5 ممالک پاکستان کے کروڑوں ڈالرز کے ڈیفالٹر نکلے: آڈٹ رپورٹ
اشاعت کی تاریخ: 12th, August 2025 GMT
—فائل فوٹو
سری لنکا، بنگلادیش، عراق، سوڈان اور گنی بساؤ پاکستان کے کروڑوں ڈالرز کے ڈیفالٹر نکلے۔
آڈٹ رپورٹ کے مطابق حکومت سری لنکا، بنگلا دیش، عراق، سوڈان اور گنی بساؤ سے 30 کروڑ 45 لاکھ ڈالرز ریکور کرنے میں ناکام رہی۔
رپورٹ میں کہا گیا ہے کہ پاکستان نے 80 اور 90 کی دہائی میں ان ملکوں کو ایکسپورٹ کریڈٹ دیا تھا۔
آڈٹ رپورٹ کے مطابق پاکستانی کرنسی میں قرض کی یہ رقم 86 ارب روپے سے زیادہ بنتی ہے۔
عراق کے ذمے پاکستان کے سب سے زیادہ 23 کروڑ 13 لاکھ ڈالر واجب الادا ہے جبکہ سوڈان سے 4 کروڑ 66 لاکھ ڈالر وصول کرنے ہیں۔
پاکستانے گنی بساؤ سے 36 لاکھ 53 ہزار ڈالر وصول کرنے ہیں۔ بنگلا دیش کے ذمے شوگر پلانٹ اور سیمنٹ کی مد میں 2 کروڑ 14 لاکھ ڈالر ادا کرنے ہیں۔
.ذریعہ: Jang News
کلیدی لفظ: لاکھ ڈالر
پڑھیں:
اسرائیل کا پاکستان پر دباؤ ڈالنے کے لیے بھارت سے ہتھیاروں کا معاہدہ
رپورٹ کے مطابق ابتدائی منظوری کے بعد دونوں ممالک آنے والے مہینوں میں قیمت، وقتِ فراہمی، اور لائسنس کی تفصیلات طے کرنے کے لیے مزید مذاکرات کریں گے۔ اسلام ٹائمز۔ ایک عبرانی خبررساں ادارے نے انکشاف کیا ہے کہ اسرائیل نے پاکستان پر دباؤ بڑھانے کے مقصد سے بھارت کے ساتھ میزائلوں کا ایک دفاعی معاہدہ کیا ہے۔ خبر رساں ایجنسی تسنیم کے عبرانی شعبے کے مطابق یہودیان حریدی نامی نیوز ویب سائٹ نے ایک تفصیلی رپورٹ میں بتایا کہ تل ابیب اور نئی دہلی کے درمیان یہ معاہدہ پاکستان کے مقابلے کے لیے کیا گیا ہے۔ رپورٹ کے مطابق ایک بھارتی فوجی وفد نے اسرائیل کا سرکاری دورہ کیا اور وزارتِ دفاع سے دو جدید ترین اسرائیلی ہتھیاروں — یعنی اسرائیلی ایرو اسپیس انڈسٹریز (IAI) کا LORA بیلسٹک میزائل اور رافائل کمپنی کا Sea Breaker اسٹیلتھ کروز میزائل — بھارت میں تیار کرنے اور خریدنے کی ابتدائی منظوری حاصل کی۔ یہ خبر اتوار کے روز بھارتی میڈیا میں بھی شائع ہوئی، جس میں بتایا گیا کہ یہ اقدام بھارت اور پاکستان کے درمیان فوجی جھڑپوں، خاص طور پر حالیہ برسوں میں ہونے والی فضائی جھڑپوں سے حاصل ہونے والے تجربات کے بعد کیا گیا ہے۔ بھارتی فوج ایسے حل تلاش کر رہی ہے جن کے ذریعے وہ پاکستان کے فضائی دفاعی نظام اور انٹرسیپٹر طیاروں کی حدود میں داخل ہوئے بغیر دشمن کے علاقے میں گہرائی تک اور انتہائی درستگی کے ساتھ حملے کر سکے۔ اس رپورٹ کے مطابق، LORA ایک طویل فاصلے تک مار کرنے والا توپ خانے کا میزائل نظام ہے، جس کی رینج تقریباً 400 کلومیٹر ہے۔ اسے جنگی طیاروں، زمینی لانچر اور بحری جہازوں سے داغا جا سکتا ہے۔ اس کے علاوہ، اسرائیل نے رافائل کمپنی کا تیار کردہ Sea Breaker کروز میزائل بھارت کو فروخت کرنے پر بھی رضامندی ظاہر کی ہے۔
یہ میزائل سمندری اور زمینی اہداف پر انتہائی درست حملوں کے لیے تیار کیا گیا ہے، اس کی حد تقریباً 300 کلومیٹر ہے، اور یہ ریڈار سے بچ نکلنے کی صلاحیت رکھتا ہے۔ یہ میزائل حقیقی وقت میں ہدف کی شناخت کے لیے مصنوعی ذہانت (AI) کے نظام سے لیس ہے اور اسے ایک اعلیٰ درجے کا بحری جنگی ہتھیار سمجھا جاتا ہے۔رپورٹ کے مطابق ابتدائی منظوری کے بعد دونوں ممالک آنے والے مہینوں میں قیمت، وقتِ فراہمی، اور لائسنس کی تفصیلات طے کرنے کے لیے مزید مذاکرات کریں گے۔صہیونی ٹی وی چینل نیٹ ورک 12 نے بھی اس خبر کی تصدیق کرتے ہوئے کہا کہ اسرائیل کی دفاعی صنعتیں، خصوصاً اسرائیل ایرو اسپیس انڈسٹریز (IAI)، بھارت میں وسیع تجربہ اور فعال موجودگی رکھتی ہیں۔
اسلام آباد ہائیکورٹ کے حکم کے باوجود شیخ رشید کو عمرہ روانگی سے روک دیا گیا