بھارت نے اسرائیلی میزائلوں کی نئی کھیپ خریدنے کی کوششیں تیز کر دیں
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
اسرائیل نے حالیہ معرکۂ حق میں پاکستان کے ہاتھوں شکست کے بعد اپنی دفاعی صلاحیتوں میں تیزی سے اضافہ کرنے کی کوششیں تیز کر دی ہیں اور بالخصوص جدید میزائل ٹیکنالوجی کی خریداری اور مقامی تیاری میں گہری دلچسپی ظاہر کی ہے۔
اسرائیلی میڈیا کے مطابق اسرائیل کی وزارتِ دفاع کے ڈائریکٹر جنرل، جنرل (ر) امیر بارام نے گزشتہ ہفتے بھارتی سیکریٹری دفاع راجیش کمار سنگھ کے ساتھ دفاعی تعاون کو مزید وسعت دینے کے لیے ایک اہم مفاہمتی یادداشت (MoU) پر دستخط کیے۔ اس پیش رفت کے فوراً بعد بھارتی وزارتِ دفاع کا ایک اعلیٰ سطحی وفد اسرائیل پہنچا جس کا مقصد میزائل ٹیکنالوجی سے متعلق متعدد معاہدوں کو حتمی شکل دینا تھا۔
رپورٹس کے مطابق طے کیے جانے والے معاہدوں کے تحت بھارت اسرائیلی کمپنی اسرائیل ایروسپیس انڈسٹریز (IAI) کے ایئر لانگ رینج آرٹلری سسٹم Air LORA بلیسٹک میزائل اور رافیل ایڈوانسڈ ڈیفنس سسٹمز کے Ice Breaker کروز میزائل نہ صرف خرید سکے گا بلکہ دونوں میزائلوں کی مقامی سطح پر تیاری بھی بھارت میں ممکن بنائی جائے گی۔
Air LORA میزائل طویل فاصلے تک انتہائی درست نشانہ لگانے کی صلاحیت رکھتا ہے، جسے دشمن کے میزائل بیسز، فوجی تنصیبات اور ائیر ڈیفنس سسٹمز کو تباہ کرنے کے لیے استعمال کیا جاتا ہے۔ 400 کلومیٹر تک رینج، 1600 کلوگرام وزن اور سپرسونک رفتار اس میزائل کو میدانِ جنگ میں ایک خطرناک ہتھیار بناتے ہیں۔
بین الاقوامی تحقیقاتی ادارے اسٹاک ہوم انٹرنیشنل پیس ریسرچ انسٹیٹیوٹ (SIPRI) کی رپورٹ کے مطابق بھارت گزشتہ برسوں میں اسرائیلی دفاعی مصنوعات کا سب سے بڑا خریدار رہا ہے، اور 2020 سے 2024 کے دوران اسرائیل کی مجموعی دفاعی برآمدات کا تقریباً 34 فیصد حصہ بھارت کو فراہم کیا گیا۔
اس تازہ پیش رفت سے اندازہ ہوتا ہے کہ اسرائیل خطے میں اپنی دفاعی برتری برقرار رکھنے کے لیے بھارت کے ساتھ عسکری شراکت داری کو ایک نئے مرحلے میں داخل کر رہا ہے۔
ذریعہ
ذریعہ: Jasarat News
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ