شاہ لطیف ٹاؤن میں 3ہزار غیرقانونی گیس کنکشن منقطع
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)سوئی سرن گیس کمپنی(ایس ایس جی سی) نے شاہ لطیف ٹاؤن میں 3,000 غیرقانونی کنکشن منقطع کردیے۔جمان سوئی سدرن گیس کمپنی کے مطابق سوئی سدرن گیس کمپنی کی سیکورٹی سروسز اور کاؤنٹر گیس تھیفت آپریشنز ڈپارٹمنٹ نے گیس چوری کے بڑھتے ہوئے واقعات روکنے کے لیے اپنی کارکردگی میں اضافہ کیا ہے۔حال ہی میں ملیر، کراچی کے شاہ لطیف ٹاؤن میں کام کرنے والی مافیا کو کمزور کرنے کے لیے ٹیِم نے گزشتہ دو ہفتوں سے ایک بڑی کارروائی جاری رکھی ہوئی ہے۔عبداللہ گوٹھ کے نزدیک شاہ لطیف ٹاؤن، ملیر، کراچی میں کی گئی ایک چھاپے میں ٹیم نے ایس ایس جی سی کی 16 انچ مین ڈسٹری بیوشن لائن سے براہِ راست غیرقانونی کنکشن پایا، جس کے ذریعے تقریباً 2,600 گھروں کو گیس فراہم کی جا رہی تھی۔ ملزمان غیرقانونی کنکشن دینے کے عوض پیشگی 20,000 روپے لیتے تھے اور ماہانہ ادائیگی کے طور پر 1,500 روپے وصول کرتے تھے۔ موقع پر تمام غیرقانونی کنکشن منقطع کر دیے گئے، اور ہجوم کے حملے کے باوجود ایس ایس جی سی کی ٹیموں نے تمام غیرقانونی کنیکشنز منقطع کرنا جاری رکھے۔ملزمان اللہ وڑایا عبّاسی ولد اللہ وسیع، واجد بلوچ، خان محمد بولیدی، خیر محمد کالیری، انور سیال اور شاہ محمد کے خلاف رہائشیوں کو غیر قانونی براہِ راست کنیکشن فراہم کرنے کے الزام میں ایف آئی آر درج کر دی گئی ہے۔ مناسب دعویٰ آئندہ کارروائی کے تحت درج کیا جائے گا۔ترجمان نے بتایا کہ اس بڑے کارروائی کے بعد ملیر، کراچی کے یار محمد گوٹھ میں مزید ایک کاروائی کی گئی، جہاں ایس ایس جی سی کی 20’’ مین ڈسٹری بیوشن لائن پر غیر قانونی زیرِ زمین براہِ راست کنیکشن پایا گیا۔ اس لائن کو پنکچر کر کے یار محمد گوٹھ کے 400 گھروں کو گیس فراہم کی جا رہی تھی، جہاں مجرمین پیشگی 12,000 روپے اور ماہانہ 2,000 روپے وصول کر رہے تھے۔ مجرمان بجلی پیداوار کے لیے سروس لائن سے دو بھاری گیس جنریٹر بھی براہِ راست استعمال کر رہے تھے۔ دونوں جنریٹر موقع پر قبضے میں لے لیے گئے۔ گیس چوری کرنے کے لیے استعمال ہونے والے تمام کلمپ اور غیر قانونی پائپ موقع پر ہٹا دی گئیں۔ رہائشیوں کو غیر قانونی براہِ راست کنیکشن فراہم کرنے کے الزام میں علی چندیو اور بادشاہ خان کے خلاف ایف آئی آر درج کر دی گئی ہے۔گیس کی چوری برادری کے خلاف ایک سنگین جرم ہے اور ایس ایس جی سی اس میں ملوث ہر شخص کے خلاف صفر رواداری کی پالیسی اپنائے ہوئے ہے۔
ذریعہ
ذریعہ: Jasarat News
کلیدی لفظ: شاہ لطیف ٹاو ن ایس ایس جی سی کے خلاف کرنے کے کے لیے
پڑھیں:
عطاء اللّٰہ خان عیسیٰ خیلوی کا اپنی قبر تیار کرنے کا انکشاف
پاکستان کے لیجنڈری گلوکار عطاء اللّٰہ خان عیسیٰ خیلوی(Attaullah Khan Esakhelvi) نے حال ہی میں ایک پوڈکاسٹ میں اپنی آخرت کی تیاری اور اپنی قبر سے متعلق گفتگو کی ہے۔
عطاء اللّٰہ خان عیسیٰ خیلوی نے پوڈکاسٹ میں بتایا کہ میں نے اپنی قبر پہلے ہی تیار کروا لی ہے۔
انہوں نے کہا کہ میں نے آخرت کی تیاری کر لی ہے، میری قبر عیسیٰ خیل میں تیار ہے، اگر آپ میری زندگی میں آئیں گے تو میں آپ کو دکھا دوں گا، ورنہ بعد میں خود دیکھ لیں گے، ہمارا خاندانی قبرستان ہے اور میں نے وہاں اپنے لیے ایک قبر مخصوص کروا رکھی ہے، ساتھ کچھ مزید جگہ بھی ہے، ایک میری اہلیہ کے لیے بھی ہے، اگرچہ یہ بات میں نے مذاق میں کہی تھی، اصل میں صرف اپنی قبر تیار کروائی ہے، اللّٰہ تعالیٰ ہم سب پر رحم فرمائے۔
مزیدپڑھیں:بيزوس، مسک اور زکربرگ جیسے ارب پتی ہر سال ایک خفیہ سمر کیمپ میں کیوں اکٹھے ہوتے ہیں؟
عطاء اللّٰہ خان عیسیٰ خیلوی نے بتایا کہ فارم ہاؤس اور مسجد تعمیر کروانے کے بعد میرے ذہن میں یہ خیال آیا کہ اپنی آخری آرام گاہ بھی وہیں ہونی چاہیے۔
گلوکار کا کہنا ہے کہ والدہ، عزیز و اقارب اور قریبی دوستوں کی وفات نے مجھے زندگی اور موت کے بارے میں زیادہ سوچنے پر مجبور کیا اور میں صرف اتنی دعا کرتا ہوں کہ اللّٰہ مجھے پُرسکون موت عطاء فرمائے۔
عطاء اللّٰہ خان عیسیٰ خیلوی کے اس بیان پر سوشل میڈیا صارفین کی مختلف آراء سامنے آئی ہیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم