سوات ایکسپریس وے پر حادثہ، کھائی میں ٹرک گرنے سے 17 افراد جاں بحق، 8 سے زائد زخمی
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
مالاکنڈ: مالاکنڈ کے علاقے میں سوات ایکسپریس وے پر ایک دلخراش ٹریفک حادثے میں کم از کم 17 افراد جاں بحق اور 8 سے زائد زخمی ہو گئے، تیز رفتار ٹرک قابو سے باہر ہو کر سینکڑوں فٹ گہری کھائی میں جا گرا، جاں بحق افراد میں 10 بچے، 4 خواتین اور 3 مرد شامل ہیں جب کہ متعدد زخمیوں کی حالت تشویشناک بتائی جا رہی ہے۔
میڈیا رپورٹس کےمطابق ڈی ایس پی موٹروے پولیس نورالامین نے کہا کہ حادثہ تیز رفتاری کے باعث پیش آیا، ٹرک ڈرائیور موڑ کاٹتے ہوئے گاڑی پر قابو نہ رکھ سکا جس کے نتیجے میں ٹرک الٹ کر گہری کھائی میں جا گرا، حادثے کی اطلاع ملتے ہی پولیس، ریسکیو ٹیمیں اور مقامی افراد بڑی تعداد میں جائے وقوعہ پر پہنچ گئے اور امدادی کارروائیاں شروع کر دیں۔
ریسکیو حکام کا کہنا ہے کہ حادثے کا شکار ٹرک میں سوات کے علاقے بحرین سے تعلق رکھنے والے خانہ بدوش سوار تھے جو مختلف مقامات پر مزدوری کے لیے سفر کر رہے تھے، زخمیوں اور جاں بحق ہونے والوں کو فوری طور پر بٹ خیلہ اسپتال منتقل کیا گیا، جہاں ابتدائی طبی امداد کے بعد شدید زخمیوں کو مردان اور پشاور کے اسپتالوں میں ریفر کر دیا گیا۔
حکام کے مطابق حادثے میں جاں بحق ہونے والے تمام افراد کی لاشیں ضابطے کی کارروائی کے بعد سوات روانہ کر دی گئی ہیں۔
عینی شاہدین کا کہنا ہے کہ حادثہ انتہائی ہولناک تھا، ٹرک کے کئی پرزے ٹوٹ کر دور جا گرے اور جائے حادثہ پر تباہی کا منظر پیش کر رہا تھا۔
موٹروے پولیس نے حادثے کی تحقیقات کا آغاز کر دیا ہے تاکہ یہ معلوم کیا جا سکے کہ حادثہ محض ڈرائیور کی غفلت کا نتیجہ تھا یا گاڑی میں کوئی تکنیکی خرابی موجود تھی۔
ریسکیو 1122 کے ترجمان کے مطابق امدادی کارروائیاں مکمل کر لی گئی ہیں جبکہ سوات ایکسپریس وے پر ٹریفک بحال کر دی گئی ہے، علاقے میں غم و سوگ کی فضا ہے اور جاں بحق ہونے والے افراد کے لواحقین کو ہر ممکن معاونت فراہم کی جا رہی ہے۔
ذریعہ
ذریعہ: Jasarat News
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ