قطر میں عرب-اسلامی وزرائے خارجہ اجلاس، اسرائیلی جارحیت پر مشترکہ حکمتِ عملی تیار ہوگی
اشاعت کی تاریخ: 14th, September 2025 GMT
قطر کے دارالحکومت دوحہ میں اتوار کو عرب-اسلامی وزرائے خارجہ کا ہنگامی اجلاس منعقد ہورہا ہے، جس میں پاکستان، سعودی عرب سمیت متعدد ممالک کے وزرائے خارجہ شریک ہیں۔
More than 200 Journalists, Correspondents Cover Emergency #Arab-Islamic Summit in Doha #QNA#Qatar #Doha_Summit https://t.co/PPKanZZJ46 pic.twitter.
— Qatar News Agency (@QNAEnglish) September 14, 2025
اجلاس میں اسرائیلی حملے کے بعد کی صورتحال پر غور اور آئندہ سربراہی اجلاس کے ایجنڈے کو حتمی شکل دی جائے گی۔
پاکستان کی نمائندگیڈپٹی وزیراعظم و وزیر خارجہ اسحاق ڈار دوحہ پہنچ گئے ہیں جہاں قطری اور پاکستانی سفارتی حکام نے ان کا استقبال کیا۔پاکستان کے مستقل نمائندہ او آئی سی فواد شیر بھی ایئرپورٹ پر موجود تھے۔
اسحاق ڈار اجلاس میں پاکستان کا مؤقف پیش کریں گے اور اسرائیلی جارحیت کو کھلے عام بین الاقوامی قوانین کی خلاف ورزی قرار دیں گے۔
سعودی عرب کا مؤقفاس سے قبل ہفتے کو سعودی وزیر خارجہ شہزادہ فیصل بن فرحان بھی دوحہ پہنچے، جہاں انہوں نے وزرائے خارجہ کے تیاری اجلاس میں شرکت کی۔
یہ بھی پڑھیں:اسرائیل بمقابلہ قطر: کیا خطہ بڑے تنازعے کی طرف بڑھ رہا ہے؟
سعودی وزارتِ خارجہ نے اسرائیلی حملے کو ’جارحانہ کارروائی‘ قرار دیا اور قطر سے مکمل یکجہتی کا اظہار کرتے ہوئے عالمی برادری پر زور دیا کہ وہ اسرائیل کو جوابدہ ٹھہرائے۔
اسرائیلی حملہ اور ردعملگزشتہ ہفتے دوحہ میں ہونے والے اسرائیلی حملے میں حماس حکام کو نشانہ بنایا گیا، جس کے نتیجے میں کئی افراد جاں بحق اور زخمی ہوئے۔
یہ حملہ قطر کی خودمختاری اور عالمی قوانین کی خلاف ورزی کے طور پر عرب اور اسلامی دنیا میں شدید مذمت کا باعث بنا۔
اجلاس کا ایجنڈا اسرائیلی جارحیت کے خلاف متفقہ قرارداد تیار ہوگی۔ آئندہ سربراہی اجلاس (پیر کو) کا ایجنڈا طے کیا جائے گا۔ خطے میں سلامتی اور مشترکہ حکمتِ عملی پر غور ہوگا۔ سربراہی اجلاسمیڈیارپورٹس کے مطابق وزیراعظم شہباز شریف پیر کو دوحہ میں ہونے والے عرب-اسلامی سربراہی اجلاس میں شریک ہوں گے، جس میں 50 سے زائد ممالک کے سربراہان متفقہ اور مضبوط ردعمل دینے پر غور کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اسلامی۔عرب کانفرنس پاکستان دوحہ سعودی عرب شہباز شریف قطر
ذریعہ
ذریعہ: WE News
کلیدی لفظ: اسرائیل اسلامی عرب کانفرنس پاکستان شہباز شریف سربراہی اجلاس اجلاس میں
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی