قطر نے پاکستان میں 3 ارب ڈالر کی سرمایہ کاری کا اعادہ کر دیا، اقتصادی اور تکنیکی تعاون کے کئی معاہدے طے پا گئے
اشاعت کی تاریخ: 23rd, October 2025 GMT
اسلام آباد میں پاکستان اور قطر کے درمیان چھٹے مشترکہ وزارتی کمیشن کا اجلاس منعقد ہوا جس کی صدارت وزیرِ تجارت جام کمال خان اور قطری وزیرِ تجارت شیخ فیصل بن ثانی نے کی۔ اس اجلاس میں قطر نے پاکستان میں 3 ارب ڈالر کی سرمایہ کاری کرنے کا پرعزم اعادہ کیا اور دونوں ممالک کے درمیان اقتصادی و تکنیکی تعاون کے متعدد پروٹوکولز پر دستخط ہوئے۔
وزارت اقتصادی امور کے ترجمان نے بتایا کہ اس موقع پر دونوں ملکوں نے سرمایہ کاری کے فروغ کے لیے قوی روابط قائم کرنے پر اتفاق کیا۔ اس کے علاوہ ثقافت اور میڈیا کے شعبوں میں ’’ایئر آف کلچر‘‘ پروگرام شروع کرنے کا بھی منصوبہ بنایا گیا ہے تاکہ فلم، ڈرامہ اور ثقافتی سرگرمیوں کی مشترکہ پیداوار کو فروغ دیا جا سکے۔
اجلاس میں برقی، خودکار اور ہائیڈروجن گاڑیوں کی ٹیکنالوجی میں تعاون، اور موٹروے و انفراسٹرکچر منصوبوں میں قطر کی سرمایہ کاری کے امکانات پر بھی غور کیا گیا۔ مزید برآں، پاکستان اور قطر کی ایوی ایشن اتھارٹیز کے درمیان جلد مشاورتی اجلاس بلانے کا فیصلہ کیا گیا۔
تعلیم و تربیت کے شعبے میں بھی تعاون کو بڑھانے کے لیے ایگزیکٹو پروگرام تیار کرنے پر اتفاق ہوا، جبکہ سائنس و ٹیکنالوجی کے پارکس اور اسپیشل ٹیکنالوجی زونز کے درمیان شراکت داری کو بھی تقویت دینے پر زور دیا گیا۔
ترجمان نے یہ بھی بتایا کہ ہنرمند پاکستانیوں کی قطر میں تعیناتی کے لیے نئے لیبر ایم او یو کی تیاری پر بات چیت جاری ہے تاکہ روزگار کے نئے مواقع پیدا کیے جا سکیں۔
دونوں ممالک نے اس مشترکہ وزارتی کمیشن کے فیصلوں پر عمل درآمد کے لیے قریبی رابطے جاری رکھنے پر بھی اتفاق کیا ہے۔
ذریعہ: Daily Mumtaz
کلیدی لفظ: سرمایہ کاری کے درمیان کے لیے
پڑھیں:
پاکستان پر عالمی اعتماد میں اضافہ، 7 ماہ میں 14 غیر ملکی کمپنیز کی سرمایہ کاری
پاکستان پر عالمی اعتماد مضبوط ہونے لگا، سات ماہ میں 14 غیر ملکی کمپنیز نے سرمایہ کاری کی۔عالمی کمپنیز سے سرمایہ کاری کی تفصیلات سکیورٹی ایکسچینج کمیشن آف پاکستان نے جاری کر دیں، پاکستان میں عالمی کمپنیز کی سرمایہ کاری میں سب سے بڑا حصہ چین کا 67 فیصد رہا۔ایس ای سی پی کے مطابق پاکستان میں 618 نئی کمپنیز میں 1 ارب 10 کروڑ روپے کی غیر ملکی سرمایہ کاری ہوئی، چین، ڈنمارک، ہانگ کانگ، جاپان، سنگاپور اور ترکیہ کی کمپنیوں نے کمیشن میں رجسٹریشن کی۔سکیورٹی ایکسچینج کمیشن آف پاکستان کے مطابق یو اے ای، سپین، امریکا، کینیڈا، جرمنی، ملائیشیا کی کمپنیوں نے بھی رجسٹریشن کی۔
حیدرآباد: مقامی اسکول میں کلچر ڈے کے حوالے سے منعقدہ تقریب میں بچے ٹیبلو پیش کررہے ہیں