متعدد فرانسیسی میئرز کا فلسطینی پرچم لہرانے کا ارادہ
اشاعت کی تاریخ: 21st, September 2025 GMT
اسلام آباد (اُردو پوائنٹ ۔ DW اردو۔ 21 ستمبر 2025ء) اس ہفتے ملک بھر میں بڑے پیمانے پر احتجاج ہوئے، جن میں فلسطینی پرچم اور بینرز نمایاں طور پر لہراتے نظر آئے اور حکومت کی پالیسیوں پر تنقید کی گئی۔
اقوام متحدہ کی جنرل اسمبلی کے اجلاس کے موقع پر فلسطین کو مزید ممالک کی جانب سے تسلیم کیے جانے کی امید ہے، جس سے ریاست فلسطین کو تسلیم کرنے والے ممالک کی تعداد 145 سے تجاوز کر جائے گی۔
پیرس کے مضافاتی علاقے سان ڈینس کے میئر اور مغربی فرانس کے شہر نانٹیس کیمیئر نے بھی فلسطینی پرچم لہرانے کا اعلان کیا ہے۔ دوسری جانب وزارت داخلہ نے ریاستی نمائندوں کو ہدایت کی ہے کہ وہ اس طرح کے اقدامات کی مخالفت کریں۔
سیاق و سباقفرانس یورپ کا وہ ملک ہے جہاں سب سے بڑی یہودی اور مسلم آبادی رہتی ہے، اس لیے اس طرح کے اقدامات حساسیت کا باعث بن سکتے ہیں۔
(جاری ہے)
غزہ میں جاری جنگ اور اسرائیل- فلسطینی تنازعہ فرانس میں بھی سیاسی اور سماجی سطح پر بحث کا موضوع بنا ہوا ہے۔ فلسطینیوں کی اُمیدفلسطینیوں نے کہا ہے کہ انہیں امید ہے کہ کم از کم 10 مزید ممالک فلسطین کی ریاست کو تسلیم کریں گے، جس سے ان ممالک کی تعداد 145 سے زیادہ ہو جائے گی جو پہلے ہی ایسا کر چکے ہیں۔
سینٹ ڈینس (پیرس کے مضافات میں واقع شہر) کے میئر میتھیو ہانوتین نے کہا کہفلسطینی عوام سے یکجہتی کے اظہار کے طور پر سٹی ٹاؤن ہال پر فلسطینی پرچم لہرایا جائے گا۔
مغربی فرانس کے شہر نانٹیس میں بھی سٹی ہال کی عمارت پر فلسطینی پرچم لہرانے کا منصوبہ ہے، جیسا کہ خاتون میئر ژوہانا رولنڈ (سوشلسٹ پارٹی سے تعلق رکھنے والی سیاست دان) نے نشریاتی ادارے فرانس انفارمیشن کو بتایا، ''ان میونسپلٹیوں کے لیے جو اس علامتی اقدام کے ذریعے فرانس کی جانب سے فلسطین کی ریاست کو تسلیم کرنے میں شامل ہونا چاہتی ہیں ، میرے خیال میں یہ بالکل درست ہے۔ میں بغیر کسی ہچکچاہٹ کے ایسا کروں گی۔‘‘ فرانسیسی وزارت داخلہ کی مخالفتدریں اثناء ریجنز میں ریاست کے نمائندے کو بھیجے گئے ایک نوٹ میں، فرانس کی وزارت داخلہ نے انہیں ہدایت کی ہے کہ وہ ٹاؤن ہالز اور دیگر عوامی عمارتوں پر فلسطینی پرچم لہرانے کی مخالفت کریں، کیونکہ اس سے جاری بین الاقوامی تنازعے کو قومی سرزمین پر درآمد کرنے کا خطرہ پیدا ہو جائے گا۔
وزارت داخلہ کے بیان میں کہا گیا، ''پبلک سروس میں غیر جانبداری کے اصول کے تحت اس طرح کی کوئی بھی نمائش ممنوع ہے۔‘‘ مزید برآں کہا گیا کہ اگر کسی میئر نے فلسطینی پرچم لہرانے کا فیصلہ کیا تو اس معاملے کو انتظامی عدالتوں میں لے جایا جائے۔
وزیر داخلہ برونو ریٹائیلیو نے ہفتے کے روز کہا، ''ٹاؤن ہال کا اگلا حصہ کوئی بل بورڈ نہیں ہے۔ صرف تین رنگوں والا پرچم ہمارے رنگ، ہماری اقدار ہی یہاں لہرایا جا سکتا ہے، کیونکہ یہ ہمارا ایک مشترکہ گھر ہے۔‘‘
ادارت: افسر اعوان/ رابعہ بگٹی
.ذریعہ: UrduPoint
کلیدی لفظ: تلاش کیجئے فلسطینی پرچم لہرانے کا وزارت داخلہ پر فلسطین
پڑھیں:
عمرہ زائرین کیلئے خدمات فراہم کرنے والی کمپنیوں کے حوالے سےاہم خبر
ویب ڈیسک :سعودی عرب میں وزارتِ حج نے عمرہ زائرین کو خدمات فراہم کرنے والی کمپنیوں کے لائسنس کےلئےسات شرائط تجویز کی ہیں۔
سعودی خبر رساں ادارے کی رپورٹ کے مطابق سعودی وزارتِ حج کی جانب سے سروے پلیٹ فارم پر لائسنس کے لیے جو شرائط تجویز کی گئی ہیں ان میں کمپنی سو فیصد سعودی شہری کی ملکیت میں رجسٹرڈ ہو۔ کمپنی کا سرمایہ پانچ لاکھ ریال سے کم نہ ہو۔
رپورٹس کے مطابق لائسنس کے لیے دی جانے والی درخواست کے ساتھ غیرمشروط بینک گارنٹی دی جائے جس کی تصدیق سعودی مرکزی بینک کی جانب سے کی گئی ہو۔
آئی سی سی سہ ماہی اجلاس کا آغاز آج سے دبئی میں ہو گا
کمپنی کی جانب سے تحریری طورپر آپریشنل فیلڈ اور پلان کے بارے میں تفصیلات فراہم کی جائیں۔
ہر ادارے کے بارے میں تفصیلات پیش کی جائیں جن میں بجٹ کی صلاحیت اور افرادی قوت وغیرہ شامل ہے۔
کسی بھی کمپنی یا ادارے کی جانب سے منظور شدہ لائسنسنگ ضوابط کی خلاف ورزی کرتا ہے تو وزارت کو حق ہے کہ وہ لائسنس کو معطل کردے اس صورت میں 30 دن کے اندر خلاف ورزی کو درست کرنے کی مہلت دی جائے گی۔
سال 2025 کا روشن ترین سپر مون کل رات آسمان پر نمودار ہوگا
ہر ادارہ اپنے مالی معاملات کو پورا کرنے کی صلاحیت کا حامل ہو۔ عہدوں کی وضاحت کی جائے عہدیداروں کی تبدیلی کی صورت میں وزارت کو تحریری طورپر مطلع کیا جائے۔
کمپنی یا ادارے کے مالک کے فوت ہونے کی صورت میں لائسنس کینسل کردیا جائے گا۔
علاوہ ازیں اگر کمپنی یا ادارہ ڈیفالٹ کرجائے تو اس صورت میں کمپنی کے ڈائریکٹر کی جانب سے وزارت کو تحریری طور پر مطلع کرنا ہوگا۔
شرائط میں مزید کہا گیا کہ ’اگر کسی کمپنی کے مالک یا ذمہ دار کی جانب سے لائسنس کو کسی دوسرے کے نام منتقل یا لیز پر دینا ثابت ہو جائے اس صورت میں وزیر حج کو یہ اختیار ہوگا کہ وہ لائسنس کو منسوخ کردیں۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
ایک برس تک جاری شدہ لائسنس پر کوئی عمل نہ کیے جانے کی صورت میں اسے کینسل کردیا جائے گا تاہم اس دوران اگر کمپنی کے مالک کی جانب سے مناسب وجہ پیش کیے جانے پر 6 ماہ کی مہلت دی جائے گی مہلت ختم ہونے کی صورت میں لائسنس مستقل بنیادوں پر معطل کردیا جائے گا۔
تحقیق و تنقید کے آئینے میں