بلوچستان میں سکیورٹی فورسز کی بڑی کارروائی، 47 دہشت گرد ہلاک
اشاعت کی تاریخ: 26th, August 2025 GMT
بلوچستان کے سرحدی علاقے سمبازا میں سکیورٹی فورسز نے ایک بڑی اور بروقت کارروائی کرتے ہوئے ملک کو ایک ممکنہ تباہ کن دہشت گردی سے بچا لیا۔ کارروائی کے دوران فتنہ الخوارج سے تعلق رکھنے والے 47 دہشت گردوں کو ہلاک کر دیا گیا۔
سیکیورٹی ذرائع کے مطابق یہ کارروائی 7 سے 9 اگست کے دوران عمل میں آئی، جب خفیہ معلومات کی بنیاد پر معلوم ہوا کہ ایک بڑی تعداد میں دہشت گرد پاکستان-افغانستان بارڈر کراس کرنے کی کوشش کر رہے ہیں۔
فوجی دستوں نے فوری ردعمل دیا اور کارروائی کے نتیجے میں دہشت گردوں کا حملہ ناکام بنا دیا گیا۔
افغان سرزمین سے تعلق اور لاشوں کا حال
ذرائع نے بتایا کہ مارے جانے والے بیشتر دہشت گرد افغان شہریت رکھتے تھے، اور ان میں سے کئی کی لاشیں سرحد پار افغان علاقے میں جا گریں۔ حیرت انگیز طور پر 15 روز گزرنے کے باوجود نہ تو کوئی انہیں لینے آیا اور نہ ہی ان کی شناخت یا تدفین کی کوئی کوشش کی گئی۔
مزید انکشاف ہوا کہ 25 اگست کو ان لاشوں کو گدھوں پر لاد کر لے جایا گیا اور کئی لاشیں علاقے میں جانوروں کی خوراک بن گئیں — ایک عبرت ناک انجام جس سے یہ واضح ہوتا ہے کہ ان دہشت گردوں کو نہ اپنی قیادت کی طرف سے کوئی اہمیت ملی، نہ ہی اپنی سرزمین سے۔
ریاست کا پیغام: امن کے دشمنوں کا کوئی مستقبل نہیں
سکیورٹی اداروں نے اس کارروائی کو ایک بڑی کامیابی قرار دیا ہے، کیونکہ اس سے ایک ممکنہ حملہ یا تخریب کاری کا منصوبہ قبل از وقت ناکام بنایا گیا۔ فورسز کا کہنا ہے کہ ملک دشمن عناصر، خاص طور پر وہ جو بیرونِ ملک سے آ کر پاکستان میں خونریزی چاہتے ہیں، انہیں اسی طرح کے انجام کا سامنا کرنا ہوگا۔
ذریعہ: Daily Mumtaz
پڑھیں:
سیکیورٹی فورسز کی بروقت کارروائی نے بھارتی منصوبہ ناکام بنا دیا، وفاقی وزیر اطلاعات عطا تارڑ کی پریس کانفرنس
وفاقی وزیر اطلاعات و نشریات عطا اللہ تارڑ نے وفاقی وزیر مملکت برائے داخلہ طلال چوہدری کے ہمراہ پریس کانفرنس کرتے ہوئے کہا کہ بھارت نے ’آپریشن سندور‘ کی ناکامی کے بعد جھوٹی معلومات اور پروپیگنڈے کی مہم شروع کر دی ہے۔
عطا تارڑ نے کہا کہ بھارتی میڈیا پاک بھارت کشیدگی کے دوران ہمیشہ بے بنیاد دعوے کرتا رہا، کبھی کہا گیا کہ لاہور بندرگاہ تباہ کر دی گئی اور کبھی ملتان بندرگاہ پر حملے کے دعوے سامنے آئے، جن کا حقیقت سے کوئی تعلق نہیں۔
انہوں نے بتایا کہ بھارتی سیکیورٹی فورسز نے ایک شخص اعجاز ملاح کو گرفتار کیا اور بھارتی انٹیلیجنس ایجنسیوں نے اسے پاکستان کے خلاف کام کرنے پر مجبور کیا۔
اعجاز ملاح کو یہ ہدایت دی گئی کہ وہ پاکستان آرمی کی وردیاں، پاکستانی کرنسی، سگریٹ اور ماچسیں اپنے ساتھ لائے تاکہ بھارت ان اشیا کے ذریعے پاکستان کے خلاف جھوٹا پروپیگنڈہ کر سکے۔
وفاقی وزیر نے کہا کہ پاکستان کی سیکیورٹی فورسز نے بروقت کارروائی کرتے ہوئے اعجاز ملاح کو گرفتار کرلیا، جس سے بھارتی منصوبہ ناکام ہوگیا۔
عطا تارڑ نے کہا کہ بھارت پاکستان کی فوجی اور سفارتی کامیابیاں برداشت نہیں کر پا رہا، اسی لیے وہ من گھڑت بیانیہ بنا کر عالمی سطح پر گمراہ کن مہم چلا رہا ہے۔
پریس کانفرنس کے دوران اعجاز ملاح کی ویڈیو بھی میڈیا کے سامنے پیش کی گئی۔
عطا تارڑ نے کہا کہ بھارتی پروپیگنڈہ بے نقاب ہو چکا ہے، پاکستان اپنی سرزمین اور قومی بیانیے کے دفاع کے لیے ہر سطح پر مؤثر اقدام کرتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی کے کن روٹس پر الیکٹرک بس سروس کا آغاز کیا جا رہا ہے؟