برطانیہ کی مدارس کے طلبہ کو جدید تعلیم اور اسکالر شپ کی پیشکش
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (مانیٹرنگ ڈیسک) برطانیہ نے مدارس کے طلبا کو جدید تکنیکی تعلیم اور ہنر کی فراہمی کے لیے پاکستان کو معاونت کی پیشکش کردی۔ نجی ٹی وی کے مطابق وفاقی وزیر مذہبی امور سردار محمد یوسف سے برطانوی ہائی کمشنر جین میریٹ نے ملاقات کی۔ برطانوی ہائی کمشنر نے اپنے ملک کی جانب سے مدارس کے طلباء کو جدید تکنیکی تعلیم اور ہنر کی فراہمی کیلیے پاکستان کو معاونت کی پیشکش کی۔ برطانوی ہائی کمشنر نے کہا کہ مدارس سے فارغ التحصیل طلباء کو برطانیہ میں ایکسچینج پروگرامز اور اسکالرشپ فراہم کرسکتے ہیں، ملک بھر میں 18 ہزار سے زاید مدارس رجسٹرڈ ہیں، ان کے طلبہ کو جدید تکنیکی تعلیم فراہم کرنا وقت کی اہم ضرورت ہے، وزیراعظم یوتھ پروگرام کے تحت مدارس کے طلباء کو جدید تکنیکی تعلیم اور ہنر سکھائے جارہے ہیں۔ دریں اثناء پاکستان اور برطانیہ نے انتہاپسندی کے خاتمے اور بین المذاہب ہم آہنگی کے فروغ کے لیے تعاون بڑھانے پر اتفاق
کیا۔ وفاقی وزیر سردار محمد یوسف نے کہا کہ پاکستان برطانیہ سے تعلقات کو گہری قدر کی نگاہ سے دیکھتا ہے اور آنے والے وقت میں اس تعاون کو مزید وسعت دینے کا منتظر ہے۔ سردار محمد یوسف نے کہا کہ بھارت میں مسلمانوں اور دیگر اقلیتوں پر ریاستی سرپرستی میں ہونے والے ظلم و ستم میں اضافہ تشویش ناک ہے، پاکستان میں بسنے والے عیسائی، ہندو، سکھ، پارسی اور دیگر مذاہب کے ماننے والے پاکستانی ہمارے سماجی تانے بانے کا اٹوٹ حصہ ہیں۔ سردار محمد یوسف نے کہا کہ پاکستان نے بین المذاہب ہم آہنگی کے فروغ کیلیے تمام شعبوں میں اقلیتوں کی شرکت کو بڑھانے کیلیے وسیع پیمانے پر مثبت اقدامات کیے ہیں، برطانیہ میں 20 لاکھ مسلمان اور 17 لاکھ ہندو مقیم ہیں، پاکستان اور برطانیہ بین المذاہب ہم آہنگی کے فروغ کیلیے ایک دوسرے کے تجربات سے فائدہ اٹھا سکتے ہیں۔
ذریعہ: Jasarat News
کلیدی لفظ: کو جدید تکنیکی تعلیم سردار محمد یوسف تعلیم اور نے کہا کہ مدارس کے نے والے
پڑھیں:
پی ٹی آئی: مشال یوسف زئی اور سلمان اکرم راجا کے درمیان پیغام رسانی پر تنازعہ
data-id="863a0a8" data-element_type="widget" data-widget_type="theme-post-content.default">
اسلام آباد: تحریک انصاف (پی ٹی آئی) کے سیکرٹری جنرل سلمان اکرم راجا اور کور کمیٹی کی رکن سینیٹر مشال یوسف زئی کے درمیان ایک بار پھر اختلافات سامنے آگئے۔
میڈیا رپورٹس کے مطابق یہ واقعہ تحریک انصاف کے پارلیمانی پارٹی اجلاس کے دوران پیش آیا، جہاں مشال یوسف زئی اور سلمان اکرم راجا کے درمیان سخت جملوں کا تبادلہ ہوا، مشال یوسف زئی نے بانی پی ٹی آئی کی باتیں باہر صحیح طرح سے نہ پہنچانے کا معاملہ اٹھایا۔
ذرائع نے بتایا کہ مشال یوسف زئی نے سلمان اکرم راجا پر الزام لگایا کہ وہ بانی پی ٹی آئی کا پیغام درست طور پر نہیں پہنچا رہے، جس پر سلمان اکرم راجا نے الزامات کو جھوٹ قرار دیتے ہوئے کہا کہ جن افراد کی ملاقات یا پیغام لانے کی ذمہ داری ہے وہ صحیح پیغام پہنچاتے ہیں اور ملاقات محدود ہونے کی وجہ سے مجبوراً ان افراد کی بات پر اعتماد کرنا پڑتا ہے۔
اس کے بعد مشال یوسف زئی نے اس معاملے پر مزید مؤقف دینے سے گریز کرتے ہوئے کہا کہ وہ اس موضوع پر کوئی بات نہیں کرنا چاہتی۔
خیال رہےکہ یہ پہلا موقع نہیں جب مشال یوسف زئی اور سلمان اکرم راجا کے درمیان اختلافات سامنے آئے ہیں بلکہ اس سے قبل بھی دونوں کے درمیان کشیدگی کی خبریں منظر عام پر آ چکی ہیں۔
کراچی چڑیا گھر میں شیرنی نے تین بچوں کو جنم دیا