آن لائن گیم کھیلتے ہوئے بیٹی سے نازیبا تصاویر کا مطالبہ کیاگیا، اکشے کمار کا انکشاف
اشاعت کی تاریخ: 3rd, October 2025 GMT
معروف بالی ووڈ اداکار اکشے کمار نے اپنی کمسن بیٹی کے ساتھ پیش آئے ایک افسوسناک آن لائن واقعے کا انکشاف کیا ہے، جس میں ایک نامعلوم شخص نے ویڈیو گیم کے دوران ان کی بیٹی سے نازیبا مطالبہ کیا۔
یہ انکشاف انہوں نے ریاستی پولیس ہیڈکوارٹر، ممبئی میں منعقدہ ’سائبر آگاہی مہینے‘ کی افتتاحی تقریب سے خطاب کرتے ہوئے کیا۔ اکشے کمار نے بتایا کہ یہ واقعہ چند ماہ قبل پیش آیا، جب ان کی 13 سالہ بیٹی نیتارا کمار ایک آن لائن ویڈیو گیم کھیل رہی تھی۔
یہ بھی پڑھیں: 57 سال کی عمر میں بھی مکمل فٹ کیسے؟ اکشے کمار نے راز بتادیا
اداکار نے بتایا کہ میری بیٹی ایک ویڈیو گیم کھیل رہی تھی، جو کہ کسی اجنبی کے ساتھ آن لائن کھیلی جا رہی تھی۔ کھیل کے دوران ایک پیغام آیا: ’آپ مرد ہیں یا عورت؟‘ جس پر میری بیٹی نے جواب دیا: ’عورت‘۔ اس کے بعد اگلا پیغام آیا ’کیا آپ اپنی ننگی تصاویر بھیج سکتی ہیں؟‘ جس پر اُس نے فوراً گیم بند کیا اور جا کر اپنی ماں کو پوری بات بتائی۔
#WATCH | Mumbai | Actor Akshay Kumar says, "I want to tell you all a small incident which happened at my house a few months back.
— ANI (@ANI) October 3, 2025
اکشے کمار نے کہا کہ ان کی بیٹی کی فوری اور سمجھداری پر مبنی کارروائی قابلِ ستائش ہے، تاہم ہر بچہ اتنا باخبر یا خوداعتماد نہیں ہوتا، اور یہی وہ نکتہ ہے جہاں معاشرے کو بچوں کو سائبر دنیا کے خطرات سے آگاہ کرنے کی ضرورت ہے۔
یہ بھی پڑھائیں: اکشے کمار کب تک فلم انڈسٹری میں رہیں گے؟ بالی ووڈ اسٹار نے بتادیا
انہوں نے حکومتِ مہاراشٹرا سے درخواست کرتے ہوئے کہا کہ میری وزیر اعلیٰ صاحب سے گزارش ہے کہ ریاست کے تمام اسکولوں میں ساتویں تا دسویں جماعت کے طلبا کے لیے ہفتہ وار ایک خصوصی ’سائبر پیریڈ‘ رکھا جائے، جہاں بچوں کو انٹرنیٹ، سوشل میڈیا، اور آن لائن گیمز میں درپیش ممکنہ خطرات کے بارے میں آگاہی دی جائے۔
اداکار نے مزید کہا کہ سائبر جرائم کی نوعیت اور شدت اس وقت روایتی سڑکوں پر ہونے والے جرائم سے بھی زیادہ سنگین ہوتی جا رہی ہے، اور اگر فوری اقدامات نہ کیے گئے تو آنے والی نسلوں کو شدید نقصان پہنچ سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کمار بالی ووڈذریعہ: WE News
کلیدی لفظ: اکشے کمار بالی ووڈ اکشے کمار نے آن لائن
پڑھیں:
سندھ حکومت کے تحت آن لائن ای اسپورٹس مقابلے حتمی مرحلہ میں داخل
سندھ حکومت کے محکمہ کھیل کے تحت آن لائن ای اسپورٹس مقابلے حتمی مرحلہ میں داخل ہوگئے۔
ذرائع کے مطابق 400 سے زائد ٹیموں کے درمیان 15 لاکھ روپے انعامی رقم کے گیمزکا فائنل 22 نومبر کو ہوگا۔
پیپلز پارٹی کےچیئرمین بلاول بھٹو زرداری اور وزیر کھیل سندھ سردار محمد بخش مقامی ہوٹل میں منعقدہ تقریب میں انعامات تقسیم کریں گے۔
ستائیسویں آئینی ترمیم سے متعلق جسٹس محسن اختر کیانی کے دلچسپ ریمارکس