اسلام آباد میں مسجد کی شہادت پر علما کمیٹی کا تعمیر نو کا اعلان، پولیس اور مظاہرین میں جھڑپیں
اشاعت کی تاریخ: 16th, August 2025 GMT
اسلام آباد:
وفاقی دارالحکومت میں مدنی مسجد کی شہادت کے بعد علام ایکشن کمیٹی نے تعمیر نو کا اعلان کیا ہے۔
ذرائع کے مطابق علما ایکشن کمیٹی نے فیصلہ کیا ہے کہ مدنی مسجد کو ازسرِنو تعمیر کیا جائے گا اور آج مسجد ے مقام پر نماز جمعہ بھی ادا کی جائے گی۔ اس موقع پر اسلام آباد پولیس اور ایف سی کی بھاری نفری مدنی مسجد کے قمام پر پہنچی جب کہ خواتین پولیس کی بھی بڑی تعداد موقع پر موجود ہے۔
ذرائع کے مطابق واٹر کینن اور آنسو گیس کے شیل بھی پولیس کے پاس موجود ہیں جب کہ احتجاج کے پیش نظر مرکزی شاہراہ کو بند بھی کیا جا سکتا ہے۔
اس موقع پر مسجد کے مقام پر آنے والے مظاہرین کو منتشر کرنے کے لیے پولیس نے شیلنگ شروع کردی جب کہ مظاہرین کی جانب سے پولیس پر پتھراؤ کیا جا رہا ہے۔ مری روڈ پر بڑی تعداد میں مظاہرین موجود ہیں، جنہوں نے سڑک بلاک کردی ہے اور گاڑیوں کو روک دیا گیا ہے۔
پولیس اور مظاہرین کے درمیان شدید تصادم کی وجہ سے صورت حال کشیدہ ہے جب کہ نماز جمعہ کی ادائیگی کے بعد اجتماع کو منتشر کرنے کے لیے پولیس کی جانب سے لاٹھی چارج بھی کیا گیا ہے، جس کے جواب میں مظاہرین نے مزاحمت کرتے ہوئے پولیس پر پتھراؤ کیا۔ اس موقع پر نماز کے لیے آئے ہوئے نمازیوں نے پولیس کارروائی پر شدید احتجاج کیا۔
احتجاج کے موقع پر جمعیت علمائے اسلام (ف) کی ذیلی تنظیم انصار الاسلام کا کارکن بھی موقع پر موجود تھے۔
بعد ازاں قیادت کی جانب سے کارکنان کو واپس جانے کی ہدایت کی گئی۔ رہنماؤں نے کہا کہ ہماری حکومت سے بات چیت چل رہی ہے۔ اگر معاملات طے نہ ہوئے تو آئندہ ایک دو روز میں اگلا لائحہ عمل بتائیں گے، جس کے بعد مظاہرین نے مری روڈ کو کھول دیا اور واپس روانہ ہو گئے۔
مسجد کی تعمیر کے اعلان کے حوالے سے مذہبی جماعتوں کے کارکنوں کی بڑی تعداد موجود تھی، جو تعمیراتی میٹریل سے بھری گاڑیاں لے کر پہنچے تھے، جہاں کارکنوں نے موقع پر بلاک رکھ کر مسجد کی دوبارہ تعمیر کا آغاز کردیا اورایک ٹرالی بلاکس سے مسجد کی حدبندی کردی گئی ہے۔ اس موقع پر کارکنوں کی آمد کا سلسلہ تاحال جاری ہے۔
Tagsپاکستان.
ذریعہ
ذریعہ: Al Qamar Online
پڑھیں:
آپریشن سندور کی ناکامی پر بھارتی حکومت کا بیانیہ اپنے ہی شہریوں نے زمین بوس کر دیا
پروپیگنڈا اور گمراہ کن دعوؤں کے برعکس بھارتی نوجوان نے شکست خوردہ مودی حکومت کو آئینہ دکھا دیا۔
دہلی میں بھارتی مظاہرین نے آپریشن سندور میں شکست اورناکامی کو چھپانے کیلئےفوجیوں کی ہلاکت کو دبانے کے پاکستانی مؤقف کی تائید کر دی۔ دہلی میں مظاہرین نے تشدد کرنےوالے پولیس اہلکاروں کو مخاطب کر کے کہاکہ حکومت نے آپریشن سندور میں ہلاک ہونے والے فوجیوں کی شناخت اور ان کی قربانیوں کو عوام سے چھپایا۔
مظاہرین کا کہنا تھا کہ جو حکومت اپنے فوجیوں کی قربانیوں کو نظر انداز کرے، وہ کسی بھی اہلکار کے ساتھ ایسا کر سکتی ہے ، حکومت کو پولیس اور فوجی جوانوں کی زندگیوں اور قربانیوں کی کوئی پروا نہیں ہے۔
آپریشن سندور میں ہلاک ہونے والے فوجی جوانوں کے نام اور قربانیوں کو حکومتی سطح پر نظر انداز کیا گیا، تم حکومت کا ساتھ دیتے ہو،لیکن یہی حکومت تمہاری موت کے بعد تمہاری شناخت تک چھپا دیتی ہے۔
بھارتی عوام کا مودی کے خلاف اپنے غم و غصے کا اظہار کرتے ہوئے ان کے پوسٹر پھاڑ رہے ہیں اور ان کی تصویر پر چپلیں برسا رہے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا