تین ملکی ٹی 20 سیریز میں پاکستان کا فاتحانہ آغاز: افغانستان کو 39 رنز سے دھول چٹادی
اشاعت کی تاریخ: 30th, August 2025 GMT
شارجہ(سپورٹس ڈیسک)تین ملکی ٹی 20 سیریز کے پہلے میچ میں پاکستان نے افغانستان کو 39 رنز سے شکست دے کر سیریز میں فاتحانہ آغاز کردیا۔
شارجہ کے تاریخی میدان میں کھیلے گئے 3 ملکی ٹی 20 سیریز کے افتتاحی میچ میں پاکستان اور افغانستان کی ٹیمیں مد مقامل آئیں۔ جہاں پاکستان نے ٹاس جیت کر پہلے بیٹنگ کرتے ہوئے کپتان سلمان علی آغا کی دھواں دار بیٹنگ کی بدولت مقررہ 20 اوورز میں 7 وکٹوں کے نقصان پر 182 رنز بنائے، ہدف کے تعاقب میں افغانستان کی 19.
پاکستان کی بیٹنگ
پاکستان کی جانب سے صاحبزادہ فرحان اور صائم ایوب نے محتاط انداز میں اننگز کا آغاز کیا تاہم ابتدائی اوورز میں ہی پاکستان کو پہلا نقصان صاحبزادہ فرحان کی صورت میں ہوا جو 10 گیندوں پر 21 رنز بنا کر آؤٹ ہوئے۔
اس کے بعد صائم ایوب اور فخر زمان نے اننگز کو سہارا دینے کی کوشش کی لیکن صائم ایوب 14 اور فخر زمان 20 رنز بنا سکے جبکہ حسن نواز بھی صرف 9 رنز بنا کر پویلین لوٹ گئے اور پاکستان کا اسکور 11ویں اوورز میں 4 کھلاڑیوں کے نقصان پر 83 ہوگیا۔
اس موقع پر کپتان سلمان علی آغا اور آل راؤنڈر محمد نواز نے جارحانہ بیٹنگ کا مظاہرہ کرتے ہوئے صرف 28 گیندوں پر 53 رنز کی شراکت داری قائم کی۔ محمد نواز 11 گیندوں پر 21 رنز بنا کر آؤٹ ہوئے۔
ایک طرف سے وکٹیں گرتی رہیں تو دوسری طرف سے کپتان سلمان علی آغا نے شاندار بیٹنگ کرتے ہوئے 36 گیندوں پر ناقابل شکست 53 رنز بنائے، ان کی اننگز میں 3 چوکے اور 3 چھکے شامل تھے۔
محمد حارث اور فہیم اشرف نے بھی سلمان علی آغا کا بھرپور ساتھ دیا اور دونوں نے بالترتیب 15، 14 رنز بنائے۔
سلمان علی آغا کی شاندار اننگز کی بدولت پاکستان ٹیم مقررہ 20 اوورز میں 182 رنز کرنے میں کامیاب رہی اور افغانستان کو جیت کے لیے 183 رنز کا ہدف دیا۔
افغانستان کی جانب سے فرید احمد نے 2 وکٹیں حاصل کیں تاہم وہ سب سے مہنگے بولر ثابت ہوئے اور 47 رنز دے بیٹھے جبکہ راشد خان، مجیب الرحمان، محمد نبی اور عظمت اللہ عمرزئی نے ایک ایک کھلاڑی کو آؤٹ کیا۔
افغانستان کی بیٹنگ
پاکستان کی جانب سے دیے گئے 183 رنز کے ہدف کے تعاقب میں افغانستان کے ابتدائی بیٹرز نے اعتماد سے بیٹنگ کرتے ہوئے 2 وکٹوں کے نقصان پر اسکور 93 تک پہنچادیا، لیکن پھر 5 وکٹیں صرف 4 رنز کے اضافے سے گر گئیں۔
اس موقع پر راشد خان نے 39 رنز کی اننگز کھیلی جبکہ رحمان اللہ گرباز 38 رنز بنا کر نمایاں رہے۔ اس کے علاوہ صدیق اللہ اتل 23، درویش رسولی 21، ابراہیم زادران 9، مجیب الرحمان 4، محمد نبی 3 اور فرید احمد اور فضل حق فاروقی ایک، ایک رن کے انفرادی اسکور پر آؤٹ ہوئے جبکہ کریم جنت اور عظمت اللہ عمرزئی بغیر کھاتا کھولے پولین لوٹے۔
افغانستان کے 7 کھلاڑی ڈبل فگر میں داخل ہونے میں بھی ناکام رہے۔ یوں افغان ٹیم پورے 20 اوورز بھی نہ کھیل سکی اور 143 رنز بنا کر ہمت ہار گئی، اس طرح پاکستان نے یہ میچ 39 رنز سے جیت کر سیریز میں اپنی فتح حاصل کرلی۔
پاکستان کی جانب سے فاسٹ بولر حارث نے عمدہ باؤلنگ کا مظاہرہ کرتے ہوئے31 رنز کے عوض 4 وکٹیں اپنے نام کیں جب کہ شاہین شاہ آفریدی، صفیان مقیم اور محمد نواز 2،2 وکٹیں حاصل کرنے میں کامیاب رہے۔
میچ کا ٹاس
شارجہ میں ہونے والے میچ کا ٹاس پاکستان کے کپتان سلمان علی آغا نے جیت کر پہلے خود بلے بازی کرنے کا فیصلہ کیا ہے۔
ٹاس کے بعد کپتان قومی ٹیم سلمان علی آغا کا کہنا تھا کہ یہ پچ تھوڑی مختلف لگ رہی ہے، 3 ملکی سیریز سے ایشیا کپ میں مدد ملے گی۔
انہوں نے مزید کہا کہ تیاری اچھی ہے، موجودہ پاکستانی ٹیم کے بارے میں سابق کھلاڑیوں کے خیالات سے انہیں اور ٹیم کو فرق نہیں پڑتا، ہم نے گزشتہ 3 سیریز میں بہترین کھیل پیش کیا ہے، اس سیریز میں بھی اپنا بہترین دینے کی کوشش کریں گے۔
دوسری جانب افغان کپتان راشد خان نے اس موقع پر کہا ہے کہ کئی ماہ سے ٹی 20 ٹورنامنٹس کھیلنے کا موقع نہیں ملا مگر اچھا پرفارم کریں گے۔
پاکستان کی پلیئنگ الیون
قومی کرکٹ ٹیم کی قیادت سلمان علی آغا کر رہے ہیں جب کہ دیگر کھلاڑیوں میں صاحب زادہ فرحان، صائم ایوب، فخر زمان اور حسن نواز شامل ہیں۔ اس کے علاوہ محمد نواز، محمد حارث، فہیم اشرف، شاہین شاہ آفریدی، حارث رؤف اور صفیان مقیم کو فائنل الیون میں جگہ دی گئی ہے۔
افغانستان کی پلیئنگ الیون
افغانستان ٹیم کی قیادت راشد خان کررہے ہیں جب کہ دیگر کھلاڑیوں میں رحمان اللہ گرباز، ابراہیم زدران، صدیق اللہ اتل، درویش رسولی، کریم جنت، عظمت اللہ عمرزئی، محمد نبی، مجیب الرحمان، فضل الحق فاروقی اور فرید احمد شامل ہیں۔
خیال رہے کہ پاکستان، افغانستان اور متحدہ عرب امارات کے درمیان ہونے والی اس 3 ملکی سیریز کا پہلا میچ دیکھنے کے لیے شائقین بڑی تعداد میں اسٹیڈیم میں موجود ہیں۔ اس بار افغان شائقین کی تعداد پاکستانی فینز سے زیادہ دیکھی جا رہی ہے جبکہ بھارتی شائقین بھی افغان ٹیم کو سپورٹ کرنے کے لیے پہنچ گئے ہیں۔
انتظامیہ نے پاک افغان شائقین کے لیے الگ الگ اسٹینڈز، پویلینز اور راستے مختص کر دیے ہیں، یہاں تک کہ ٹکٹس کے رنگ بھی مختلف رکھے گئے ہیں، پاکستانی شائقین کے لیے ہرا اور افغان شائقین کے لیے نیلا رنگ مختص کیا گیا ہے۔
یاد رہے کہ سہ ملکی سیریز میں تینوں ٹیمیں ایک دوسرے سے 2، 2 میچز کھیلیں گی اور 7 ستمبر کو سیریز کا فائنل کھیلا جائے گا۔
Post Views: 3
ذریعہ
ذریعہ: Daily Mumtaz
کلیدی لفظ: کپتان سلمان علی سلمان علی آغا افغانستان کی پاکستان کی کی جانب سے کرتے ہوئے اوورز میں صائم ایوب گیندوں پر محمد نواز کے لیے
پڑھیں:
افغانستان: نورستان میں تباہ کن سیلاب، ہلاکتیں 40 سے تجاوز کر گئیں، متاثرین خوراک اور صاف پانی سے محروم
افغانستان کے صوبہ نورستان میں آنے والے تباہ کن سیلاب کے نتیجے میں ہلاکتوں کی تعداد 40 سے تجاوز کر گئی ہے، جبکہ متعدد افراد اب بھی لاپتا ہیں۔ اقوام متحدہ نے بتایا ہے کہ امدادی اور ریسکیو کارروائیاں بدستور جاری ہیں، تاہم متاثرہ علاقوں میں خوراک، صاف پانی، رہائش اور طبی سہولیات کی شدید قلت پیدا ہو گئی ہے۔
اقوام متحدہ کے سیکریٹری جنرل کے ترجمان اسٹیفن دوجارک نے نیوز بریفنگ میں بتایا کہ حالیہ سیلاب نے نورستان میں گھروں، سرکاری عمارتوں اور تجارتی مراکز کو بڑے پیمانے پر نقصان پہنچایا ہے۔ انہوں نے کہا کہ ریسکیو ٹیمیں لاپتا افراد کی تلاش میں مصروف ہیں، جبکہ ہلاکتوں اور نقصانات کی تعداد میں مزید اضافے کا خدشہ ہے۔
Las devastadoras inundaciones que
azotan la provincia oriental de Nuristan han dejado un saldo
preliminar de al menos 20 muertos, 80 heridos y más de 100
personas desaparecidas, incluido el alcalde de la capital
provincial de Parun. pic.twitter.com/f2pXZ5kCgA
— Guillermo Gomez (@G_GomezJ) July 22, 2026
اقوام متحدہ کے مطابق متاثرہ علاقوں میں موبائل ہیلتھ ٹیمیں تعینات کر دی گئی ہیں، طبی مراکز کو ہائی الرٹ کر دیا گیا ہے اور خوراک، ادویات اور دیگر ہنگامی امدادی سامان کی فراہمی کا سلسلہ شروع کر دیا گیا ہے۔ عالمی ادارے کا کہنا ہے کہ متاثرین کو فوری طور پر عارضی رہائش، خوراک، طبی سہولیات، بنیادی استعمال کی اشیا اور نفسیاتی معاونت کی ضرورت ہے۔
دوسری جانب عالمی ادارہ برائے مہاجرت (آئی او ایم) نے کہا ہے کہ اچانک آنے والے سیلاب سے گھروں اور بنیادی ڈھانچے کو شدید نقصان پہنچا ہے، جس کے باعث متعدد خاندان کھلے آسمان تلے زندگی گزارنے پر مجبور ہیں۔ ادارے کے مطابق کئی متاثرہ علاقوں میں لوگوں کو پینے کے صاف پانی اور خوراک تک رسائی حاصل نہیں، جبکہ امدادی ٹیمیں نقصانات کا جائزہ لے کر فوری امداد کی فراہمی کی تیاری کر رہی ہیں۔
یہ بھی پڑھیں:افغانستان میں قیامت خیز سیلاب، 23 افراد جاں بحق، 100 لاپتا
طالبان حکام نے ابتدائی طور پر ہلاکتوں کی تعداد 23 بتائی تھی اور کہا تھا کہ 100 سے زائد افراد لاپتا جبکہ 80 زخمی ہیں، تاہم اقوام متحدہ اور دیگر ذرائع کے مطابق اب ہلاکتیں 40 سے بڑھ چکی ہیں۔ حکام کا کہنا ہے کہ ریسکیو اور نقصانات کے تخمینے کا عمل جاری ہے، اس لیے اعداد و شمار میں مزید تبدیلی آ سکتی ہے۔
آئی او ایم نے خبردار کیا ہے کہ افغانستان حالیہ برسوں میں موسمیاتی تبدیلیوں کے باعث قدرتی آفات کا زیادہ شکار ہو رہا ہے۔ ماہرین کے مطابق موسمیاتی تبدیلی اور ’ایل نینو‘ جیسے موسمی عوامل شدید بارشوں اور اچانک سیلاب کے خطرات میں اضافہ کر رہے ہیں، جبکہ افغانستان کی جغرافیائی اور معاشی کمزوری اسے ایسی آفات کے لیے مزید حساس بناتی ہے۔ عالمی ادارے نے اس عزم کا اعادہ کیا کہ وہ متاثرہ آبادی کو ہنگامی امداد کی فراہمی میں افغان حکام کی معاونت جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان سیلاب نورستان
بھارت سے جنگ اور افغانستان میں کارروائی خارج ازامکان نہیں، وزیردفاع