Jang News:
2025-11-30@17:16:51 GMT

کراچی: منوڑہ میں 2 کشتیوں میں تصادم، 2 خواتین جاں بحق

اشاعت کی تاریخ: 30th, November 2025 GMT

کراچی: منوڑہ میں 2 کشتیوں میں تصادم، 2 خواتین جاں بحق

—فائل فوٹو

کیماڑی کے قریب لانچیں ٹکرانے کے حادثے میں 2 خواتین جاں بحق ہو گئیں۔

ریسکیو حکام کے مطابق کیماڑی کے قریب منوڑہ سے بابا بھٹ جانے والی 2 کشتیوں میں تصادم ہوا، جس میں ابتدائی طور پر ایک خان جاں بحق ہوئی، جبکہ بعد میں زخمی ہونے والی لڑکی بھی دم توڑ گئی۔

ایس ایس پی کیماڑی امجد شیخ نے کہا ہے کہ تصادم کا شکار ہونے والی دونوں کشتیوں میں 20 سے 25 افراد موجود تھے۔

انہوں نے بتایا کہ تمام افراد کو ریسکیو کر لیا گیا ہے، جن میں سے 12 افراد زخمی ہوئے، جنہیں نجی اسپتال منتقل کر دیا گیا ہے۔

امجد شیخ نے یہ بھی بتایا کہ کشتی حادثے میں زخمی ہونے والوں میں 2 بچوں کی حالت تشویش ناک بتائی گئی ہے۔

.

ذریعہ: Jang News

پڑھیں:

کراچی :ناظم آباد بلاک تھری میں سرکاری اسکول کی دیوار گر گئی

کراچی:

ناظم آباد بلاک تھری میں سرکاری اسکول کی دیوار اچانک گر گئی۔ واقعے میں تین گاڑیاں اور متعدد موٹرسائیکلیں تباہ ہو گئیں، تاہم خوش قسمتی سے کوئی جانی نقصان نہیں ہوا۔

عینی شاہدین کے مطابق گاڑیاں اسکول کی دیوار کے ساتھ ہی کھڑی تھیں جو گرنے کے باعث ملبے تلے دب گئیں۔ واقعے کی فوٹیج بھی منظر عام پر آگئی ہے جس میں تباہ حال گاڑیاں اور ملبے کے ڈھیر واضح طور پر دیکھے جا سکتے ہیں۔

علاقہ مکینوں نے اپنی مدد آپ کے تحت ملبہ ہٹانے کا کام شروع کیا جبکہ ریسکیو ٹیمیں بھی موقع پر پہنچ گئیں۔ ریسکیو حکام کا کہنا ہے کہ ملبہ ہٹائے جانے کے بعد تباہ شدہ گاڑیوں کو دوسرے مقام پر منتقل کرنے کا عمل جاری ہے۔

مقامی افراد کے مطابق اسکول میں تعمیراتی کام بھی جاری تھا، تاہم دیوار گرنے کی اصل وجہ کا تعین ابھی نہیں ہوسکا۔ ریسکیو حکام نے تصدیق کی ہے کہ حادثے میں کوئی جانی نقصان نہیں ہوا۔

متعلقہ مضامین

  • کراچی کے کیماڑی میں2مسافر لانچیں ٹکراگئیں؛خاتون جاں بحق
  • کراچی، سمندر میں 2 کشتیوں میں تصادم، خاتون جاں بحق، متعدد افراد زخمی
  • کراچی، فائرنگ کے دو الگ واقعات میں خاتون سمیت دو افراد زخمی
  • کراچی :ناظم آباد بلاک تھری میں سرکاری اسکول کی دیوار گر گئی
  • محرابپور،ٹریفک حادثے میں2 خواتین، بچے سمیت4افراد زخمی
  • شام میں اسرائیلی حملے میں 13 افراد ہلاک، خواتین اور بچے بھی متاثر
  • ہانگ کانگ آتشزدگی میں ہلاکتیں 94 ہو گئیں، سیکڑوں افراد تاحال لاپتا
  • کراچی، شادی کی تقریب میں فائرنگ، ایک شخص جاں بحق 7 زخمی
  • کراچی، پٹیل پاڑہ میں فائرنگ سے ایک شخص زخمی