اب تک صرف 5 سوشل میڈیا پلیٹ فارمز رجسٹرڈ ہوئے، پی ٹی اے اس کے لیے کیا کررہا ہے؟
اشاعت کی تاریخ: 4th, September 2025 GMT
دنیا بھر کی طرح پاکستان میں بھی مختلف سوشل میڈیا پلیٹ فارمز پر ہزاروں یا لاکھوں نہیں بلکہ کروڑوں افراد رجسٹرڈ ہیں، سوشل میڈیا قوانین 2021 کے رول 7(6) کے مطابق وہ سوشل میڈیا کمپنیاں جن کے 5 لاکھ سے زیادہ سبسکرائبرز پاکستان میں موجود ہیں ان کے لیے ضروری ہے کہ وہ پی ٹی اے کے ساتھ رجسٹرڈ ہوں، اپنا ایک لوکل نمائندہ رکھیں جو کہ صارفین کی شکایات کے ازالے کے لیے دستیاب ہو، اس کے علاوہ اپنا ایک مستقل دفتر پاکستان میں قائم کریں، جبکہ موجودہ قوانین کے تحت انہیں پاکستان میں ڈیٹا سینٹر یا لوکل ڈیٹا اسٹوریج قائم کرنے کی شرط عائد نہیں کی گئی۔
پاکستان ٹیلی کمیونیکیشن اتھارٹی (پی ٹی اے) کے مطابق ملک میں اب تک صرف 5 سوشل میڈیا اور ڈیجیٹل پلیٹ فارمز رجسٹریشن کروا چکے ہیں۔ ان میں سنیک ویڈیو (Snack Video)، بیگو لائیو (Bigo Live)، لائیکی (Likee)، یوہو (YoHo) اور مائیکو (MICO) شامل ہیں۔
یہ بھی پڑھیں: سوشل میڈیا پلیٹ فارمز پر رپورٹ کیے گئے مواد کو بلاک کرنے کی شرح کیا ہے؟
ریکارڈ کے مطابق سوشل میڈیا کمپنی سنیک ویڈیو، بیگو لائیو اور لائیکی نے 14 جنوری 2022 کو پی ٹی اے کے ساتھ رجسٹریشن مکمل کی، جب کہ یوہو اور مائیکو کی رجسٹریشن 16 جون 2022 کو مکمل ہوئی۔
پی ٹی اے کے مطابق دیگر بڑے پلیٹ فارمز سے بھی رابطہ کیا جا رہا ہے تاکہ وہ قوانین کے مطابق اپنی رجسٹریشن مکمل کریں۔ اگر کمپنیاں رجسٹریشن نہیں کراتیں تو ان کے خلاف کوئی قانونی کارروائی، جرمانے یا پاکستان میں ان کی سروسز کی معطلی جیسے اقدامات نہیں کیے جا سکتے۔
ذرائع کے مطابق پی ٹی اے نے کئی بین الاقوامی پلیٹ فارمز، جیسے کہ Facebook, Twitter (X), YouTube, TikTok وغیرہ کو متعدد مرتبہ رجسٹریشن کی ہدایت دی ہے، لیکن یہ کمپنیاں ابھی تک رجسٹر نہ ہوئیں۔
سوشل میڈیا قوانین کے Rule 9(5) کے تحت سوشل میڈیا کمپنیز کو رجسٹریشن فارم بھیجا گیا تاکہ وہ لوکل نمائندہ مقرر کریں اور رجسٹریشن کی فائل مکمل کریں، اس کے علاوہ پی ٹی اے نے متعدد بار ان کمپنیز کو رجسٹریشن کرانے اور پابندی قوانین پر عمل کرنے کی ہدایات دیں لیکن کمپنیوں نے رجسٹریشن نہیں کرائی۔
گزشتہ سال 3 جولائی کو پی ٹی اے نے او ٹی ٹی (OTT) سروسز کی مقامی رجسٹریشن لازمی قرار دینے کا مسودہ جاری کیا اور او ٹی ٹی سروسز کو تین حصوں میں تقسیم کیا گیا تھا۔
یہ بھی پڑھیں: سوشل میڈیا پلیٹ فارمز کینیڈین اسکول بورڈز کے نشانے پرکیوں؟
کمیونیکیشن سروسز (جیسے واٹس ایپ، اسکائپ، وائبر) ایپلیکیشن سروسز (جیسے فیس بک، ٹوئٹر، انسٹاگرام) اور نان براڈ کاسٹنگ میڈیا سروسز (جیسے یوٹیوب، نیٹ فلیکس، اسپاٹیفائی)، مسودے میں تمام او ٹی ٹی پلیٹ فارمز پر لازم کیا گیا کہ وہ 12 ماہ کے اندر پی ٹی اے سے اجازت نامہ حاصل کریں بصورت دیگر ان کی سروسز کو غیر قانونی تصور کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ٹی اے رجسٹریشن سوشل میڈیا پلیٹ فارمز قوانین وی نیوز.
ذریعہ
ذریعہ: WE News
کلیدی لفظ: پی ٹی اے سوشل میڈیا پلیٹ فارمز قوانین وی نیوز سوشل میڈیا پلیٹ فارمز پاکستان میں کے مطابق پی ٹی اے کے لیے
پڑھیں:
ستاروں کی روشنی میں آپ کا آج (جمعے) کا دن کیسا رہے گا ؟
ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ کو آج اپنے معاملے میں بہتری لانے کےلئے کچھ فیصلے تو کرنے ہوںگے اور کوشش کرنی ہے کہ اب جو بھی فیصلہ ہو اس پر قائم رہیں کسی طرح بھی اب واپسی نہ کریں تو بہتر ہے۔
برج ثور، سیارہ زہرہ، 21 اپریل سے 20 مئی
آپ ایک بڑی اچھی تبدیلی کی زد میں ہیں اور لوگ اسی کوشش میں رہتے ہیں مگر آپکے نصیب میںجو ایسا ہو رہا ہے اب پوری ایمانداری سے اسے حاصل کر لیں تو بہتر ہے۔
برج جوزہ، سیارہ عطارد، 21 مئی سے 20 جون
صورتحال آج آپ کے حق میں جا رہی ہے اس لئے بسم اللہ کر کے قدم اٹھائیں قسمت بھرپور ساتھ دے گی جو لوگ عرصہ دراز سے تبدیلی کے خواہشمند تھے وہ تیاری شروع کر لیں۔
برج سرطان، سیارہ چاند، 21 جون سے 20 جولائی
آج کا دن آپ کی مالی مدد کرے گا انشاءاللہ اور کافی دِنوں سے جو تکلیف تنگ کر رہی تھی اس سے نجات حاصل ہو گی، مگر کچھ اپنے اب ساتھ بھی چھوڑتے دکھائی دیتے ہیں۔
برج اسد، سیارہ شمس، 21 جولائی سے 21 اگست
اپنے مزاج کو بدلیں اور سنجیدہ ہو جائیں اس موبائل نے آپ کو کچھ نہیں دیا ماسوائے وقت برباد کرنے کے۔آج جو سامنے آ رہا ہے اس پر اچھی طرح غور و فکر کی ضرورت ہے۔
برج سنبلہ ، سیارہ عطارد، 22 اگست سے 22 ستمبر
ایک بار پھر ماضی کی ایک غلطی سامنے آنے کا اندیشہ ہے اور جن لوگوں سے پہلے بھی دھوکا کھایا تھا وہ دوبارہ کر سکتے ہیں اس لئے آج وہ قریب بھی آئیں تو ان کو دور ہی رکھیں۔
برج میزان ، سیارہ زہرہ، 23 ستمبر سے 22 اکتوبر
آپ کو جن مسائل کا سامنا ہے اُن کے ٹھیک ہونے میں ابھی وقت درکار ہے مگر تھوڑی سی بہتری آج صبح ہی مل جائےگی اور آپ کو اپنے کاموں میں قدرے آسانیاں محسوس ہونگی۔
برج عقرب ، سیارہ مریخ، 23 اکتوبر سے 22 نومبر
ایک ٹینشن ختم ہوتی نہیں ہے کہ دوسری سر پر سوار ہو جاتی ہے،بری طرح جکڑن کا شکار لگتے ہیں آپ کو چاہئے کہ اپنا صدقہ دیں اور سات یوم لگاتار اپنی نظر بھی اتاریں۔
برج قوس ، سیارہ مشتری، 23 نومبر سے 20 دسمبر
آپ کو بار بار وارننگ دی جا رہی ہے کہ اپنے دلی معاملات پر قابو رکھیں اور توبہ کر کے واپسی کا راستہ اختیار کریں۔ آپ کے لئے صورتحال بڑی خراب ہو سکتی ہے یہ وارننگ ہے۔
برج جدی ، سیارہ زحل، 21 دسمبر سے 19 جنوری
دوسروں کی زندگی میں مداخلت نہ کریں اور نا ہی خود کسی کی زندگی میں مداخلت کریں اس طرح آپ نقصان سے بچ جائینگے آج کل ویسے ہی مخالفین بہت خلاف ہو رہے ہیں۔
برج دلو ، سیارہ زحل، 20 جنوری سے 18 فروری
مالی حالات کچھ تو بہتری کی طرف جا رہے ہیں مگر آپ کو ابھی بھی اچھے برے کی تمیز نہیں ہے غلط فیصلے کر رہے ہیں جو خود پر ظلم ہے آج کا دن صرف اپنی عقل استعمال کرنےکا ہے۔
سیارہ مشتری، 19 فروری سے 20 مارچ
اچھا دن ہے آپکو اپنے مسئلے کا حل مل سکتا ہے اور وہ کام بھی ممکن ہو گا جس سے آپ کی ایک بڑی ضرورت پوری ہو سکے گی۔ آج آپ کی صحت میں بھی بہتری آ رہی ہے بندش ٹوٹ سکتی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی