پی ایس ایکس: کاروبار میں شاندار تیزی، انڈیکس ایک لاکھ 65 ہزار سے تجاوز کرگیا
اشاعت کی تاریخ: 30th, September 2025 GMT
پاکستان اسٹاک ایکسچینج میں زبردست تیزی کا سلسلہ جاری ہے۔پیر کو کاروباری ہفتے کے پہلے روز پاکستان اسٹاک ایکسچینج میں زبردست تیزی دیکھی گئی اور 100 انڈیکس ایک لاکھ 63 ہزار 903 کی نئی بلند ترین سطح پر پہنچا تاہم کاروبار کے اختتام پر پوائنٹس میں کچھ کمی ہوئی اور انڈیکس ایک لاکھ 63 ہزار 847 کی سطح پر بند ہوا۔منگل کو کاروباری ہفتے کے دوسرے روز بھی مارکیٹ میں زبردست تیزی دیکھی جارہی ہے اور انڈیکس نے گزشتہ روز کی بلند ترین سطح کا ریکارڈ بھی توڑ دیا ہے۔کاروبار کے آغاز پر 100 انڈیکس میں 1268 پوائنٹس کا اضافہ ہوا جس سے انڈیکس ایک لاکھ 65 ہزار 115 پر جا پہنچا۔کاروبار کے دوران مارکیٹ میں مزید تیزی دیکھی جارہی ہے اور انڈیکس اب 1370 پوائنٹس اضافے سے ایک لاکھ 65 ہزار 218 پوائنٹس پر موجود ہے۔
.ذریعہ: Nawaiwaqt
کلیدی لفظ: انڈیکس ایک لاکھ
پڑھیں:
راولپنڈی میں سرد موسم نے ڈینگی کے وار کم کر دیے، گزشتہ 24 گھنٹوں میں صرف ایک مریض رپورٹ
data-id="863a0a8" data-element_type="widget" data-widget_type="theme-post-content.default">
راولپنڈی: شہر میں ڈینگی کے حالات میں واضح بہتری دیکھی جا رہی ہے۔
محکمہ صحت راولپنڈی کے مطابق گذشتہ چوبیس گھنٹوں میں صرف ایک ڈینگی مریض رپورٹ ہوا ہے اور اس سیزن میں ڈینگی سے کسی ہلاکت کی اطلاع موصول نہیں ہوئی۔
محکمہ صحت کے مطابق ضلع بھر میں اب تک 23 ہزار 505 افراد کی اسکریننگ کی جا چکی ہے، جن میں سے 1538 افراد ڈینگی پازیٹو پائے گئے۔ مختلف ہسپتالوں میں اس وقت صرف 12 مریض زیر علاج ہیں۔
ضلعی سطح پر ڈینگی سرویلنس کے لیے 13 سو 61 ٹیمیں فعال ہیں۔ اب تک 63 لاکھ 90 ہزار 235 گھروں کا معائنہ کیا گیا، جن میں 2 لاکھ 13 ہزار 729 ڈینگی لاروا ہاٹ اسپاٹس دریافت ہوئے۔ علاوہ ازیں، 19 لاکھ 51 ہزار 739 عوامی اور کمرشل مقامات کی چیکنگ مکمل ہو چکی ہے، جہاں 29 ہزار 232 لاروا پازیٹو پائے گئے۔
مجموعی طور پر 2 لاکھ 42 ہزار 981 ڈینگی لاروا برآمد ہو چکے ہیں۔ محکمہ صحت نے ڈینگی ایس او پیز کی خلاف ورزی کرنے والے 4 ہزار 652 مقامات پر ایف آئی آرز درج کر دی ہیں، 1 ہزار 945 مقامات کو سیل کیا گیا اور 3 ہزار 767 چالان جاری کیے گئے۔
یہ اعداد و شمار اس بات کا ثبوت ہیں کہ راولپنڈی میں ڈینگی پر کنٹرول کے اقدامات کامیاب ثابت ہو رہے ہیں، اور عوام کو احتیاطی تدابیر پر عمل جاری رکھنے کی ہدایت کی گئی ہے۔
امریکہ کی جانب سے سلامتی کونسل میں غزہ امن و استحکام کیلئے ترمیم شدہ قرارداد متعارف