پاکستان نے بھارت کو 4 دن کی جنگ میں سبق سکھایا، وزیراعظم شہباز شریف
اشاعت کی تاریخ: 29th, October 2025 GMT
فوٹو: اسکرین گریب
وزیراعظم شہباز شریف نے کہا ہے کہ پاکستان نے بھارت کو 4 دن کی جنگ میں سبق سکھایا۔
اسلام آباد میں ترکیہ کے 102ویں قومی دن کے موقع پر تقریب سے خطاب میں شہباز شریف نے کہا کہ بھارت کے ساتھ جنگ کے دوران طیب اردوان پاکستان کے ساتھ کھڑے رہے۔ پاکستان اور بھارت کے درمیان جنگ 4 دن جاری رہی، جنگ کے دوران بھارت کو سبق سکھایا گیا۔
وزیراعظم نے مزید کہا کہ ترک صدر دنیا میں ترقی، استقلال اور قیادت کی روشن مثال بن چکے ہیں، ترکیہ کے عوام کو قومی دن کی مبارک باد پیش کرتے ہیں۔
اُن کا کہنا تھا کہ اسلام آباد میں پاکستان اور ترکیہ کے پرچم لہرا رہے ہیں، ترکیہ کی ترقی اور خوشحالی کا سفر قابل فخر کامیابیوں سے عبارت ہے۔
شہباز شریف نے یہ بھی کہا کہ ترک صدر کی غیرمعمولی قیادت کے باعث ترکیہ جدت، تہذیب، ثقافت کا امتزاج بن چکا ہے۔
انہوں نے کہا کہ جنگ ہو، سیلاب ہو یا قدرتی آفات ہوں، ترکیہ ہمیشہ پاکستان کے ساتھ کھڑا رہا ہے۔
.ذریعہ: Jang News
کلیدی لفظ: شہباز شریف کہا کہ
پڑھیں:
وہ دن دور نہیں جب کشمیر کو آزادی نصیب ہوگی، وزیراعظم شہباز شریف
وزیراعظم محمد شہباز شریف نے کہا کہ بھارت نے ظالمانہ قوانین نافذ کر کے کشمیریوں کی سیاسی آواز کو دبانے اور ان کی آزادی کی جدوجہد کو کچلنے کے لیے ایک منظم مہم شروع کر رکھی ہے۔ لیکن وہ دن دور نہیں جب کشمیر کو آزادی نصیب ہوگی، ان شاء اللہ۔
27 اکتوبر کو منعقدہ یوم سیاہ کے موقع پر وزیراعظم شہباز شریف نے سماجی رابطے کے پلیٹ فارم ’ایکس‘(سابقہ ٹوئٹر) پر ایک پوسٹ کے ذریعے کہا کہ ہر سال 27 اکتوبر کا دن کشمیر کی تاریخ کے سیاہ ترین دن کے طور پر یاد کیا جاتا ہے۔ آج سے 78 سال قبل اسی روز بھارتی قابض افواج سری نگر میں داخل ہوئیں اور وادی کو غیر قانونی طور پر اپنی تحویل میں لے لیا۔ انسانی تاریخ کا وہ الم ناک باب جو آج تک جاری ہے۔
یہ بھی پڑھیے مسئلہ کشمیر کا پرامن حل ہی جنوبی ایشیا کے پائیدار امن کی کلید ہے، وزیراعظم شہباز شریف
’اس منحوس دن کے بعد سے بھارت نے کشمیری عوام کو ان کا وہ ناقابلِ تنسیخ حقِ خودارادیت دینے سے مسلسل انکار کیا ہے، جو اقوامِ متحدہ کی متعدد قراردادوں میں واضح طور پر تسلیم کیا جا چکا ہے۔‘
کشمیری عوام کے عزم و حوصلے کو سلاموزیراعظم نے کہا کہ قریباً 8 دہائیوں سے بھارت کے زیرِ قبضہ جموں و کشمیر کے عوام ظلم و جبر، تشدد اور ناانصافی کا سامنا کر رہے ہیں۔
’پاکستان کشمیری عوام کے عزم، حوصلے اور استقامت کو خراجِ تحسین پیش کرتا ہے، جو خوف، پابندیوں اور ریاستی جبر کے باوجود اپنی آزادی کے جائز اور فطری حق کے حصول کے لیے پرعزم ہیں۔‘
انہوں نے کہا کہ بھارت نے 5 اگست 2019 کو اپنے غیر قانونی اور یکطرفہ اقدامات کے ذریعے مقبوضہ جموں و کشمیر کی آبادیاتی ساخت اور سیاسی حیثیت کو بدلنے کی کوشش کی۔
ان اقدامات کے بعد انسانی حقوق کی پامالیوں میں بے پناہ اضافہ ہوا، جبکہ نقل و حرکت اور اظہارِ رائے کی آزادی پر بھی سخت پابندیاں عائد کی گئیں۔
Every year the 27th of October marks the darkest day in the history of Kashmir. It was on this day, seventy-eight years ago, that the Indian Occupation Forces landed in Srinagar and annexed it – a tragic chapter in human history that continues to this day. Ever since that fateful…
— Shehbaz Sharif (@CMShehbaz) October 27, 2025
’بھارت نے ظالمانہ قوانین نافذ کر کے کشمیریوں کی سیاسی آواز کو دبانے اور ان کی آزادی کی جدوجہد کو کچلنے کے لیے ایک منظم مہم شروع کر رکھی ہے۔‘
انہوں نے کہا کہ متعدد ممتاز کشمیری رہنماؤں، کارکنوں اور صحافیوں کو جھوٹے مقدمات میں قید رکھنا اس انتہا پسند بھارتی ایجنڈے کی بدترین مثال ہے، جو بین الاقوامی انسانی حقوق کی کھلی خلاف ورزی ہے۔
پاکستان کا مؤقف واضح، اصولی اور مستقلوزیراعظم شہباز شریف نے کہا کہ پاکستان نے ہمیشہ ان غیر قانونی بھارتی اقدامات کی سخت مذمت کی ہے جو بین الاقوامی قوانین اور اقوامِ متحدہ کی قراردادوں کی صریح خلاف ورزی ہیں۔
یہ بھی پڑھیے کشمیریوں کے ساتھ پاکستان کی کمٹمنٹ الفاظ میں بیان نہیں کی جاسکتی، وزیراعظم شہباز شریف
’پاکستان کا مؤقف واضح، اصولی اور غیر متزلزل ہے کہ جنوبی ایشیا میں پائیدار امن و استحکام تبھی ممکن ہے جب جموں و کشمیر کے تنازعے کا منصفانہ اور پُرامن حل کشمیری عوام کی امنگوں اور اقوامِ متحدہ کی قراردادوں کے مطابق نکالا جائے۔‘
پاکستان کشمیری عوام کے ساتھ کھڑا ہےانہوں نے کہا کہ پاکستان کے 240 ملین عوام اپنے کشمیری بھائیوں اور بہنوں کے ساتھ مکمل یکجہتی میں کھڑے ہیں۔
’ہم انہیں یقین دلاتے ہیں کہ وہ اپنی جدوجہد میں اکیلے نہیں۔ پاکستان کشمیر کاز کے لیے اپنی حمایت اور وابستگی سے کبھی پیچھے نہیں ہٹے گا، یہاں تک کہ انصاف ہو جائے اور عالمی برادری کا کیا ہوا وعدہ حقِ خودارادیت پورا ہو جائے۔ ان شاء اللہ، وہ دن دور نہیں جب کشمیر کو آزادی نصیب ہوگی۔ ‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزیراعظم شہباز شریف یوم سیاہ جموں و کشمیر
گزشتہ سہ ماہی میں 1.10 ٹریلین کی ریکوری قومی خزانے کی آمدنی میں بے مثال اضافہ ہے، نیب