اساتذہ کے معاملے پر چیف سیکرٹری سے بات کرینگے، حفیظ الرحمن
اشاعت کی تاریخ: 29th, November 2025 GMT
گلگت بلتستان ٹیچرز ایسوسی ایشن کے وفد نے سابق وزیر اعلی حافظ حفیظ الرحمن سے ملاقات کی، جس میں اساتذہ کو درپیش مسائل خصوصا غیر ضروری شوکاز نوٹسز کے اجرا پر تفصیلی گفتگو کی گئی۔ اسلام ٹائمز۔ گلگت بلتستان ٹیچرز ایسوسی ایشن کے وفد نے سابق وزیر اعلی حافظ حفیظ الرحمن سے ملاقات کی، جس میں اساتذہ کو درپیش مسائل خصوصا غیر ضروری شوکاز نوٹسز کے اجرا پر تفصیلی گفتگو کی گئی۔ ٹیچرز ایسوسی ایشن کے وفد نے سابق وزیر اعلی کو آگاہ کیا کہ متعدد اساتذہ کو عجلت میں اور بغیر کسی سنوائی کے شوکاز نوٹسز جاری کیے گئے ہیں، جس کی وجہ سے تعلیمی ماحول متاثر ہو رہا ہے اور اساتذہ میں بے چینی پائی جاتی ہے۔ سابق وزیر اعلی حافظ حفیظ الرحمن نے وفد کو یقین دہانی کرائی کہ وہ اس معاملے پر چیف سیکرٹری گلگت بلتستان سے از خود ملاقات کریں گے تاکہ اساتذہ کو غیر ضروری دباؤ اور اضطرابی کیفیت سے نکالا جا سکے۔ انہوں نے کہا کہ اساتذہ قوم کے معمار ہیں اور ان کے وقار، تحفظ اور مسائل کا حل اولین ترجیح ہونی چاہیے۔ ملاقات میں دیگر اساتذہ کے مطالبات اور مسائل پر بھی بات چیت کی گئی، جن میں سروس سٹرکچر، اپ گریڈیشن، مراعات اور دیگر حقوق شامل تھے۔ حافظ حفیظ الرحمن نے یقین دلایا کہ وہ ان معاملات کو فیڈرل گورنمنٹ تک پہنچائیں گے اور حل کے لیے سنجیدہ کوششیں کریں گے۔ اساتذہ کے وفد نے ملاقات کو حوصلہ افزا قرار دیتے ہوئے امید ظاہر کی کہ حافظ حفیظ الرحمن اپنی سیاسی بصیرت اور اثر و رسوخ کے ذریعے اساتذہ کے مسائل کو نیشنل اور لوکل سطح پر اجاگر کرنے میں موثر کردار ادا کریں گے۔
.
ذریعہ
ذریعہ: Islam Times
کلیدی لفظ: حافظ حفیظ الرحمن سابق وزیر اعلی اساتذہ کو اساتذہ کے کے وفد نے
پڑھیں:
فلاحی ریاست کا درس دینے والے غریبوں کے وظیفے پر سیخ پا کیوں؟ سعدیہ جاوید
ترجمان سندھ حکومت سعدیہ جاوید(فائل فوٹو)۔ترجمان سندھ حکومت سعدیہ جاوید نے امیر جماعتِ اسلامی حافظ نعیم الرحمٰن کے بیان پر ردِعمل دے دیا۔
ایک بیان میں سعدیہ جاوید کا کہنا ہے کہ فلاحی ریاست کا درس دینے والے آج غریبوں کے وظیفے پر سیخ پا کیوں ہیں؟
ترجمان سندھ حکومت نے کہا کہ حافظ نعیم الرحمٰن کا بیان ان کی سطحی اور غریب دشمن سوچ کا عکاس ہے۔ بے نظیر انکم سپورٹ پروگرام کو فراڈ قرار دینا لاکھوں مستحق خاندانوں کی توہین کے مترادف ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ