راولپنڈی: صحافی کے ساتھ بدسلوکی پر تھانہ نیو ٹاؤن کا ایس ایچ او معطل، محرر چارج شیٹ
اشاعت کی تاریخ: 9th, September 2025 GMT
ریجنل پولیس آفیسر (آر پی او) راولپنڈی بابر سرفراز الپا نے کہا ہے کہ تھانہ نیو ٹاؤن میں آر آئی یو جے کے صدر طارق ورک کے ساتھ پیش آنے والے ناخوشگوار واقعے پر ہمیں شدید افسوس ہے، ایس ایچ او طیب کو معطل جبکہ محرر کے خلاف چارج شیٹ کر دی گئی ہے۔
یہ بات انہوں نے منگل کے روز وفاقی وزیر اطلاعات و نشریات عطا اللہ تارڑ اور پی آئی او مبشر حسن کے ہمراہ نیشنل پریس کلب اسلام آباد کے دورے کے دوران کہی۔
اس موقع پر صدر پی ایف یو جے افضل بٹ، صدر آر آئی یو جے طارق ورک، سیکرiٹری نیشنل پریس کلب نیّر علی، سینئر نائب صدر احتشام الحق، پی آر اے کے صدر عثمان خان، جنرل سیکریٹری نوید اکبر سمیت صحافتی قیادت بھی موجود تھی۔
آر پی او بابر سرفراز الپا نے کہا کہ ہم اس معاملے کو فوری حل کرنا چاہتے تھے مگر تاخیر ہوئی، تاہم اب اس پر سخت ایکشن لیا گیا ہے۔
انہوں نے اعلان کیا کہ آئندہ ایسے واقعات کی روک تھام کے لیے پولیس افسران اور صحافیوں پر مشتمل ایک اعلیٰ سطحی کمیٹی بھی قائم کی جائے گی۔ اس موقع پر انہوں نے طارق ورک سے بغل گیر ہو کر معذرت بھی کی۔
وفاقی وزیر اطلاعات عطا اللہ تارڑ نے کہا کہ طارق ورک ایک باوقار صحافی ہیں اور ان سمیت پوری صحافتی برادری کی عزت و احترام پر کوئی سمجھوتا نہیں کیا جا سکتا۔
انہوں نے بتایا کہ وہ اور آر پی او طارق ورک سے ذاتی طور پر معذرت کے لیے ان کے گھر جانے کو بھی تیار تھے لیکن طارق ورک کی تجویز پر پریس کلب کا رخ کیا۔
صدر آر آئی یو جے طارق ورک نے کہا کہ ہم گاؤں کے لوگ ہیں، ہماری روایات میں آنے والے مہمان کا احترام لازم ہے، قاتل بھی گھر آجائے تو معاف کر دیا جاتا ہے، لہٰذا میں بھی آپ سب حضرات کی آمد پر دل سے درگزر کرتا ہوں۔
پی آئی او مبشر حسن نے کہا کہ طارق ورک نے جس بڑے پن کا مظاہرہ کیا ہے وہ قابلِ تحسین ہے۔ تقریب کے اختتام پر صحافتی قیادت نے واقعے کے حل کے لیے آر پی او بابر سرفراز الپا کی کوششوں کو سراہا اور ان کا شکریہ ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: نے کہا کہ انہوں نے آر پی او کے لیے
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ