اسلام آباد میں خصوصی عدالتوں اور ٹریبونلز کی تشکیل پر اہم فیصلہ جاری
اشاعت کی تاریخ: 12th, November 2025 GMT
اسلام آباد ہائیکورٹ نے خصوصی عدالتوں اور ٹریبونلز کی تشکیل و تعیناتی کے حوالے سے اہم فیصلہ جاری کر دیا۔
جسٹس بابر ستار نے 73 صفحات پر مشتمل تفصیلی فیصلہ تحریر کیا، جس میں وکیل عمار سہری کی درخواست منظور کرلی گئی۔
فیصلے میں کہا گیا ہے کہ اسلام آباد میں عدالتی افسران کی تقرری کے لیے ایگزیکٹو اور عدلیہ کے درمیان مشاورت لازمی ہوگی۔ عدالتی افسران اپنی خدمات کے دوران آزادانہ، غیرجانبدارانہ اور بیرونی دباؤ سے آزاد ہوکر اختیارات استعمال کریں گے۔
عدالت نے قرار دیا کہ وفاقی حکومت عدالتی افسران کی تقرری یا برطرفی کے اختیارات اسلام آباد ہائیکورٹ سے مشاورت کے بعد ہی استعمال کرسکے گی۔ سپریم کورٹ یا ہائیکورٹ کی مشاورت کے بغیر کی جانے والی تقرری غیر قانونی تصور ہوگی۔
فیصلے میں کہا گیا کہ اسلام آباد میں صوبائی عدلیہ سے ڈیپوٹیشن پر لائے گئے افسران عدلیہ کی خودمختاری کو متاثر کرتے ہیں۔ حکومت کو ہدایت کی گئی کہ عدالتی افسران کی تقرری، مدتِ ملازمت اور برطرفی کے لیے قوانین میں ضروری ترامیم کی جائیں۔
اسلام آباد ہائیکورٹ نے وزارتِ قانون و انصاف اور کابینہ ڈویژن کو فیصلے کی نقول بھجوانے کا حکم بھی دیا۔
عدالت نے فیصلے میں قرار دیا کہ آئین کے آرٹیکل 9 اور 25 کے تحت شہریوں کو انصاف تک رسائی ایک بنیادی اور ناقابلِ تنسیخ حق ہے۔ ریاست کے تینوں ستون مقننہ، انتظامیہ اور عدلیہ ایک دوسرے سے آزاد ہیں، اور کسی کو دوسرے پر بالادستی حاصل نہیں۔
فیصلے کے مطابق، کوئی بھی قانون یا انتظامی عمل جو عدلیہ کی آزادی کو متاثر کرے، وہ آئین سے متصادم اور باطل ہے، جبکہ ماتحت عدلیہ بھی اعلیٰ عدلیہ کی طرح آئینی تحفظ کی حقدار ہے۔
.ذریعہ: Express News
کلیدی لفظ: عدالتی افسران اسلام آباد
پڑھیں:
اسلام آباد پولیس کے تمغہ غازی اور تمغہ شجاعت حاصل کرنے والے پولیس افسران کے اعزاز میں پولیس لائنز میں پروقار تقریب
اسلام آباد پولیس کے تمغہ غازی اور تمغہ شجاعت حاصل کرنے والے پولیس افسران کے اعزاز میں پولیس لائنز میں پروقار تقریب WhatsAppFacebookTwitter 0 9 November, 2025 سب نیوز
اسلام آباد (سب نیوز)وفاقی پولیس کے تمغہ غازی اور تمغہ شجاعت حاصل کرنے والے پولیس افسران کے اعزاز میں پولیس لائنز میں پروقار تقریب ،سپیشل برانچ کے انسپکٹر مرزا جاوید اقبال بیگ صاحب کو تمغہ غازی سے نوازتے ہوئے سپیشل برانچ تعیناتی کے دوران ان کی گراں قدر خدمات کو سراہا گیاپولیس لائن ہیڈ کوارٹرز میں غازی اور شجاعت کی تقریب کا انعقاد کیا گیا۔
آئی جی اسلام آباد سید علی ناصر رضوی نے بطور مہمان خصوصی شرکت کی۔تقریب میں سینئر افسران کے علاہ ، تمغہ غازی اور تمغہ شجاعت حاصل کرنے والوں کے ساتھ انکے اہلخانہ نے بھی شرکت کی ۔ تقریب میں ان پولیس افسران کی قربانیوں اور بہادری کو خراج تحسین پیش کیا گیا۔ 21 پولیس افسران کو شجاعت جبکہ 15 پولیس افسران کو غازی میڈلز اور تعریفی اسناد کے علاہ نقد انعامات سے نوازا گیا ۔سپیشل برانچ کے انسپکٹر جاوید اقبال بیگ کو فرائض کی بہترین ادائیگی پر تمغہ “غازی” سے نوازا گیااس موقع پر سید علی ناصر رضوی آئی جی پولیس اسلام آباد نے اپنے خطاب میں کہا کہ اسلام آباد پولیس کے یہ افسران فرض کی ادائیگی میں اپنی جانوں کی پرواہ نہ کرتے ہوئے زخمی ہوئے۔
اسلام آباد پولیس کے غازی اور شجاعت کا تمغہ حاصل کرنے والے نڈر اور قوم کا قیمتی سرمایہ ہیں ۔ ملک و قوم کے لئے قربانی دینے والوں کے خاندان بھی قابل احترام ہیں، اپنے آج کو دوسروں کے کل پر قربان کرنے والوں کو تاریخ ہمیشہ یاد رکھے گی۔یہ وہ سرمایہ ہیں جنہوں نے بہادری کی عظیم داستان قائم کی ہے، آج اس تقریب میں شامل ہو کر مجھے فخر محسوس ہو رہا ہے، سلام ان ماں اور بزرگوں کو جنہوں نے ان کی تربیت کی ہے۔ اسلام آباد پولیس کی تمام فورس ان بہادروں کو سلام پیش کرتی ہے ۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعلی خیبرپختونخوا سہیل آفریدی کیخلاف متنازع بیان دینے پر پیکا ایکٹ کے تحت مقدمہ درج وزیراعلی خیبرپختونخوا سہیل آفریدی کیخلاف متنازع بیان دینے پر پیکا ایکٹ کے تحت مقدمہ درج مشترکہ پارلیمانی کمیٹی نے 27ویں آئینی ترمیم کامسودہ منظور کرلیا،بل کل سینیٹ میں پیش کیا جائیگا چیئرمین سی ڈی اے کی ہدایت پر تجاوزات کے خاتمے کیلئے بھرپور آپریشن جاری ترمیم سے عدلیہ کی آزادی پر حملہ کیا گیا،804تسبیح والا آئیگا اور تمام ترامیم ملیا میٹ ہوجائیں گی، سینیٹر نور الحق قادری جنرل شمشاد مرزا کا دورہ سعودی عرب، کنگ عبدالعزیز میڈل آف آنر سے نواز گیا آئینی ترمیم ، حکومت نے اتحادی جماعتوں کی تجاویز پر کل تک کی مہلت مانگ لیCopyright © 2025, All Rights Reserved
رابطہ کریں ہماری ٹیم
تہاڑ جیل میں کشمیری لیڈر و رکن پارلیمنٹ انجینیئر عبدالرشید پر حملہ