آئی ایم ایف کے ساتھ سٹاف لیول معاہدہ ہوچکا ، وفاقی وزیر خزانہ
اشاعت کی تاریخ: 30th, November 2025 GMT
اسلام آباد(ڈیلی پاکستان آن لائن)وفاقی وزیر خزانہ سینیٹر محمد اورنگزیب نے کہا ہے کہ آئی ایم ایف کے ساتھ سٹاف لیول معاہدہ ہوچکا ہے، این ایف سی ایوارڈ کے حوالے سے آئندہ ہفتے اجلاس ہوگا۔اسلام آباد میں پریس کانفرنس کرتے ہوئے وزیر خزانہ محمد اورنگزیب کا کہنا تھا کہ حکومت ڈھانچہ جاتی اصلاحات پر عمل پیرا ہے، اصلاحات کے عمل میں پیش رفت جاری ہے۔
وزیر خزانہ محمد اورنگزیب کا کہنا تھا کہ کلائمیٹ فنانسنگ بہت اہم ہے، مینوفیکچرنگ کے شعبے میں بہتری خوش آئند ہے، پائیدار ترقی کے لیے ادائیگی کا توازن اور کرنٹ اکاؤنٹ اہم ہیں، مجموعی طور پر برآمدات میں پانچ فیصد اضافہ ہوا ہے۔وزیر خزانہ کا کہنا تھا کہ معاشی بہتری کے تسلسل کو برقرار رکھنا ہے،آئی ٹی شعبے میں ماہانہ بنیادوں پر بہتری دیکھی جارہی ہے،ترسیلات زر میں بھی اضافہ ہو رہا ہے، آئی ٹی سیکٹر بہترین کارکردگی پیش کر رہا ہے، حکومت نجی شعبے کی حوصلہ افزائی کر رہی ہے۔ان کا کہنا تھا کہ پالیسی ریٹ کم ہونے کا قرض ادائیگی پر مثبت اثر مرتب ہوا، پانڈا بانڈ کا جلد اجراء کرنے جا رہے ہیں، ہم سب ’’پاکستان فرسٹ‘‘ کے ایجنڈے کو آگے لے کر چل رہے ہیں۔
سی سی ڈی کا منشیات کے خلاف پہلا گرینڈ آپریشن، غازی ککے میں کارروائی جاری
مزید :.ذریعہ: Daily Pakistan
کلیدی لفظ: کا کہنا تھا کہ
پڑھیں:
ایرو اسپیس لوکلائزیشن کے فروغ کیلئے ایک سالہ معاہدہ
data-id="863a0a8" data-element_type="widget" data-widget_type="theme-post-content.default">
کراچی( کامرس ڈیسک)مشرق وسطیٰ و شمالی افریقہ خطہ کے ایوی ایشن سے سب سے بڑے گروپوں میں سے ایک سعودیہ گروپ نے GE ایرو اسپیس((NYSE: GE) کے ساتھ ایک اسٹریٹجک معاہدے کا اعلان کیا ہے تاکہ سعودی عرب کی قومی فضائی کمپنی سعودیہ کی جانب سے 2023میں آرڈر کئے گئے 39بوئنگ 787-9اور 787-10طیاروںمیں GEnx-1B انجن نصب کئے جاسکیں۔اس معاہدے میں انجنوں کی فراہمی، ایک سالہ دیکھ بھال، مرمت، اور اوور ہال (MRO) پروگرام، اور اضافی انجن کی فراہمی بھی شامل ہے۔اس معاہدے میں سعودیہ ٹیکنک، گروپ کی دیکھ بھال اور انجینئرنگ بازو کے ذریعے صلاحیت سازی کے اقدامات کا ایک سلسلہ بھی شامل ہے،جو تکنیکی تربیت اور علم کی منتقلی کے ذریعے مملکت کی ایرو اسپیس مہارت کو بڑھانے اور مقامی بنانے کے لیے ڈیزائن کیا گیا ہے۔اس حوالے سے سعودیہ گروپ کے ڈائریکٹر جنرل انجینئر ابراہیم العمر نے کہا کہ’’GE ایرو اسپیس کے ساتھ یہ اسٹریٹجک شراکت داری نہ صرف گروپ کی طویل فاصلے کی پرواز کی صلاحیت کو تبدیل کرے گی اورہمارے فضائی رابطے کو بڑھائے گی، بلکہ مملکت میں اعلیٰ ٹیکنالوجی کی ایوی ایشن کی مہارت کو مقامی بنانے میں بھی تیزی لائے گی۔اس معاہدے کے ذریعے ہم ان انجنوں کے لیے اندرون ملک تکنیکی صلاحیت کو فروغ دینے کے قابل ہو جائیں گے،جس کیلئے ابھی ہم بیرونی ممالک پر انحصار کرتے ہیں، ہم اس بات کو یقینی بنائیں گے کہ سعودی وڑن 2030 کے تحت سرمایہ کاری، مہارت اور قدر مملکت کے اندر ہی رہے۔‘‘GEnx کے انجن اپنے قابل اعتماد اور جدید میٹیریل کیلئے جانے جاتے ہیں،یہ پرواز کے70ملین سے زائد گھنٹے مکمل کرچکے ہیں اور دنیا میں787طیاروں میں سب سے زیادہ استعمال ہوتے ہیں۔ GE ایرو اسپیس کا سعودی ایرو اسپیس سیکٹر کے ساتھ 40 سال سے زیادہ کا تعلق ہے اور وہ مقامی ہنر کو فروغ دینے اور تکنیکی صلاحیتوں کو مضبوط کرکے وڑن 2030 کو آگے بڑھانے کے لیے سعودی شراکت داروں کے ساتھ تعاون جاری رکھے ہوئے ہے۔ GE ایرو اسپیس اور اس کے مشترکہ منصوبے فی الحال سعودی عرب کے چار سب سے بڑے تجارتی کیریئرز میں زیر استعمال ہیں اور امریکا سے باہر سب سے بڑے F110 بیڑے میں استعمال میں ہیں۔خطے کے سب سے بڑے ایوی ایشن گروپس میں سے ایک کے طور پر سعودیہ گروپ اپنے فضائی بیڑے کی توسیع، نئے بین الاقوامی روٹس اور عالمی صلاحیت میں اضافے پر مرکوز ایک طویل المدتی حکمت عملی پر عمل پیرا ہے۔ساتھ ہی سعودیہ ٹیکنیک سعودی ایوی ایشن اسٹریٹجی اور وڑن 2030 کی حمایت کے لیے تکنیکی اور انجینئرنگ کی صلاحیتوں کو مضبوط بنا رہی ہے۔
وزیرِ اعظم شہباز شریف سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی الوداعی ملاقات