کراچی فش ہاربر پر ماہی گیروں کے مسائل ترجیحی بنیادوں پر حل کرنے کا فیصلہ
اشاعت کی تاریخ: 29th, October 2025 GMT
سندھ حکومت نے کراچی فش ہاربر پر ماہی گیروں کو درپیش مسائل ترجیحی بنیادوں پر حل کرنے کا فیصلہ کر لیا ہے۔
صوبائی وزیر برائے لائیو اسٹاک و فشریز محمد علی ملکانی نے کہا کہ ماہی گیروں کو آئین کے مطابق تمام حقوق اور سہولیات فراہم کی جائیں گی۔ ان کے مطابق حکومت اس بات کے لیے پرعزم ہے کہ فش ہاربر پر ماہی گیر طبقہ اپنے روزگار کے دوران درپیش مشکلات سے جلد نجات حاصل کرے۔
یہ بات انہوں نے فشرمین کوآپریٹو سوسائٹی (FCS) کی چیئرپرسن فاطمہ مجید کے ساتھ ایک اعلیٰ سطحی اجلاس کے دوران کہی۔ اجلاس میں سیکریٹری لائیو اسٹاک اینڈ فشریز ڈاکٹر کاظم حسین جتوئی، ایم ڈی کراچی فشریز ہاربر اتھارٹی زاہد کھمیٹیو سمیت ایف سی ایس اور ہاربر اتھارٹی کے اعلیٰ افسران بھی شریک تھے۔
اجلاس میں فاطمہ مجید نے ماہی گیروں کو فیسوں میں رعایت دینے کی درخواست کی، جس پر صوبائی وزیر نے کہا کہ یہ معاملہ کراچی فش ہاربر اتھارٹی کے بورڈ میں پیش کیا جائے تاکہ بورڈ کے قواعد و ضوابط کے مطابق رعایت پر غور کیا جا سکے۔
محمد علی ملکانی نے حکام کو ہدایت دی کہ ماہی گیروں کو درپیش مسائل کی فوری تحقیقات کی جائیں اور ان کے حل کے لیے عملی اقدامات کیے جائیں، تاکہ وہ اپنی شکار کی گئی مچھلی کو مارکیٹ تک با آسانی پہنچا سکیں۔
انہوں نے کہا کہ حکومت ماہی گیروں کو ہر ممکن سہولت فراہم کرے گی تاکہ وہ اپنا شکار اور روزگار اطمینان کے ساتھ جاری رکھ سکیں۔
ذریعہ: Daily Mumtaz
کلیدی لفظ: ماہی گیروں کو فش ہاربر کراچی فش
پڑھیں:
بجلی کی قیمت میں 15 روپے فی یونٹ کمی
ویب ڈیسک: حکومتِ پاکستان نے صنعتی شعبے کیلئے ایک بڑا اور تاریخی فیصلہ کرتے ہوئے بجلی کی قیمت میں 15 روپے فی یونٹ کی نمایاں کمی کر دی ہے۔ اس فیصلے کے بعد صنعتوں کیلئے بجلی کا نیا نرخ 38 روپے فی یونٹ سے کم ہو کر 23 روپے فی یونٹ مقرر کر دیا گیا ہے۔
وزیر خزانہ کے مشیر خرم شہزاد نے سماجی رابطوں کی ویب سائٹ پر جاری اپنے پیغام میں کہا کہ اس فیصلے سے نہ صرف کاروباری لاگت میں نمایاں کمی آئے گی بلکہ سرمایہ کاری کے نئے دروازے کھلیں گے اور روزگار کے بے شمار مواقع پیدا ہوں گے۔
ہنڈائی ٹکسن ہائبرڈ بغیر سود کے آسان اقساط میں حاصل کریں
ان کا کہنا تھا کہ حکومت کا واضح ہدف پاکستان میں معاشی ترقی، سرمایہ کاری میں اضافہ، اور روزگار کے مواقع پیدا کرنا ہے تاکہ عام آدمی کو براہ راست فائدہ پہنچایا جا سکے۔
حکومت نے معیشت کے استحکام کیلئے سود کی شرح میں واضح کمی کی ہے جبکہ کاروباری طبقے کیلئے سرمائے تک رسائی بھی آسان بنا دی گئی ہے۔ ان کے مطابق ٹیکس کے ڈھانچے میں بنیادی اصلاحات جاری ہیں اور تنخواہ دار طبقے کے ساتھ ساتھ کارپوریٹ سیکٹر کیلئے بھی ریلیف پیکیجز متعارف کرائے گئے ہیں تاکہ مجموعی معیشت میں بہتری آئے۔
برائلر مرغی کے گوشت کی قیمت میں حیران کن کمی
مشیر خزانہ نے یہ بھی بتایا کہ حکومت غیر دستاویزی معیشت کو رسمی دائرے میں لانے کیلئے بھرپور اقدامات کر رہی ہے، جس سے ٹیکس کی وصولی، تعمیل اور نفاذ کے نظام میں خاطر خواہ بہتری آئے گی۔
انہوں نے کہا کہ حکومت ریگولیٹری فریم ورک میں بھی نرمی لا رہی ہے تاکہ کاروباری طبقے کو غیر ضروری رکاوٹوں اور پیچیدہ منظوری کے مراحل سے نجات دلائی جا سکے۔
خرم شہزاد کے مطابق موجودہ حکومت کی پالیسیوں کا بنیادی مقصد یہ ہے کہ صنعتی پیداوار میں اضافہ ہو، برآمدات بہتر ہوں اور پاکستان کے نوجوانوں کیلئے روزگار کے زیادہ مواقع پیدا کیے جا سکیں۔ ان کا کہنا تھا کہ سرمایہ کاروں کا اعتماد بحال ہو رہا ہے اور ملکی معیشت اب بتدریج بہتری کی سمت گامزن ہے۔
بالی ووڈاداکار کا موت سے پہلے کیا گیا ٹوئٹ وائرل
لاہور میں مذہبی جماعت کے 954 پرتشدد مظاہرین گرفتار، جدید ٹیکنالوجی سے شناخت ممکن