مریم نواز کسی کے باپ کے خرچ پر اپنے بچوں کو جاپان لے کر نہیں گئیں، عظمیٰ بخاری
اشاعت کی تاریخ: 27th, August 2025 GMT
وزیر اطلاعات پنجاب عظمیٰ بخاری نے کہا ہے کہ وزیراعلیٰ مریم نواز کسی کے باپ کے خرچ پر اپنے بچوں کو جاپان کے دورے پر لے کر نہیں گئیں، انہوں نے اپنے خاندان کے لوگوں پر پاس سے خرچ کیا۔
’وی نیوز‘ کو انٹرویو دیتے ہوئے انہوں نے کہاکہ سرکاری وفد میں 4 صوبائی وزرا، چیف سیکریٹری، 2 سیکریٹریز اور ذاتی اسٹاف موجود تھا، یہ 16 رکنی وفد تھا۔ ’کسی بھی ملک کے سرکاری دورے کا باقاعدہ آڈٹ ہوتا ہے، ہم ایک ایک پیسے کا حساب دیں گے۔‘
یہ بھی پڑھیں: سیلابی صورتحال سے نمٹنے کے لیے پیشگی اقدامات کرلیے، عظمیٰ بخاری
انہوں نے کہاکہ وزیراعلیٰ پنجاب مریم نواز نے اپنے بچوں پر خرچ اپنے اکاؤنٹ سے کیا، مریم نواز خزانے سے اپنی تنخواہ بھی نہیں لیتیں۔
ایک سوال کے جواب میں عظمیٰ بخاری نے کہاکہ دورہ جاپان پر ہونے والے اخراجات کی تفصیل اس وقت سامنے آ جائےگی، جب ہم بل جمع کرائیں گے۔
’وزیر اعلی پنجاب مریم نواز اپنے بچوں کے ساتھ وقت گزاریں تو اس میں کیا برائی ہے، وہ 16،16 گھنٹے کام کرتی ہیں، کوئی چھٹی بھی نہیں کرتیں، انہوں نے جو خرچ کیا کسی کے باپ کے پیسے سے نہیں کیا۔‘
’جیسا دیس ویسا بھیس ہوتا ہے‘انہوں نے کہاکہ لوگوں کی جانب سے ہر بات پر تنقید کی جاتی ہے، میرے کپٹروں پر تنقید ہوئی۔ اب میری مرضی جو بھی زیب تن کروں کسی کے باپ کی جیب سے کچھ نہیں لیتی، سوشل میڈیا پر کوئی کچھ بھی کہتا رہے مجھے فرق نہیں پڑتا۔ ’جن کی مائیں کپڑے پہننا پسند نہیں کرتیں، اور ان کی بچیاں کپڑے نہیں پہنتی، وہ مجھے بتائیں گے کہ میں نے کون سے کپڑے پہنے ہیں۔‘
انہوں نے کہاکہ میں نے جو ڈریسنگ کی تھی، عربی خواتین پروفیشنلی ایسی ڈریسنگ کرتی ہیں، جاپان میں جو کپڑے میں نے پہنے وہ تین چار سوٹ اس طرح کے سلوائے ہیں، دیکھوں گی کہ کہاں پہننے ہیں۔
’نئے صوبے کسی کی ذاتی خواہش پر نہیں بنائے جائیں گے‘ایک سوال کا جواب دیتے ہوئے صوبائی وزیر عظمیٰ بخاری کا کہنا تھا کہ گوہر اعجاز اگر نئے صوبے بنانے کے حوالے سے کسی کمیٹی کی سربراہی کررہے ہیں تو کرتے رہیں، یہ ایک شوشہ چھوڑا گیا ہے، پنجاب حکومت میں نئے صوبوں کے قیام کے حوالے سے کوئی بات چیت نہیں ہو رہی۔ وزیراعلیٰ مریم نواز کیا چاہتی ہیں یا نہیں ابھی اس پر بھی کوئی بات نہیں ہوئی۔
عظمیٰ بخاری نے کہاکہ اس وقت پنجاب کے اندر سیلاب نے تباہی مچائی ہوئی ہے، حکومت کا مقصد ہے کہ کس طرح لوگوں کو ریلیف دیا جائے، پنجاب کے جن اضلاع میں سیلاب آیا ہوا ہے وہاں فوج کو طلب کیا گیا ہے۔
’پنجاب حکومت نے لوگوں کو بروقت نکال لیا تھا‘انہوں ںے کہاکہ سیلاب کی وجہ سے دریائے ستلج کے ساتھ جو اضلاع ہیں وہاں زیادہ نقصان ہوا ہے، جن میں قصور، بہاولنگر، بہاولپور، اوکاڑہ، پاکپتن، وہاڑی شامل ہیں۔ ضلع قصور میں 72 گاؤں زیر آب آئے ہیں۔
یہ بھی پڑھیں: پنجاب میں فلڈ ایمرجنسی زیر غور، مری میں نواز، شہباز اور مریم نواز کی غیر معمولی مشاورت
وزیراطلاعات نے کہاکہ پنجاب جن جگہوں پر سیلاب ہے وہاں پر ابھی تک کوئی جانی نقصان نہیں ہوا، اس کی وجہ یہ ہے کہ صوبائی حکومت نے بروقت لوگوں کو نکال لیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جاپان دورہ ڈریسنگ عظمیٰ بخاری وزیر اطلاعات پنجاب وزیراعلٰی پنجاب وضاحت وی نیوز.
ذریعہ
ذریعہ: WE News
کلیدی لفظ: جاپان دورہ وزیر اطلاعات پنجاب وی نیوز انہوں نے کہاکہ کسی کے باپ مریم نواز اپنے بچوں
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
بھارت سے جنگ اور افغانستان میں کارروائی خارج ازامکان نہیں، وزیردفاع