data-id="863a0a8" data-element_type="widget" data-widget_type="theme-post-content.default">

امریکا‘ چھوٹا طیارہ جنگل میں گر کر تباہ‘ باپ بیٹیوں سمیت ہلاک
واشنگٹن: امریکی ریاست میںایک چھوٹا طیارہ ا±ڑان بھرنے کے ساتھ ہی جنگل میں گر کر تباہ ہوگیا، جس میں ایک ہی خاندان کے کئی افراد ہلاک ہوگئے۔
عالمی میڈیا کی رپورٹ کے مطابق امریکی ریاست مونٹانا میں ایک انجن والا چھوٹا طیارہ ا±ڑان بھرنے کے کچھ ہی دیر بعد گھنے جنگل میں گر کر تباہ ہو گیا۔ نیوز ایجنسیز کے مطابق باپ اور2 بیٹیاں مونٹانا کے شہر پولسن جانے کے لیے چھوٹے طیارے میں سوار ہوئے تھے۔ جہاں موسم کی خرابی کو نظر انداز کرتے ہوئے 62 سالہ امریکی شخص نے اپنی 2 بیٹیوں کی ضد کی آگے ہار مان لی اور طیارے کو ا±ڑانے لگے۔ جبکہ دوسری طرف طیارہ فنی خرابی کے باعث طیارہ مکمل اڑان نہیں بھر سکا اور زمین بوس ہوگیا۔
حکام کا کہنا ہے کہ کئی گھنٹوں کی جدوجہد کے بعد طیارے کے ملبے سے 62 سالہ مارک اینڈرسن، 22 سالہ لینی اور 17 سالہ ایلی کی لاشیں نکال لی گئیں۔

محمد ایوب.

ذریعہ: Jasarat News

کلیدی لفظ: جنگل میں گر کر تباہ چھوٹا طیارہ

پڑھیں:

ٹرمپ کے خلاف امریکی عوام کا رد عمل

data-id="863a0a8" data-element_type="widget" data-widget_type="theme-post-content.default">

251022-03-3

 

امریکی صدر ڈونلڈ ٹرمپ جب سے اقتدار میں آئے ہیں، اپنے متنازع بیانات اور آمرانہ اقدامات کی وجہ سے سخت تنقید کی زد میں ہیں، اقتدار کی کرسی سنبھالتے ہی ان کی جانب سے جاری کیے جانے والے ایگزیکٹو احکامات، امیگریشن و ماس ڈیپورٹیشن کے قوانین، ڈیمو کریٹک شہروں میں فیڈرل اور ملٹری ٹروپس کی تعیناتی، بجٹ کٹس، میڈیا پر دباؤ، ارب پتی افراد کی حمایت، ٹرمپ مخالف وفاقی ملازمین کی برطرفی، انتقامی کارروائی، خارجہ پالیسی، اسرائیل کی بے جا حمایت اور غزہ میں مزاحمت کاروں کے خلاف ان کے لب و لہجے نے پورے امریکا میں ان کے خلاف شدید ردعمل کو جنم دیا ہے۔ گزشتہ دنوں ٹرمپ کی انہی پالیسیوں کے خلاف امریکا کی پچاس ریاستوں میں ستر لاکھ سے زائد افراد نے سڑکوں پر نکل کا اپنا احتجاج ریکارڈ کروایا، غیر ملکی میڈیا کے مطابق نو کنگ کے عنوان سے امریکا کے 2700 شہروں میں احتجاج کیے گئے، صرف شکاگو میں ڈھائی لاکھ افراد نے احتجاجی مظاہرے میں شرکت کی۔ مظاہرین نے ٹرمپ کی پالیسیوں کے خلاف غم و غصے کا اظہار کیا۔ مظاہرین نے صدر ٹرمپ کی پالیسیوں کو آمرانہ قرار دیا اور ٹرمپ انتطامیہ مزید برداشت نہیں کریں گے کے فلک شگاف نعرے لگائے۔ واضح رہے کہ رواں برس جون کے مہینے میں بھی اسی طرح کے مظاہرے کیے گئے تھے۔ یہ تحریک ان پالیسیوں کے خلاف ہے جنہیں ناقدین ملک کو آمریت کی طرف دھکیلنے کے مترادف سمجھتے ہیں۔ مظاہرین اس بات پر برہم تھے کہ ری پبلکن ارب پتی صدر کے دوبارہ اقتدار میں آنے کے بعد سے ملک میں سخت گیر اقدامات بڑھ گئے ہیں، ان کے خدشات میں میڈیا پر حملے، سیاسی مخالفین کے خلاف مقدمات اور امیگریشن پر وسیع کریک ڈاؤن شامل ہیں، جس کے تحت نیشنل گارڈ کے دستے لاس اینجلس، واشنگٹن اور میمفس جیسے شہروں میں تعینات کیے گئے ہیں۔ یہ مظاہرے ایسے وقت میں ہوئے جب امریکی حکومت کے شٹ ڈاؤن کو 3 ہفتے ہو چکے ہیں، اور ٹرمپ انتظامیہ نے قانون سازی میں رکاوٹ کے باعث ہزاروں وفاقی ملازمین کو برطرف کر دیا ہے۔ احتجاج کی حمایت میں کئی معروف ڈیموکریٹ رہنماؤں نے بھی بیانات دیے، جن میں سینیٹر چَک شومر، سینیٹر برنی سینڈرز اور رکنِ کانگریس الیگزینڈریا اوکاسیو کورٹیز شامل ہیں۔ کچھ ری پبلکن رہنماؤں نے خدشہ ظاہر کیا ہے کہ یہ مظاہرے سیاسی تشدد کو ہوا دے سکتے ہیں، خاص طور پر اس واقعے کے بعد جب ستمبر میں سیاسی کارکن چارلی کرک، جو ٹرمپ کے قریبی ساتھی تھے، کو قتل کر دیا گیا تھا۔ اس ساری صورتحال پر امریکی صدر ڈونلڈ ٹرمپ کا کہنا تھاکہ وہ خود کو بادشاہ تصور نہیں کرتے جبکہ ری پبلکن رہنماؤں نے مظاہروں کو ’’امریکا مخالف‘‘ قرار دیتے ہوئے مسترد کر دیا۔ ٹرمپ نے حالات کی نزاکت کا ادراک کرتے ہوئے نسبتاً محتاط رد عمل کا اظہار کیا، مگر ان کے حامیوں نے بھرپور جوابی بیانات دیے، ایوانِ نمائندگان کے اسپیکر مائیک جانسن نے اس دن کو ’ہیٹ امریکا ریلی‘ قرار دیا۔ انہوں نے کہا کہ آپ دیکھیں گے کہ مارکسسٹ، سوشلسٹ، اینٹیفا، انارکسٹ اور ڈیموکریٹ پارٹی کے پرو حماس دھڑے کے لوگ سب اکٹھے ہوں گے۔ حقیقت یہ ہے کہ اندرونی مسائل کے علاوہ غزہ جنگ کے دوران ٹرمپ کی اسرائیل نواز پالیسیوں سے بھی امریکی عوام سخت نالاں ہیں، بیالیس فی صد سے زائد امریکی ٹرمپ کی غزہ پالیسی کو ناپسند کرتے ہیں۔ غزہ میں اسرائیل کی جانب سے بڑے پیمانے پر انسانی حقوق کی خلاف ورزیوں کے باوجود اسے اسلحے کی سپلائی کو بھی امریکی عوام غیر منصفانہ سمجھتے ہیں، ان کی یہ پالیسیاں امریکا کی ساکھ کو بری طرح مجروح کر رہی ہیں اور عوامی رائے تیزی سے تبدیل ہورہی ہے، ٹرمپ کی پالیسیوں کے خلاف ستر لاکھ افراد کا حالیہ مظاہرہ امریکا کی تاریخ کا سب سے بڑا مظاہرہ تھا، جس میں عوام نے کھل کر ان کی پالیسیوں کے خلاف اپنے عدم اعتماد کا اظہار کیا، یہ مظاہرے ان کے لیے نوشتہ ٔ دیوار ہیں، ٹرمپ اپنے اقدامات کے ذریعے تیزی سے اپنی مقبولیت کھو رہے ہیں، ان کی داخلہ و خارجہ پالیسی اور جارحانہ طرز عمل امریکا کو صرف معاشی ہی نہیں بلکہ اخلاقی دیوالیہ پن کا بھی شکار کردے گا۔ ڈونلڈ ٹرمپ نے بحیثیت امریکی صدر جو طرزِ عمل اختیار کیا ہے، وہ کسی بھی طور ایک مستحکم اور طاقتور ملک کے سربراہ کے شایانِ شان نہیں۔

 

اداریہ

متعلقہ مضامین

  • ٹرمپ کے خلاف امریکی عوام کا رد عمل
  • کراچی؛ قرض اور مالی دباؤ کے شکار سفاک باپ نے اپنی 2 کمسن بیٹیوں کے گلے کاٹ دیے
  • کراچی میں اندھی گولیاں لگنے سے بچوں اور لڑکی سمیت 4 افراد زخمی
  • امریکا میں طیارہ گھنے جنگل میں گر کر تباہ؛ باپ اور دوبیٹیاں ہلاک
  • فضا میں امریکی طیارے سے خلائی ملبہ ٹکرا گیا؛ ہنگامی لینڈنگ
  • ہانگ کانگ: کارگو طیارہ رن وے سے پھسل کر سمندر میں جاگرا، دو افراد ہلاک
  • لینڈنگ کے دوران ترک طیارہ پھسل کر سمندر میں جاگرا، 2 افراد ہلاک
  • ہانگ کانگ: کارگو طیارہ رن وے سے پھسل کر سمندر میں جاگرا، 2 افراد ہلاک
  • سکیورٹی فورسز کی کارروائی، فتنہ الہندوستان کا سرغنہ جمیل ہلاک