شاہ رخ، سلمان اور عامر خان کو پیچھے چھوڑنے والی بالی ووڈ کی سب سے مقبول اداکارہ کون؟
اشاعت کی تاریخ: 30th, September 2025 GMT
بھارتی فلم انڈسٹری ہمیشہ سے مردوں کا غلبہ رکھنے والی رہی ہے، چاہے وہ ٹاپ اسٹارز کی معاوضہ کی بات ہو یا خواتین فنکاروں کے لیے لکھے گئے کردار۔ مرد ہمیشہ بڑے ستارے رہے ہیں، اور اس کی بڑی وجہ فلمی صنعت کا ڈھانچہ ہے۔ بہت کم ہی خواتین فنکارائیں، جیسے سری دیوی یا ہیما مالنی، اپنے مرد ہم منصبوں سے زیادہ کمائی کر پائی ہیں۔ تاہم، سوشل میڈیا اور آن لائن مقبولیت میں بعض خواتین فنکارائیں، سب سے بڑے سپر اسٹارز سے بھی آگے نکل چکی ہیں، جیسا کہ بھارتی میڈیا کی نئی رپورٹس سے ظاہر ہوتا ہے۔
بھارتی سنیما کے 25 سالوں پر مبنی رپورٹ (2000-2025) میں سب سے زیادہ تلاش کیے گئے سلیبرٹیز اور فلموں کا جائزہ لیا گیا ہے، اور بھارتی انٹرٹینمنٹ انڈسٹری کے اہم رجحانات کو اجاگر کیا گیا ہے۔ اس رپورٹ کے مطابق، پچھلے دس سالوں کے دوران سب سے زیادہ تلاش کی جانے والی بھارتی اداکارہ کوئی خان یا ساؤتھ انڈیا کے سپر اسٹار نہیں، بلکہ ایک خاتون فنکارہ ہیں۔
یہ بھی پڑھیں: دیپیکا پڈوکون ہالی ووڈ واک آف فیم میں شامل ہونے والی پہلی بھارتی اداکارہ بن گئیں
IMDb کے مطابق پچھلے عشرے کے سب سے زیادہ دیکھے گئے بھارتی ستاروں کی فہرست جنوری 2014 سے اپریل 2024 کے دوران IMDb کی ہفتہ وار رینکنگز پر مبنی ہے۔ یہ رینکنگز دنیا بھر سے IMDb کے 25 کروڑ سے زائد ماہانہ وزیٹرز کے پیج ویوز کی بنیاد پر طے کی جاتی ہیں۔
اس فہرست میں دیپیکا پڈوکون سب سے اوپر ہیں، جنہوں نے اپنے قریبی دوست اور کو-اسٹار شاہ رخ خان کو بھی پیچھے چھوڑ دیا ہے۔ اس فہرست کے ٹاپ 5 میں مزید دو خواتین ستارے، ایشوریا رائے اور عالیہ بھٹ بھی شامل ہیں، جب کہ پانچویں نمبر پر مرحوم عرفان خان موجود ہیں۔ دیگر معروف بولی وڈ اداکار جیسے عامر خان چھٹے نمبر پر، سلمان خان آٹھویں، ہریتنک روشن نویں اور اکشے کمار ٹاپ دس میں جگہ بنانے میں کامیاب رہے۔ تاہم صرف دو علاقائی فلمی ستارے اس فہرست میں شامل ہیں جن میں پربھاس اور دھنوش شامل ہیں۔
یہ بھی پڑھیں: فلم ’کالکی 2‘ سے دیپیکا پڈوکون کی علیحدگی، وجہ اسکرپٹ میں تبدیلی یا معاوضے کا تنازع؟
IMDb کی مقبول ترین بھارتی فلموں میں “ہیڈ لائنر” اداکاروں کی فہرست میں دیپیکا وہ خاتون فنکارہ ہیں جن کی سب سے زیادہ (10) فلمیں شامل ہیں۔ لیکن اس فہرست میں وہ مجموعی طور پر چوتھے نمبر پر ہیں، شاہ رخ خان (20 فلمیں)، عامر خان اور ہریتک روشن (11 فلمیں فی کس) ان سے آگے ہیں۔
اس فہرست میں اول آنے پر دیپیکا نے کہا کہ جب میں نے اپنا سفر شروع کیا، تو اکثر مجھے بتایا گیا کہ ایک عورت کو کس طرح اپنے کیریئر میں آگے بڑھنا چاہیے تاکہ وہ کامیاب ہو سکے۔ لیکن میں ابتدا سے ہی سوال پوچھنے، مخالفت مول لینے، مشکل راستہ چننے، اور اس نظام کو چیلنج کرنے سے کبھی نہیں گھبرائی جس میں ہمیں ایک خاص سانچے میں فٹ ہونے کی توقع کی جاتی ہے۔
انہوں نے مزید کہا کہ میری فیملی، مداحوں اور میرے ساتھیوں کا مجھ پر جو یقین رہا ہے، اس نے مجھے وہ فیصلے لینے کا حوصلہ دیا جو شاید آنے والوں کے لیے راستہ بدل دیں گے۔ IMDb کی یہ رپورٹ اس بات کو مزید مضبوط بناتی ہے کہ دیانتداری، خلوص اور استقامت اہمیت رکھتے ہیں، اور اگر آپ اپنے نظریات پر مستقل مزاجی سے قائم رہیں، تو تبدیلی ممکن ہے۔
یہ بھی پڑھیں: شاہ رخ خان کے ساتھ دیپیکا پڈوکون کا نیا سفر، فلم ’کنگ‘ کی شوٹنگ کا آغاز
دیپیکا حال ہی میں دو بڑی فلموں سے الگ ہونے کی وجہ سے خبروں میں رہی ہیں۔ انہوں نے اس سال کے آغاز میں سندیپ ریڈی وانگا کی پربھاس اسٹارر ’اسپِرِٹ‘ سے علیحدگی اختیار کی، جہاں ان کی جگہ تریپتی ڈمری نے لی۔ اس ماہ کے آغاز میں، “کلکی 2898 AD” کے سیکوئل سے بھی ان کی علیحدگی کا اعلان ہوا۔ وہ پہلی فلم میں پربھاس اور امیتابھ بچن کے ساتھ مرکزی کردار میں تھیں۔
دونوں میں، دیپیکا پر ’غیر پیشہ ورانہ‘ مطالبات اور کام کے مختصر اوقات کی شرطیں لگانے کے الزامات لگے ہیں۔ تاہم، اداکارہ سے قریبی ذرائع کا کہنا ہے کہ انہوں نے صرف 8 گھنٹے کی شفٹ کا مطالبہ کیا ہے کیونکہ وہ ایک نئی ماں ہیں۔ دیپیکا نے ستمبر 2024 میں بیٹی ’دُعا‘ کو جنم دیا تھا۔
اس وقت دیپیکا دو بڑی فلموں کا حصہ ہیں۔ ایک فلم میں وہ اللو ارجن کے ساتھ نظر آئیں گی۔ اس کے بعد وہ شاہ رخ خان کے ساتھ سدھارتھ آنند کی فلم ’کنگ‘ میں اسکرین شیئر کریں گی۔ دونوں فلمیں 2026 میں ریلیز ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشوریا رائے بالی ووڈ دیپیکا پڈوکون سلمان خان شاہ رخ خان عالیہ بھٹ عامر خان عرفان خان.
ذریعہ
ذریعہ: WE News
کلیدی لفظ: ایشوریا رائے بالی ووڈ دیپیکا پڈوکون شاہ رخ خان عالیہ بھٹ عرفان خان دیپیکا پڈوکون اس فہرست میں سب سے زیادہ شاہ رخ خان شامل ہیں کے ساتھ
پڑھیں:
وسیم اکرم، مصباح اور فخر عالم نے اپنی حج کی پوسٹس پر ہونے والی تنقید کا جواب دے دیا
پاکستانی کرکٹ کے لیجنڈ وسیم اکرم، سابق کپتان مصباح الحق، میزبان و اداکار فخر عالم، سابق کرکٹر سعید انور اور دیگر معروف شخصیات نے اس سال مشترکہ طور پر فریضۂ حج ادا کیا۔ تاہم دورانِ حج سوشل میڈیا پر ان کی بعض ویڈیوز اور تصاویر وائرل ہونے کے بعد انہیں تنقید کا سامنا بھی کرنا پڑا۔
وسیم اکرم کی رمی الجمرات کے دوران شیئر کی گئی ایک ویڈیو، جس میں انہوں نے اپنے مخصوص سوئنگ اسٹائل میں شیطان کو کنکریاں مارنے کا انداز اپنایا، خاصی وائرل ہوئی۔ بعد ازاں ایک اور ویڈیو میں وہ مصباح الحق کے لیے کیلے اٹھائے ہوئے دکھائی دیے، جس پر بھی صارفین نے مختلف تبصرے کیے۔
دوسری جانب فخرِ عالم نے اپنے حج سفر کی متعدد جھلکیاں سوشل میڈیا پر شیئر کیں جن میں اداکار بلال عباس خان اور کامیڈین تابش ہاشمی سمیت دیگر شخصیات بھی نظر آئیں۔ ان سرگرمیوں کے باعث بعض سوشل میڈیا صارفین نے اس سفر کو ’’حج کے بجائے پکنک‘‘ قرار دیا۔
@timesofkarachiWhy didn’t Wasim Akram, Fakhar-e-Alam, and Misbah-ul-Haq shave their heads as part of the Hajj ritual? #TOKReports #Hajj #WasimAkram #FakhareAlam #MisbahulHaq
♬ original sound - Times of Karachiحالیہ گفتگو میں وسیم اکرم، فخرِ عالم اور مصباح الحق نے ان تنقیدی تبصروں کا جواب دیتے ہوئے کہا کہ بہت سے لوگوں نے سوال اٹھایا کہ انہوں نے حج کے بعد سر منڈوانے کے بجائے صرف بال کیوں کٹوائے۔ ان کے مطابق حج پر روانگی سے قبل انہوں نے علماء کرام سے رہنمائی حاصل کی تھی جنہوں نے دو شرعی آپشنز بتائے تھے، یا تو مکمل سر منڈوایا جائے یا پھر قصر کروائی جائے، جس میں بالوں کا ایک حصہ کٹوایا جاتا ہے۔ انہوں نے دوسرا طریقہ اختیار کیا جو شرعی طور پر جائز ہے۔
انہوں نے ’’حج یا پکنک‘‘ سے متعلق تنقید پر بھی ردعمل دیتے ہوئے کہا کہ حج ایک عظیم عبادت ہے، لیکن اس دوران انسان چوبیس گھنٹے صرف ایک ہی عمل میں مصروف نہیں رہتا۔ عبادت کے ساتھ دوستوں سے ملاقات، گفتگو، دعائیں، مسکراہٹیں اور خوشی کے لمحات بھی اس سفر کا حصہ ہوتے ہیں۔ ان کا کہنا تھا کہ تنقید کرنے سے پہلے لوگوں کو ان معاملات کی مکمل معلومات حاصل کرنی چاہئیں۔
وسیم اکرم اور ان کے ساتھیوں نے بتایا کہ انہوں نے نوجوان نسل کے لیے بھی مختلف ویڈیوز بنائیں تاکہ حج کی ادائیگی سے متعلق رہنمائی فراہم کی جا سکے اور نوجوانوں میں اس مقدس سفر کا شوق پیدا ہو۔ ان کے مطابق ان ویڈیوز کا مقصد صرف معلومات دینا اور لوگوں کو حج کے لیے آمادہ کرنا تھا۔
مدینہ منورہ سے گفتگو کرتے ہوئے فخر عالم نے کہا کہ حج مکمل کرنے کے بعد سب سے زیادہ یہی سوال پوچھا جا رہا ہے کہ آخر انہیں حج پر جانے کی ترغیب کیسے ملی۔ اس سوال کے جواب میں وسیم اکرم نے کہا کہ انہوں نے پہلے سے کوئی خاص منصوبہ بندی نہیں کی تھی، بلکہ وہ ہمیشہ یہی سوچتے تھے کہ جب دل سے تیاری محسوس ہوگی تو حج کریں گے۔ ان کے بقول جب انہیں معلوم ہوا کہ فخر عالم اور مصباح الحق بھی حج پر جا رہے ہیں تو انہوں نے بھی اس قافلے میں شامل ہونے کا فیصلہ کر لیا۔
View this post on Instagramوسیم اکرم نے مزید کہا کہ وہ جلد 60 برس کے ہونے والے ہیں اور انہیں محسوس ہوا کہ اب اس مقدس فریضے کی ادائیگی کا بہترین وقت آ گیا ہے۔ انہوں نے حج کے سفر کو جسمانی طور پر مشکل لیکن یادگار اور قابلِ برداشت قرار دیا۔
مصباح الحق نے بھی اپنے جذبات کا اظہار کرتے ہوئے کہا کہ حج کا یہ سفر ان کی زندگی کے خاص ترین تجربات میں سے ایک ہے۔ ان کے مطابق دوستوں کے ساتھ اس روحانی سفر کو طے کرنے سے اس کی خوبصورتی اور یادیں مزید بڑھ گئیں، اور یہ تجربہ ہمیشہ ان کے دل میں محفوظ رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ