنوبی افریقا چیمپئنز نے آخری اوور تک جاری رہنے والے سنسنی خیز میچ میں آسٹریلیا چیمپئنز کو صرف 1 رن سے شکست دے دی۔
میچ منگل کو انگلینڈ میں کھیلا گیا جہاں جنوبی افریقا چیمپئنز نے ٹاس جیت کر پہلے بیٹنگ کرتے ہوئے 20 اوورز میں 8 وکٹوں کے نقصان پر 186 رنز اسکور کیے۔
مورنی وین ویک 76 اور اسٹمس 57 رنز کے ساتھ نمایاں بیٹرز رہے۔
ہدف کے تعاقب میں آسٹریلیا چیمپئنز کی جانب سے بھرپور مزاحمت دیکھنے کو ملی، تاہم وہ 7 وکٹوں پر 185 رنز ہی بنا سکے اور ایک رن سے میچ ہار گئے۔ ڈینیئل کرسچن 49 رنز کے ساتھ ٹاپ اسکورر رہے۔
اس فتح کے ساتھ جنوبی افریقا چیمپئنز نے فائنل کے لیے کوالیفائی کر لیا ہے، جہاں اب ہفتے کے روز ان کا مقابلہ پاکستان چیمپئنز سے ہوگا۔
یاد رہے کہ پہلے سیمی فائنل میں بھارت نے پاکستان کے خلاف کھیلنے سے انکار کر دیا تھا، جس کے باعث پاکستان چیمپئنز کو بغیر کھیلے فائنل میں جگہ ملی تھی۔
.ذریعہ: Express News
کلیدی لفظ: جنوبی افریقا چیمپئنز نے فائنل میں
پڑھیں:
آسٹریلیا نے دوسرے ٹی ٹوئنٹی میں بھارت کو شکست دے دی
آسٹریلیا نے دوسرے ٹی ٹوئنٹی میچ میں بھارت کو 4 وکٹوں سے شکست دے دی۔
میلبرن میں کھیلے گئے میچ میں آسٹریلیا نے ٹاس جیت کر پہلے بولنگ کرنے کا فیصلہ کیا جو درست ثابت ہوا۔
بھارت کی پوری ٹیم 18.4 اوورز میں 125 رنز پر آل آؤٹ ہوگئی۔ ابھیشیک شرما 68 اور ہرشیت رانا 35 رنز بناکر نمایاں رہے۔ دیگر کوئی بلے باز ڈبل فیگرز میں داخل نہ ہوسکا۔
اکشر پٹیل 7، شبمان گل 5، شیوام دوبے 4، سنجو سیمسن 2، سوریا کمار یادیو ایک جبکہ تلک ورما، کلدیپ یادیو اور جسپریت بمراہ بغیر کوئی رن بنائے آؤٹ ہوئے۔
آسٹریلیا کی جانب سے جوش ہیزل ووڈ نے3، زیویئر بارٹلیٹ اور نیتھن ایلس نے 2،2 جبکہ مارکس اسٹوئنس نے ایک وکٹ حاصل کی۔
آسٹریلوی ٹیم نے 126 رنز کا ہدف باآسانی 13.2 اوورز میں 6 وکٹوں کے نقصان پر حاصل کرلیا۔
کپتان مچل مارش 46، ٹریوس ہیڈ 28 اور جوش انگلس 20 رنز بناکر نمایاں رہے۔
بھارت کی جانب سے جسپریت بمراہ، کلدیپ یادیو اور ورون چکرورتی نے 2،2 وکٹیں حاصل کیں۔
Australia's impressive bowling performance secured their victory over India in Melbourne ????#AUSvIND ????: https://t.co/JPvGg1jQQu pic.twitter.com/xmNHprTqWv
— ICC (@ICC) October 31, 2025آسٹریلیا کو پانچ ٹی ٹوئنٹی میچز کی سیریز میں 0-1 کی برتری حاصل ہوگئی ہے۔
خیال رہے کہ سیریز کا پہلا میچ بارش کی نذر ہوگیا تھا۔
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی