الزام تراشی حکومت کی ناکامیوں پر پردہ ڈالنے کی کوشش ہے، پی ٹی آئی کا احسن اقبال کے بیان پر ردعمل
اشاعت کی تاریخ: 19th, October 2025 GMT
پاکستان تحریک انصاف نے وفاقی وزیر منصوبہ بندی احسن اقبال کے حالیہ بیانات پر شدید ردِعمل دیتے ہوئے انہیں افسوسناک اور گمراہ کن قرار دیا ہے۔ ترجمان تحریک انصاف کا کہنا ہے کہ وفاقی وزیر کی الزام تراشی دراصل حکومت کی معاشی ناکامیوں پر پردہ ڈالنے کی ایک ناکام کوشش ہے۔
یہ بھی پڑھیں: پی ٹی آئی کی آن بان شان سمجھے جانے والے علی امین گنڈاپور کی مقبولیت میں کمی کیوں آئی؟
تحریک انصاف کے مطابق، عمران خان کی قیادت میں پاکستان کی معیشت ترقی کے راستے پر گامزن تھی۔ برآمدات میں اضافہ، صنعتوں کا استحکام، زرمبادلہ کے ذخائر میں بہتری، کسان اور مزدور طبقے کی خوشحالی اور روزگار کے مواقع میں اضافہ اُس دور کی نمایاں خصوصیات تھیں۔ تعمیرات، آئی ٹی اور صنعتی شعبوں میں حقیقی نمو دیکھنے میں آئی اور سرمایہ کاروں کا اعتماد بحال ہو رہا تھا۔
ترجمان نے کہا کہ موجودہ حکومت انہی منصوبوں کو اپنی تختی لگا کر پیش کر رہی ہے لیکن عوام جانتے ہیں کہ معیشت کو تباہی کے دہانے پر پہنچانے والے کون ہیں۔ مہنگائی، بے روزگاری اور غیر یقینی نے عوام کا جینا دوبھر کر دیا ہے۔
ترجمان نے مزید کہا کہ عمران خان کی قیادت میں پاکستان خودداری، استحکام اور ترقی کی طرف بڑھ رہا تھا۔ قوم جانتی ہے کہ کون ملک بنا رہا تھا اور کون صرف اقتدار بچانے کے لیے جھوٹ بول رہا ہے۔
یہ بھی پڑھیں: ’اڑان پاکستان‘ کے تحت 2035 تک پاکستان کو ایک کھرب ڈالر کی معیشت بنائیں گے، احسن اقبال
یاد رہے کہ وفاقی وزیر منصوبہ بندی احسن اقبال نے پنجاب کے ضلع نارووال میں سڑک کی تعمیر کی افتتاحی تقریب سے خطاب کرتے ہوئے کہا تھا کہ بانی تحریک انصاف کی غلط پالیسیوں کی بدولت پاکستان ڈیفالٹ کے قریب پہنچ گیا تھا، تاہم آج پوری دنیا میں پاکستان کی معیشت کی بحالی کے چرچے ہیں۔
احسن اقبال نے کہا کہ مسلح افواج نے بھارتی جارحیت کا منہ توڑ جواب دیا اور وزیراعظم و فیلڈ مارشل کی بہترین حکمت عملی سے معرکہ حق میں عظیم فتح حاصل ہوئی۔ انہوں نے مزید کہا کہ افغانستان سے ہونے والی جارحیت کا بھی منہ توڑ جواب دیا گیا۔
وفاقی وزیر نے کہا کہ ہمیں اپنے شہدا پر فخر ہے۔ مسلح افواج نے دہشت گردی کے خلاف جنگ میں بے پناہ قربانیاں دیں۔ اب معرکہ حق کے بعد معرکہ ترقی میں کامیابی کے لیے پوری قوم کو اپنا کردار ادا کرنا ہوگا۔
یہ بھی پڑھیں: پی ٹی آئی کے قیدیوں کی رہائی کیسے ممکن ہے؟ احسن اقبال نے بتا دیا
احسن اقبال نے نوجوانوں کی فلاح و بہبود کے لیے حکومتی اقدامات کا ذکر کرتے ہوئے کہا کہ ملک اب مزید انتہا پسندی اور فساد کا متحمل نہیں ہو سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news احسن اقبال بانی پی ٹی آئی پاکستان عمران خان مسلم لیگ ن ملک ڈیفالٹ وفاقی وزیر.
ذریعہ
ذریعہ: WE News
کلیدی لفظ: احسن اقبال بانی پی ٹی ا ئی پاکستان مسلم لیگ ن ملک ڈیفالٹ وفاقی وزیر احسن اقبال نے تحریک انصاف وفاقی وزیر کہا کہ کے لیے
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی