ایپل کے نئے آئی فونز پر لیکس کا سلسلہ جاری
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
ایپل کی نئی آئی فون سیریز سے متعلق دلچسپ تفصیلات سامنے آئی ہیں جن کے مطابق کمپنی 2027 میں آئی فون 20 سیریز متعارف کرانے کا منصوبہ بنا رہی ہے۔
اگرچہ آئی فون 17 سیریز رواں سال ستمبر میں پیش کی جا چکی ہے اور عام طور پر نئی ڈیوائسز اگلے سال آتی ہیں، مگر تازہ لیکس نے مستقبل کے ماڈلز سے متعلق شائقین کی دلچسپی بڑھا دی ہے۔
رپورٹس کے مطابق 2027 میں آئی فون کے اجراء کو 20 سال مکمل ہوں گے، اور اس موقع پر ایپل اپنی نئی ڈیوائسز کو مکمل طور پر ری ڈیزائن کرے گا۔
دلچسپ بات یہ ہے کہ کمپنی آئی فون 19 کو چھوڑ کر براہ راست آئی فون 20 کے نام سے نئی سیریز لانچ کرے گی، بالکل اسی طرح جیسے 2017 میں آئی فون کی دسویں سالگرہ پر آئی فون X (ٹین) متعارف کرایا گیا تھا۔
لیک رپورٹس کے مطابق آئی فون 20 سیریز میں
بیزل لیس (Bezel-less) ڈسپلے پینل شامل ہوگا، نیا ڈیزائن متعارف کرایا جائے گا، اور ایپل کا ڈیزائن لینگوئج ایک نئے دور میں داخل ہوگا۔
مزید بتایا گیا ہے کہ اگلے سال 2026 میں ایپل اسٹینڈرڈ آئی فون ماڈل پیش نہیں کرے گا، بلکہ آئی فون ایئر (Air)، پرو (Pro) اور پہلا فولڈ ایبل آئی فون فولڈ متعارف کرائے گا۔
پھر 2027 کی پہلی ششماہی میں اسٹینڈرڈ آئی فون 20 سامنے آئے گا، جبکہ ری ڈیزائن آئی فون 20 پرو، ائیر اور فولڈ 2 ماڈلز سال کی دوسری ششماہی میں لانچ کیے جائیں گے۔
یوں ایپل کے شائقین کو اگلے دو برسوں میں بڑے ڈیزائن اور ٹیکنالوجی کے انقلاب کا سامنا ہو سکتا ہے۔
.ذریعہ: Jasarat News
کلیدی لفظ: ا ئی فون 20
پڑھیں:
ٹک ٹاک نے نیا ’نیئربائی فیڈ‘ فیچر متعارف کرا دیا
data-id="863a0a8" data-element_type="widget" data-widget_type="theme-post-content.default">
چین کی معروف ٹیک کمپنی بائیٹ ڈانس کے زیر انتظام دنیا کی مقبول ترین مختصر ویڈیو شیئرنگ ایپلیکیشن ٹک ٹاک نے صارفین کے تجربے کو مزید متحرک اور مقامی نوعیت کا بنانے کے لیے “نیئر بائی فیڈ” کے نام سے ایک نیا فیچر متعارف کرایا ہے، جس کے ذریعے اب پلیٹ فارم پر موجود افراد اپنے اردگرد کے ماحول، سرگرمیوں اور مقامات سے متعلق ویڈیوز براہِ راست دیکھ سکیں گے۔
کمپنی کا کہنا ہے کہ نیئر بائی فیڈ فیچر کا بنیادی مقصد صارفین کو ایسی جگہوں، ایونٹس اور مقامی سرگرمیوں سے روشناس کرانا ہے جن کے بارے میں شاید وہ پہلے نہ جانتے ہوں، یہ فیچر ابتدائی طور پر برطانیہ، فرانس، اٹلی اور جرمنی میں متعارف کرایا گیا ہے۔
بین الاقوامی خبر رساں اداروں کے مطابق اس سے قبل 2022 میں جنوب مشرقی ایشیا میں محدود پیمانے پر اس کی آزمائش کی گئی تھی، آزمائشی مرحلے کے بعد اس فیچر پر کچھ عرصہ کام روک دیا گیا تھا، تاہم اب اسے باقاعدہ طور پر چند یورپی ممالک میں فعال کر دیا گیا ہے۔
ٹک ٹاک نے ایک تفصیلی بلاگ پوسٹ میں وضاحت کی ہے کہ نیئر بائی فیڈ میں صارفین کو وہ ویڈیوز دکھائی جائیں گی جو ان کی موجودہ لوکیشن، مواد کے موضوع اور پوسٹ کے وقت کے مطابق ترتیب دی گئی ہوں۔
اس کا مطلب یہ ہے کہ اگر کوئی صارف سیاحت، فوڈ، مقامی تقریبات یا ایونٹس سے متعلق ویڈیوز دیکھنا چاہے تو اسے اپنے ہی علاقے کا تازہ ترین مواد دیکھنے کو ملے گا۔ یہ فیچر نہ صرف صارفین کے لیے سہولت فراہم کرے گا بلکہ ویڈیوز بنانے والوں کو بھی اپنے شہر یا خطے کے نئے ناظرین تک رسائی کا موقع دے گا۔
کمپنی کے مطابق صارف کی لوکیشن شیئر کرنا مکمل طور پر اختیاری ہوگا اور یہ سہولت صرف 18 سال یا اس سے زیادہ عمر کے افراد استعمال کر سکیں گے۔ لوکیشن شیئرنگ فعال ہونے کی صورت میں ٹک ٹاک ڈیوائس کی جی پی ایس معلومات استعمال کرتے ہوئے صارف کو مقامی مواد دکھائے گا۔
اس کے ساتھ کمپنی نے واضح کیا ہے کہ 18 سال سے کم عمر صارفین کی ویڈیوز اس فیڈ میں نظر نہیں آئیں گی، جبکہ پرائیویٹ، فرینڈز اونلی یا صرف خود تک محدود کیے گئے اکاؤنٹس کا مواد بھی نیئر بائی فیڈ میں شامل نہیں ہوگا۔
اگر کوئی صارف اپنے موجودہ شہر کے بجائے کسی دوسرے خطے یا شہر کا مقامی مواد دیکھنا چاہے تو وہ لوکیشن سیٹنگ میں جا کر مقام تبدیل کر سکتا ہے۔
تاہم ٹک ٹاک کی جانب سے یہ نہیں بتایا گیا کہ اس فیچر کو عالمی سطح پر صارفین کے لیے کب تک پیش کیا جائے گا، مگر ماہرین کے مطابق یہ اپ ڈیٹ پلیٹ فارم کے مقامی مواد کے کلچر میں اہم تبدیلی کا پیش خیمہ ثابت ہو سکتی ہے۔
ایشیز: انگلینڈ نے دوسرے ٹیسٹ کیلیے پلیئنگ الیون میں ایک تبدیلی کردی