پشاور: رکشے پر فائرنگ سے مقامی اسٹیج ڈانسر جاں بحق
اشاعت کی تاریخ: 11th, October 2025 GMT
پشاور میں نامعلوم افراد نے رکشے پر فائرنگ کر کے اس میں سوار مقامی ڈانسر کو قتل کر دیا، جبکہ ان کا بھائی معجزانہ طور پر محفوظ رہا۔
پشاور پولیس نے فائرنگ کے واقعے میں مقامی ڈانسر کی ہلاکت کی تصدیق کرتے ہوئے بتایا کہ مقتولہ کی شناخت مبینہ شاہد کے نام سے ہوئی ہے، جو صوابی سے تعلق رکھتی تھیں اور پشاور کے علاقے خواجہ ٹاؤن میں مقیم تھیں۔
یہ بھی پڑھیں: نوشہرہ، نماز کے لیے نہ اٹھنے پر بھائی نے فائرنگ کرکے بہن کو قتل کردیا
پولیس ترجمان کے مطابق واقعہ تھانہ میچنی گیٹ کی حدود میں ورسک روڈ پر پیش آیا، جہاں فائرنگ کے نتیجے میں خاتون موقع پر جاں بحق جبکہ رکشہ ڈرائیور زخمی ہوگیا۔
ابتدائی معلومات اور عینی شاہدین کے مطابق مقامی ڈانسر اپنے بھائی کے ساتھ خواجہ ٹاؤن سے رکشے میں جارہی تھیں کہ ورسک روڈ پر موٹر سائیکل سوار 3 ملزمان نے ان پر فائرنگ کر دی، فائرنگ کے بعد حملہ آور موقع سے فرار ہونے میں کامیاب ہو گئے۔
پولیس کے مطابق 25 سالہ ڈانسر کو متعدد گولیاں لگیں، جس سے وہ موقع پر ہی جاں بحق ہو گئیں۔ واقعے کی اطلاع ملتے ہی تھانہ میچنی گیٹ کی ٹیم موقع پر پہنچی اور لاش کو پوسٹ مارٹم کے لیے اسپتال منتقل کردیا گیا۔
یہ بھی پڑھیں: پشاور میں پارٹی ڈانسر کا لرزہ خیز قتل، پولیس ملزم تک کیسے پہنچی؟
پولیس کے مطابق مقتولہ کے بھائی احمد فراز کی مدعیت میں مقدمہ درج کر لیا گیا ہے، انہوں نے اپنے ابتدائی بیان میں بتایا کہ ان کی بہن ڈانس پارٹیوں میں رقص کرتی تھیں، جس پر گھر والے ناخوش تھے اور انہیں بارہا منع بھی کیا گیا تھا۔
پولیس نے جائے وقوعہ سے شواہد اکٹھے کر لیے ہیں اور ملزمان کی گرفتاری کے لیے چھاپے مارنے کا سلسلہ جاری ہے۔ تاہم آخری اطلاعات تک کوئی گرفتاری عمل میں نہیں آسکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پشاور پولیس تھانہ میچنی گیٹ خیبرپختونخوا ڈانسر رکشہ فائرنگ.ذریعہ: WE News
کلیدی لفظ: پشاور پولیس خیبرپختونخوا ڈانسر فائرنگ کے مطابق کے لیے
پڑھیں:
اداکارہ ماہرہ خان کی شوہر کے ساتھ انٹری، ویڈیو وائرل
پاکستانی اداکارہ ماہرہ خان طویل عرصے کے بعد اپنے شوہر سلیم کریم کے ساتھ نظر آئیں اور سب کی توجہ حاصل کرگئیں۔
اپنی نئی آنے والی فلم نیلوفر کی تشہیر کے حوالے سے منعقد تقریب میں اداکارہ ماہرہ خان حاضرین کی توجہ کا مرکز بنی رہیں، اس کی وجہ فلم میں انکا مرکزی رول تو تھا ہی مگر اس بار وہ اپنے شوہر کے ساتھ پروگرام میں آئیں۔
ماہرہ نے اپنے شوہر سلیم کریم کا ہاتھ تھاما ہوا تھا اور دونوں نے اسٹیج پر آکر فوٹو شوٹ کروایا۔ اداکارہ سیاہ ساڑھی جبکہ سلیم کریم بھی کالے رنگ کا پینٹ کوٹ زیب تن کیے ہوئے تھے۔
جوڑے کی ہم آہنگی اور کیمسٹری نے لوگوں کی توجہ حاصل کی اور پھر ایک موقع پر ماہرہ خان بھی اسٹیج پر شوہر کا نوبیاہتا دلہن کی طرح ہاتھ تھامے نظر آئیں۔
سلیم کریم فوٹو شوٹ کے بعد اسٹیج سے جانے لگے تو اداکارہ نے انہیں روک کر اپنے پاس کیا اور پھر وہ گلے لگ کر چلے گئے۔
ڈی پی ورلڈ آئی ایل ٹی20 اسکولز کپ 2025 کے فائنلسٹ ٹیموں کا اعلان