یورپی ایف کلاس چیمپیئن شپ میں اسد واحد کا شاندار کارنامہ، پاکستان کا پرچم بلند کردیا
اشاعت کی تاریخ: 9th, September 2025 GMT
پاکستان کے ماہر نشانہ باز اسد واحد نے یورپ کے سب سے بڑے شوٹنگ مقابلے میں شاندار کارکردگی دکھا کر دنیا بھر میں ملک کا نام روشن کر دیا۔
برطانیہ کے تاریخی بزلی شوٹنگ گراؤنڈ میں ہونے والی 2025 کی یورپی ایف کلاس چیمپیئن شپ میں اسد واحد نے نہ صرف مشکل ترین موسمی حالات کا مقابلہ کیا بلکہ دنیا کے صفِ اول کے نشانہ بازوں کو بھی سخت ٹکر دی۔
اس سال ہونے والا ایونٹ تاریخ کا سب سے بڑا اور سخت ترین مقابلہ ثابت ہوا جس میں امریکا، کینیڈا، جرمنی، اٹلی، جنوبی افریقہ، آئرلینڈ، برطانیہ، پولینڈ، لیتھوانیا اور پاکستان سمیت متعدد ممالک کے 400 سے زائد بہترین شوٹرز نے شرکت کی۔
مزید پڑھیں: اداکارہ صبا قمر کی شوٹنگ کے دوران طبیعت بگڑ گئی، آئی سی یو میں داخل
اسد واحد نے ایف ٹی آر (F-TR) کیٹیگری میں پاکستان کی نمائندگی کی اور 208 عالمی شہرت یافتہ کھلاڑیوں کا سامنا کیا جن میں موجودہ عالمی چیمپئن، سابق یورپی چیمپئن اور مختلف ممالک کے نیشنل چیمپئنز شامل تھے۔
مقابلے میں شوٹرز کو 800، 900 اور 1000 گز کی فاصلوں پر نشانہ بازی کے 6 مراحل سے گزرنا پڑا۔ تیز بارش، آندھی اور بدلتے ہوئے ہواؤں کے جھکڑ نے ہر کھلاڑی کے لیے چیلنج کو دوگنا کر دیا۔
ایسے کٹھن حالات میں بھی اسد واحد نے غیرمعمولی حوصلے، تحمل اور مہارت کا مظاہرہ کیا۔ 450 میں سے ک419 پوائنٹس حاصل کیے اور صرف ایک پوائنٹ کے فرق سے ٹاپ تھری میں شامل ہونے سے رہ گئے۔ وہ پانچویں نمبر پر رہے لیکن ٹاپ 5 میں شامل ہونے والے واحد غیر امریکی شوٹر بنے۔
مزید پڑھیں: شوٹنگ کے دوران زخمی ہونے کے بعد شاہ رخ خان علاج کے لیے امریکا منتقل
اسد واحد کی کامیابیوں میں شامل ہیں:
1000 گز کے مقابلے میں سلور میڈل
روٹ لینڈز ٹیم میچ (F-Open کیٹیگری) میں سلور میڈل جہاں انہوں نے ’تھری لائنز‘ ٹیم کی قیادت کرتے ہوئے آسٹریلیا، انگلینڈ، نیوزی لینڈ اور اٹلی جیسی مضبوط قومی ٹیموں کو شکست دی۔
ٹاپ 5 اوورآل ایوارڈ، جو تمام فاصلوں پر ان کی مسلسل بہترین کارکردگی کا اعتراف ہے۔ یہ کامیابی اسد واحد کے پہلے سے روشن کیریئر میں ایک اور تاریخی سنگِ میل ہے۔
وہ 2024 کی اسی چیمپیئن شپ میں رنر اپ رہے تھے، برٹش نیشنل لیگ جیت چکے ہیں اور اب تک درجنوں قومی و بین الاقوامی ٹرافیاں اور سینکڑوں میڈلز اپنے نام کر چکے ہیں۔
مزید پڑھیں: فلم ’دیمک‘ کی شوٹنگ سے قبل جنات نے دھکا دے کر زخمی کیا، ثمینہ پیرزادہ
ان کی یہ کامیابی صرف ذاتی نہیں بلکہ قومی فخر کا لمحہ بھی ہے۔ ایک ایسے وقت میں جب عالمی سطح پر نشانہ بازی کا میدان مغربی دنیا کے کنٹرول میں سمجھا جاتا ہے، اسد واحد نے ثابت کیا ہے کہ پاکستان آج بھی اعلیٰ درجے کے نشانہ باز پیدا کر رہا ہے۔
2026 میں دوبارہ بزلی میں ہونے والی عالمی ایف کلاس چیمپیئن شپ میں اسد واحد اب صرف ایک شوٹر نہیں بلکہ پوری قوم کی امیدوں کا مرکز بن چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسد واحد شوٹنگ یورپی ایف کلاس چیمپیئن شپ.ذریعہ: WE News
کلیدی لفظ: اسد واحد شوٹنگ چیمپیئن شپ میں اسد واحد نے
پڑھیں:
ایشین یوتھ گیمز سے واپسی پر پاکستان ریسلنگ ٹیم کا شاندار استقبال
بحرین میں منعقدہ ایشین یوتھ گیمز میں شاندار کارکردگی دکھانے کے بعد پاکستان ریسلنگ ٹیم وطن واپس پہنچ گئی، جہاں لاہور کے علامہ اقبال انٹرنیشنل ایئرپورٹ پر کھلاڑیوں کا پرتپاک استقبال کیا گیا۔
استقبال کے موقع پر ریسلنگ فیڈریشن کے عہدیداران، کوچز اور ساتھی ریسلرز نے کھلاڑیوں کو پھولوں کے ہار پہنائے اور ان کی کامیابی پر مبارکباد دی۔
پاکستان کے نوجوان ریسلر حسن علی نے 70 کلوگرام کیٹیگری میں بیچ ریسلنگ کے مقابلوں میں شاندار کارکردگی دکھاتے ہوئے برانز میڈل اپنے نام کیا، جبکہ عبدالرحمان نے 80 کلوگرام کیٹیگری میں سیمی فائنل تک رسائی حاصل کی۔
صدر ریسلنگ فیڈریشن ارشد ستار نے کہا کہ ایشین یوتھ گیمز میں برانز میڈل حاصل کرنا ایک بڑی کامیابی ہے اور یہ فخر کی بات ہے کہ حسن علی انفرادی میڈل جیتنے والے واحد پاکستانی ایتھلیٹ ہیں۔ انہوں نے مزید کہا کہ حسن علی نہایت باصلاحیت ریسلر ہیں، اور فیڈریشن ان کی مزید تربیت اور بہتری کے لیے مکمل تعاون جاری رکھے گی۔
سیکرٹری فیڈریشن اور کوچ انعام بٹ نے بھی حسن علی اور عبدالرحمان کی کارکردگی کو سراہتے ہوئے کہا کہ حسن علی نے بحرین میں پاکستان کا پرچم بلند کیا، جو ہم سب کے لیے باعثِ فخر ہے۔ ان کے مطابق عبدالرحمان نے بھی عمدہ فائٹ دی اور صرف ایک پوائنٹ کے فرق سے برانز میڈل جیتنے سے محروم رہے۔
ایئرپورٹ پر موجود شائقین اور ریسلنگ کمیونٹی نے اس موقع پر دونوں نوجوان ریسلرز کے لیے بھرپور داد دی اور امید ظاہر کی کہ یہ کھلاڑی مستقبل میں پاکستان کے لیے مزید میڈلز جیت کر ملک کا نام روشن کریں گے۔
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا