تعلقات میں استحکام کیلئے پُرعزم ہیں، سید عباس عراقچی کا عراق میں انتخابات کیبعد بغداد کو پیغام
اشاعت کی تاریخ: 14th, November 2025 GMT
اپنے ایک ٹویٹ میں ایرانی وزیر خارجہ کا کہنا تھا کہ یہ انتخابات، عراق میں جمہوریت کے عمل کو مضبوط بنانے اور اس کی خودمختاری و سلامتی کی حفاظت کی سمت میں ایک اہم قدم تھے۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" نے انتخابات کے کامیاب انعقاد پر عراقی حکومت و عوام کو مبارک پیش کی۔ انہوں نے سماجی رابطے کی سائٹ ایکس پر انگریزی زبان میں ایک ٹویٹ پوسٹ کیا، جس میں انہوں نے کہا کہ برادر عراقی حکومت و عوام کو کامیاب اور پُرامن پارلیمانی انتخابات کے بہترین انتظام پر مبارک باد۔ ایرانی وزیر خارجہ نے مزید کہا کہ یہ انتخابات، عراق میں جمہوریت کے عمل کو مضبوط بنانے اور اس کی خودمختاری و سلامتی کی حفاظت کی سمت میں ایک اہم قدم تھے۔ انہوں نے یقین دلایا کہ اسلامی جمہوریہ ایران، عراق کے ساتھ اپنے دوستانہ تعلقات کو باہمی دلچسپی کے تمام شعبوں میں مزید مضبوط بنانے کا عزم رکھتا ہے۔
دوسری جانب ایرانی وزارت خارجہ کے ترجمان "اسماعیل بقائی" نے بھی گزشتہ شب کامیاب پارلیمانی انتخابات پر عراقی حکومت و عوام کو مبارک باد پیش کی۔ انہوں نے الیکشن میں عوام کی بھرپور شرکت کو سراہا۔ انہوں نے اس امید کا اظہار کیا کہ یہ انتخابات دوست اور پڑوسی ملک عراق میں مزید استحکام، سلامتی اور ترقی کی راہ ہموار کریں گے۔
ذریعہ: Islam Times
کلیدی لفظ: انہوں نے
پڑھیں:
امریکا نے عراق کی پارلیمانی انتخابات کی کامیابی پر مبارکباد دی
data-id="863a0a8" data-element_type="widget" data-widget_type="theme-post-content.default">
واشنگٹن: امریکا کے خصوصی ایلچی برائے عراق مارک ساوایا عراق کی پارلیمانی انتخابات کی کامیاب تکمیل پر ملک کی عوام کو مبارکباد دی۔
غیر ملکی میڈیا رپورٹس کےمطابق ساوایا نے ایک سرکاری بیان میں کہا کہ یہ انتخابات عراق میں جمہوریت اور استحکام کو مضبوط کرنے کی جانب اہم قدم ہیں، انہوں نے وزیراعظم محمد شیا السودانی کی حکومت کی تعریف کی کہ انہوں نے انتخابات کو وقت پر اور شفاف طریقے سے کرایا، جس سے ظاہر ہوتا ہے کہ عراق ترقی اور خود مختاری کی جانب بڑھ رہا ہے۔
امریکا کے ایلچی نے مزید کہا کہ واشنگٹن عراق کی خود مختاری اور اصلاحات کی حمایت جاری رکھے گا اور نئی حکومت کے ساتھ سیکیورٹی، توانائی اور ترقی کے شعبوں میں اپنے اسٹریٹجک تعلقات کو مضبوط کرنے کے لیے تیار ہے۔
عراق میں انتخابات 11 نومبر کو ہوئے، جن میں ووٹر ٹرن آؤٹ 56.11 فیصد رہا۔ انتخابات میں 7,743 امیدوار میدان میں تھے، جن میں 2,247 خواتین بھی شامل تھیں۔ وزیراعظم السودانی کی قیادت میں تعمیر و ترقی اتحاد نے نو صوبوں، بشمول دارالحکومت بغداد، میں پہلی پوزیشن حاصل کی۔
عراق میں روایتی طور پر اہم سیاسی طاقتیں کمیونٹی کی بنیاد پر تقسیم ہوتی ہیں: صدر کا عہدہ کرد کمیونٹی کے لیے، وزیراعظم کا عہدہ شیعہ کمیونٹی کے لیے، اور اسپیکر پارلیمنٹ کا عہدہ سنی کمیونٹی کے لیے مخصوص ہوتا ہے۔
کراچی، عمرہ ویزے کی آڑ میں اٹلی جانے کی کوشش ناکام، 5 مسافر گرفتار