ارکان سندھ اسمبلی کی مراعات میں 200 فیصد اضافے کا امکان، اب کتنی تنخواہ ملے گی؟
اشاعت کی تاریخ: 27th, August 2025 GMT
ارکان سندھ اسمبلی کی تنخواہ مراعات میں اضافے کا فیصلہ چند دن کی دوری پر ہے۔ سندھ اسمبلی ارکان کی تنخواہ میں اضافے کے فیصلےکےلیے کمیٹی کی تشکیل دے دی گئی ہے، اسپیکر اویس قادرشاہ پارلیمانی کمیٹی کے سربراہ ہوں گے۔
16ارکان سندھ اسمبلی پر مشتمل کمیٹی ارکان کی تنخواہ میں اضافےکی سفارشات مرتب کرےگی۔ کمیٹی میں پیپلزپارٹی، ایم کیوایم، جماعت اسلامی، پی ٹی آئی کے ارکان شامل ہیں۔ وزیر پارلیمانی امور ضیا الحسن بربنائے عہدہ کمیٹی کے رکن ہوں گے۔ اپوزیشن لیڈر علی خورشیدی بھی خصوصی کمیٹی کا حصہ ہیں۔
یہ بھی پڑھیں خیبر پختونخوا کابینہ ارکان کی مراعات میں ہوش ربا اضافہ
ذرائع کے مطابق سندھ اسمبلی ارکان کی موجودہ تنخواہ و مراعات میں200فیصد تک اضافہ متوقع ہے۔ کمیٹی کی سفارشات پر حکومت عمل درآمد کی پابند ہوگی۔ ارکان سندھ اسمبلی کی تنخواہ مراعات پر ہر سال نظرثانی کی جائےگی۔ ذرائع کے مطابق پنجاب و دیگر صوبائی اسمبلیوں کےمساوی تنخواہ کرنےکی تجویز ہے۔
یہ بھی پڑھیں پنجاب: ارکان اسمبلی اور وزرا کی تنخواہوں میں کئی گنا اضافہ کردیا گیا، بل منظور
سندھ اسمبلی کی اس خصوصی کمیٹی کا پہلا اجلاس آج طلب کیا گیا ہے۔ کمیٹی آئندہ ہفتے تک سفارشات حکومت کو بھیج دےگی۔ سندھ اسمبلی ارکان کی موجودہ تنخواہ1لاکھ43ہزار روپے ہے۔ 200 فیصد اضافے کے بعد یہ 4 لاکھ 25 ہزار روپے ہو جائے گی۔
سندھ اسمبلی سیکریٹریٹ نےکمیٹی کےقیام کا حکمنامہ جاری کردیا۔
ذرائع کے مطابق اس بل میں ترامیم ہو سکتی ہیں۔ ممکن ہے کہ اسی تجویز کو منظور کرا لیا جائے۔ اور یہ بھی ہوسکتا ہے کہ مزید اضافہ کردیا جائے لیکن اتفاق رائے کے بعد ہی اصل صورت حال سامنے آئے گی۔
یہ بھی پڑھیں وفاقی وزرا کی تنخواہ میں 140 فیصد اضافہ، صوبائی وزرا کتنی تنخواہ لیتے ہیں؟
ذرائع کے مطابق اس تجویز پر تمام پارلیمانی جماعتیں متفق ہیں۔ ارکان سندھ اسمبلی کی تنخواہوں میں باقی صوبوں کی نسبت کمی کے باعث یہ تجویز پیش کی گئی تھی جو بہت جلد منظور بھی ہو جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارکان اسمبلی کی تنخواہوں میں اضافہ سندھ اسمبلی.
ذریعہ
ذریعہ: WE News
کلیدی لفظ: ارکان اسمبلی کی تنخواہوں میں اضافہ سندھ اسمبلی ارکان سندھ اسمبلی کی سندھ اسمبلی ارکان اسمبلی کی تنخواہ ذرائع کے مطابق مراعات میں ارکان کی یہ بھی
پڑھیں:
گرمی کی شدت میں اضافہ ہوتے ہی بجلی مزید مہنگی ہونے کا امکان
لاہور ( اُردو پوائنٹ اخبارتازہ ترین۔ 02 جون2026ء ) گرمی کی شدت میں اضافہ ہوتے ہی بجلی مزید مہنگی ہونے کا امکان۔ تفصیلات کے مطابق بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔ سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے، جس کے باعث توانائی کے شعبے کو مختلف چیلنجز کا سامنا رہا۔ سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔(جاری ہے)
حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔ سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ