بلوچستان میں ایک ماہ کیلیے دفعہ 144 نافذ، احتجاج اور اسلحے کی نمائش پر پابندی
اشاعت کی تاریخ: 6th, November 2025 GMT
کوئٹہ:صوبے میں امن و امان کی بگڑتی ہوئی صورت حال کے پیش نظر محکمہ داخلہ بلوچستان نے صوبے بھر میں ایک ماہ کے لیے دفعہ 144 نافذ کرنے کا اعلان کر دیا ہے، اس حوالے سے جاری کردہ نوٹیفکیشن کے مطابق، 6 نومبر 2025 سے نافذ ہونے والا یہ حکم نامہ ایک ماہ تک مؤثر رہے گا۔
نوٹیفکیشن کے مطابق صوبے میں اب کسی بھی قسم کے جلسے، جلوس، ریلی، احتجاج یا سیاسی اجتماع کے انعقاد پر مکمل پابندی عائد کر دی گئی ہے، اس کے ساتھ ہی پانچ یا اس سے زائد افراد کے ایک جگہ جمع ہونے پر بھی سختی سے پابندی ہوگی۔
مزید برآں اسلحہ لے کر چلنے اور اس کی نمائش پر مکمل پابندی عائد کر دی گئی ہے جب کہ قانون نافذ کرنے والے اداروں کو ہدایت کی گئی ہے کہ وہ دفعہ 144 کی خلاف ورزی کرنے والوں کے خلاف فوری کارروائی کریں۔
محکمہ داخلہ بلوچستان کے ترجمان کا کہنا ہے کہ یہ اقدام صوبے میں امن و امان کی صورتحال بہتر بنانے اور ممکنہ دہشت گردی کے خطرات سے نمٹنے کے لیے اٹھایا گیا ہے ، حساس اضلاع میں سیکیورٹی اداروں کو الرٹ کر دیا گیا ہے تاکہ کسی بھی ناخوشگوار واقعے کو بروقت روکا جا سکے۔
یاد رہے کہ گزشتہ چند ماہ کے دوران بلوچستان کے مختلف علاقوں میں سیکیورٹی فورسز پر حملوں اور دہشت گردی کے واقعات میں اضافہ دیکھنے میں آیا ہے، جس کے بعد صوبائی حکومت نے انتظامی اور حفاظتی اقدامات میں سختی لانے کا فیصلہ کیا ہے۔
حکام کے مطابق اگر حالات معمول پر نہ آئے تو دفعہ 144 کی مدت میں مزید توسیع کا امکان بھی رد نہیں کیا جا سکتا۔
.
ذریعہ
ذریعہ: Al Qamar Online
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم