برطانوی سفیر کی مداخلت پر بغداد کا شدید احتجاج
اشاعت کی تاریخ: 10th, August 2025 GMT
عراقی سرکاری افواج میں شامل عوامی مزاحمتی فورس کے بارے برطانوی سفیر کے حالیہ مداخلت آمیز بیانات پر بغداد کیجانب سے شدید ردعمل سامنے آیا ہے اسلام ٹائمز۔ غیر پیشہ ورانہ سفارتی طرز عمل اور ملک کے اندرونی معاملات میں مداخلت پر مبنی برطانوی سفیر کے بیانات پر عراقی حکام کے شدید اعتراضات کے بعد عراقی نائب وزیر خارجہ محمد حسین بحرالعلوم نے بھی برطانوی سفیر کے ساتھ گفتگو میں ان بیانات سے متعلق عراقی حکومت کے شدید اعتراضات پر روشنی ڈالی ہے۔ اس موقع پر محمد حسین بحر العلوم کا کہنا تھا کہ ایسا رویہ سفارتی تعلقات سے متعلق ویانا کنونشن کی صریح خلاف ورزی ہے جبکہ اس کنونشن کے مطابق، سفارتکار میزبان ملک کے اندرونی معاملات میں کسی بھی قسم کی مداخلت سے گریز کا پابند ہے۔
اس حوالے سے عراقی حکومت نے برطانوی سفیر سے مطالبہ کیا ہے کہ اس قسم کے بیانات کو دہرانے سے گریز کرتے ہوئے دونوں ممالک کے درمیان دوستانہ تعلقات و باہمی احترام کو مضبوط بنانے کے لئے اقدامات اٹھائے جائیں۔ اس حوالے سے جاری ہونے والے اپنے بیان میں عراقی وزارت خارجہ نے بھی تعمیری سفارتی تعلقات کی پاسداری، باہمی احترام کے اصولوں پر کاربند رہنے اور ممالک کے اندرونی معاملات میں مداخلت سے گریز کی ضرورت پر زور دیا ہے۔
واضح رہے کہ عراق میں برطانوی سفیر نے حال ہی میں ایک بیان کرتے ہوئے کہا تھا کہ داعشی دہشت گرد گروہ کی شکست کے بعد اب عراق میں حشد الشعبی کی ضرورت ہی نہیں رہی!
ذریعہ
ذریعہ: Islam Times
کلیدی لفظ: برطانوی سفیر
پڑھیں:
ڈاکٹر محمد طفیل جامعہ کراچی کے وائس چانسلر مقرر، نوٹیفکیشن جاری
— فائل فوٹوجامعہ این ای ڈی کے وائس چانسلر ڈاکٹر محمد طفیل کو جامعہ کراچی کے وائس چانسلر کے عہدے کا اضافی چارج دینے کا نوٹیفکیشن جاری کر دیا گیا ہے، وہ 28 جولائی سے یہ نئی ذمے داریاں سنبھالیں گے۔
جامعہ کراچی کے موجودہ وائس چانسلر ڈاکٹر خالد محمود عراقی کی 4 سالہ مدت 28 جولائی کو ختم ہو گی۔
ڈاکٹر عراقی نے اس مدت سے قبل 3 برس جامعہ کراچی کے قائم مقام وائس چانسلر کی ذمے داریاں بھی سنبھالی تھیں وہ مجموعی طور پر 7 برس تک جامعہ کراچی کے وائس چانسلر رہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم