کراچی میں کالعدم سپاہ صحابہ کے 2 کارکنوں کے قتل کا الزام، 2 افراد گرفتار
اشاعت کی تاریخ: 23rd, October 2025 GMT
ڈی آئی جی سی ٹی ڈی کا کہنا ہے کہ ناگن چورنگی پر ٹارگٹ کلنگ واقعے کی سی سی ٹی وی حاصل کی گئی ہے، گرفتار ملزمان کا ناگن چورنگی پر ہونے والے واقعے سے کوئی تعلق نہیں ہے، سی سی ٹی وی کی مدد سے ملزمان کی گرفتاری کی کوشش کر رہے ہیں، پولیس کلنگز سے متعلق مختلف واقعات کے حوالے سے اہم پیش رفت جلد سامنے آئے گی۔ اسلام ٹائمز۔ کراچی پولیس کے محکمہ انسداد دہشت گردی (سی ٹی ڈی) کے ڈپٹی انسپکٹر جنرل (ڈی آئی جی) غلام اظفہر مہیسر نے کہا ہے کہ کالعدم سپاہ صحابہ کے کارکنان کی حالیہ ٹارگٹ کلنگ کے الزام میں 2 ملزمان کو گرفتار کرلیا گیا ہے۔ یاد رہے کہ پیر 20 اکتوبر کو ناگن چورنگی کے قریب دکان پر موٹرسائیکل سوار ملزمان کی فائرنگ سے کالعدم سپاہ صحابہ کے 2 کارکنان ہلاک ہوگئے تھے، واقعے کی سی سی ٹی وی فوٹیج سامنے آئی تھی جس میں موٹرسائیکل سوار 2 ملزمان کو دکان کے سامنے رکتے اور ایک کو دکان میں داخل ہوکر فائرنگ کرتے ہوئے دیکھا جاسکتا تھا، موٹرسائیکل چلانے والے ملزم نے ہلمٹ پہن رکھا تھا جبکہ فائرنگ کرنے والا ملزم نقاب پوش تھا، جس نے دکان میں داخل ہوتے ہی فائر کرنے کی کوشش کی مگر چیمبر پھنسنے کے سبب گولی نہیں چلی تو ملزم نے نوجوانوں سے موبائل نکالنے کا مطالبہ کیا اور اس دوران پھنسا ہوا چیمبر ٹھیک کرنے کی کوشش کرتا رہا ہے اور چیمبر ٹھیک ہوتے ہی ملزم نے فائرنگ کردی اور موبائل فون لیے بغیر موقع واردات سے فرار ہوگیا۔ پولیس نے ابتداتی طور پر واقعے کے ٹارگٹ کلنگ ہونے کا شبہ ظاہر کیا تھا۔
جمعرات کو کراچی میں پریس کانفرنس کرتے ہوئے ڈی آئی جی غلام اظفر مہیسر نے بتایا کہ کالعدم سپاہ صحابہ کے کارکنوں کی حالیہ ٹارگٹ کلنگ کے الزام میں گرفتار ملزمان اسرار حسین گلگتی اور معصوم رضا عرف عامر کا تعلق زینبیون سے ہے، ملزمان سے 2 ہینڈ گرنیڈ اور 2 پستولیں برآمد ہوئیں۔ ڈی آئی جی غلام اظفر مہیسر نے بتایا کہ ملزم معصوم 20 روز قبل پاکستان آیا تھا، ملزم کے قبضے سے فہرست بھی ملی ہے جس میں مزید اہداف تھے، ملزمان ناگن چورنگی کے قریب عبدالرحمٰن اور انس الرحمٰن کی ٹارگٹ کلنگ میں ملوث ہیں۔ ڈی آئی جی سی ٹی ڈی کا کہنا ہے کہ ناگن چورنگی پر ٹارگٹ کلنگ واقعے کی سی سی ٹی وی حاصل کی گئی ہے، گرفتار ملزمان کا ناگن چورنگی پر ہونے والے واقعے سے کوئی تعلق نہیں ہے۔ انہوں نے کہا کہ سی سی ٹی وی کی مدد سے ملزمان کی گرفتاری کی کوشش کر رہے ہیں، پولیس کلنگز سے متعلق مختلف واقعات کے حوالے سے اہم پیش رفت جلد سامنے آئے گی۔ انہوں نے بتایا کہ سی ٹی ڈی نے حال ہی میں 32 انٹیلیز جنس بیس آپریشن کیے ہیں، ہمیں کچھ ہتھیاروں سے متعلق بھی معلومات مل گئی ہیں۔
ذریعہ
ذریعہ: Islam Times
کلیدی لفظ: ناگن چورنگی پر ٹارگٹ کلنگ سی سی ٹی ڈی آئی جی سی ٹی ڈی کی کوشش
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع