صدر ٹرمپ بھارت سے بدظن کیوں ہوئے؟ امریکی اخبار نے بھید کھول دیا
اشاعت کی تاریخ: 31st, August 2025 GMT
امریکی صدر بھارتی وزیراعظم سے بدظن کیوں ہوئے، امریکی اخبار نے بھید کھول دیا ہے۔
یہ بھی پڑھیں:پاکستان نے امریکی صدر ڈونلڈ ٹرمپ کو نوبیل امن انعام کے لیے نامزد کرنے کی سفارش کردی
امریکی اخبار دی نیو یارک ٹائم میں شائع خبر کے مطابق صدر ٹرمپ نے وزیرِ اعظم مودی کو فون کر کے انہیں نوبل امن انعام کے لیے نامزد کرنے کی خواہش کا اظہار کیا تھا۔
امریکی اخبار کے مطابق بھارتی وزیراعظم نے نریندر مودی نے اس پر کوئی مثبت ردعمل دینے کے بجائے کہا کہ پاک-بھارت تنازع کا حل دونوں ممالک نے خود کیا، کسی بیرونی مداخلت کی ضرورت نہیں۔
اخبار کے مطابق اس انکار نے دونوں رہنماؤں کے درمیان تعلقات میں سردی پیدا کر دی۔
نیو یارک ٹائمز نے واشنگٹن اور نئی دہلی کے متعدد اہم شخصیات سے بات چیت پر مبنی رپورٹ میں واضح کیا ہے کہ اس انکار نے ذاتی تحفظات کو سفارتی سطح پر منتقل کر دیا، اور دونوں ممالک کے درمیان جاری تعاون کو متاثر کیا۔
یہ بھی پڑھیں:’میں کچھ بھی کرلوں مجھے نوبیل انعام نہیں ملے گا‘، ٹرمپ اس قدر مایوس کیوں؟
اس کشمکش نے نہ صرف ذاتی تعلقات کو نقصان پہنچایا بلکہ تجارتی اور دفاعی میدان میں بھی شکوک کو جنم دیا ہے، اور بھارت کے ممکنہ طور پر چین اور روس کے قریب جانے کے راستے بھی ہموار ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت بھارتی وزیراعظم ٹرمپ صدر ٹرمپ مودی نریندر مودی نوبیل انعام.
ذریعہ
ذریعہ: WE News
کلیدی لفظ: بھارت بھارتی وزیراعظم نوبیل انعام امریکی اخبار
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
پاکستان نے ورلڈ کپ 2028 کیلیے براہ راست کوالیفائی کر لیا