آزاد کشمیر کابینہ میں بحران شدت اختیار کر گیا، 3 مزید وزرا مستعفی
اشاعت کی تاریخ: 17th, October 2025 GMT
آزاد جموں و کشمیر کی کابینہ میں سیاسی بحران مزید گہرا ہوگیا ہے، جمعہ کے روز 3 مزید وزرا نے اپنے عہدوں سے استعفیٰ دے دیا، جن میں سے 2 نے وزیر اعظم چوہدری انوارالحق سے مستعفی ہونے کا مطالبہ کیا ہے۔
اے جے کے وزیر خزانہ عبدالمجید خان اور وزیر خوراک چوہدری اکبر ابراہیم نے مظفرآباد پریس کلب میں مشترکہ پریس کانفرنس کے دوران اپنے استعفے کا اعلان کیا، جبکہ وزیر کھیل و ثقافت عاصم شریف بٹ نے میڈیا سے گریز کرتے ہوئے اپنا استعفیٰ براہِ راست وزیر اعظم کو ارسال کیا۔
یہ بھی پڑھیں: وہ نکات جنہوں نے آزاد کشمیر مذاکرات کامیاب بنائے
اس سے قبل ہفتے کے آغاز میں وزیر اطلاعات پیر مظہر سعید بھی استعفیٰ دے چکے ہیں۔ تاہم وزیر اعظم کے دفتر کے مطابق ان کا استعفیٰ تاحال قبول نہیں کیا گیا۔
تینوں مستعفی وزرا تحریک انصاف کے ٹکٹ پر 2021 کے عام انتخابات میں مہاجرینِ کشمیر کے لیے مخصوص نشستوں سے کامیاب ہوئے تھے، تاہم 2023 میں وہ وزیر اعظم انوارالحق کے گروپ میں شامل ہوگئے تھے۔
ان استعفوں کی وجہ وفاقی حکومت اور جوائنٹ عوامی ایکشن کمیٹی (جے اے اے سی) کے درمیان ہونے والا حالیہ معاہدہ قرار دیا جارہا ہے، جس میں دیگر نکات کے ساتھ ساتھ مہاجرین کے لیے مخصوص 12 نشستوں کا معاملہ بھی شامل تھا۔
یہ بھی پڑھیں: آزاد کشمیر میں مظاہرین کے ساتھ مذاکرات دانشمندانہ فیصلہ، بھارتی ہاتھ کو نظر انداز نہیں کیا جاسکتا، ماہرین
وزرا کا کہنا تھا کہ یہ معاہدہ ایک غیر منتخب اور غیر آئینی گروہ کے دباؤ میں آکر کیا گیا، جس سے ہزاروں کشمیری مہاجرین کے آئینی حقوق مجروح ہوئے ہیں۔ ان کے مطابق یہ معاہدہ آزاد کشمیر کے آئینی اور سیاسی ڈھانچے پر کاری ضرب ہے۔
انہوں نے مؤقف اختیار کیا کہ مہاجرین کے لیے مخصوص نشستیں کوئی رعایت نہیں بلکہ ایک تاریخی اور آئینی فیصلہ ہیں جو 1947 سے ریاستی ڈھانچے کا حصہ ہیں۔ ان نشستوں کا خاتمہ ان قربانیوں سے انکار کے مترادف ہے جو ان مہاجرین نے پاکستان اور کشمیر کے الحاق کے لیے دی ہیں۔
عبدالمجید خان نے اپنے دو صفحات پر مشتمل استعفے میں کہا کہ موجودہ حکومت نے کشمیری مہاجرین کے آئینی حقوق کا دفاع کرنے میں ناکامی ظاہر کی ہے، لہٰذا ان کے لیے اس کابینہ کا حصہ رہنا ممکن نہیں۔
یہ بھی پڑھیں: کامیاب مذاکرات و معاہدہ آزاد کشمیر کے عوام، پاکستان اور جمہوریت کی جیت ہے، احسن اقبال
چوہدری اکبر ابراہیم نے بھی اپنے خط میں وزیر اعظم انوارالحق پر ’’مہاجر اراکینِ اسمبلی کے خلاف سازش‘‘ کا الزام لگاتے ہوئے ان سے مستعفی ہونے کا مطالبہ کیا۔
دونوں وزرا نے اعلان کیا کہ وہ مہاجرینِ جموں و کشمیر کے حقوق کے تحفظ کے لیے اپنی جدوجہد جاری رکھیں گے اور ہر فورم پر آواز اٹھائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر استعفی چوہدری اکبر ابراہیم عاصم شریف بٹ عبدالمجید خان کابینہ مخصوص نشستیں وزرا مستعفی وزیر اطلاعات وزیر اعظم چوہدری انوارالحق وزیر خوراک وزیر کھیل و ثقافت.
ذریعہ
ذریعہ: WE News
کلیدی لفظ: استعفی عاصم شریف بٹ عبدالمجید خان کابینہ مخصوص نشستیں وزرا مستعفی وزیر اطلاعات وزیر اعظم چوہدری انوارالحق وزیر خوراک وزیر کھیل و ثقافت مہاجرین کے کشمیر کے کے لیے
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
بھارت سے جنگ اور افغانستان میں کارروائی خارج ازامکان نہیں، وزیردفاع