انویسٹرفورم جدہ کےنومنتخب عہداداروں کےاعزازمیں انجینئرسجاد کاعشائیہ
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
انویسٹر فورم کے نئے منتخب صدر چودھری شفقت محمود اور جنرل سیکرٹری مہرعبدالخالق لک کے اعزاز میں معروف سماجی رہنما انجینئرسجاد خان نے لاثانی ہوٹل (اسپنسر) مدینہ روڈ میں ایک پُرتکلف عشائیہ کا اہتمام کیا۔ جس میں پاکستانی کمیونٹی کی نمایاں کاروباری، سماجی، فلاحی اور صحافتی نمائندوں نے بڑی تعداد میں شرکت کی۔ تقریب میں چودھری شفقت محمود کی نیابت ان کے بڑے بھائی چوہدری عنصرمحمود نے کی جو پاکستان میں ہونے کی وجہ سے شرکت نہیں کرسکے تھے۔ عارف مغل کی تلاوت قران پاک سے تقریب کا آغاز ہوا۔ تقریب کا بنیادی مقصد کمیونٹی میں اتحاد، باہمی تعاون اور مستقبل کے مشترکہ اقتصادی منصوبوں پر مشاورت تھا۔ تقریب میں چوھدری شفقت محمود کی عدم موجودگی میں ان کے بھائی چوہدری عنصر محمود نے خطاب کرتے ہوئے کہا کہ پاکستانی کمیونٹی ہمیشہ اتحاد کی مثال رہی ہے اور انویسٹر فورم اس اتحاد کو مزید مضبوط بنانے میں اہم کردار ادا کرے گا۔مہر عبدالخالق لک نے خطاب کرتے ہوئے واضح کیا کہ انویسٹر فورم مستقبل میں بڑے منصوبوں پر مشترکہ کام کرنے کا ارادہ رکھتا ہے۔ انہوں نے کہا کہ بلڈنگ کنسٹکچر، اسکول، ہسپتال اور دانوب پانڈا کی طرز کے تجارتی منصوبوں پر مل کر کام کرنے سے نوجوانوں کیلئے روزگار کے زیادہ سے زیادہ مواقع پیدا ہوں گے۔ انہوں نے پاکستانی قونصلیٹ اور کمیونٹی کا شکریہ ادا کیا اور بتایا کہ چوہدری افتخار چیمہ بطور لیگل ایڈوائزر ان کی ٹیم کا اہم حصہ ہیں جن کی رہنمائی مستقبل کے منصوبوں کیلئے معاون ثابت ہوگی۔چوہدری شہباز حسین نے تمام شرکاء کا شکریہ ادا کرتے ہوئے کہا کہ یہ خوبصورت گلدستہ ہمیشہ متحد رہے گا اور سب مل کر پاکستانی کمیونٹی کی بہتری اور پاکستان کی ترقی کیلئے کام کرتے رہیں گے۔ملک منظور حسین اعوان نے اپنے خطاب میں تمام مہمانوں کی آمد کا شکریہ ادا کرتے ہوئے کہا کہ پاکستانی کمیونٹی کی یکجہتی ہی اس فورم کی اصل طاقت ہے۔ انہوں نے کہا کہ انویسٹر فورم ایک ایسا پلیٹ فارم ہے جو نہ صرف کاروباری افراد کو جوڑ رہا ہے بلکہ پاکستان اور اوورسیز پاکستانیوں کے درمیان معاشی تعاون کو بھی ایک نئی سمت دے رہا ہے۔ انہوں نے اس عزم کا اظہار کیا کہ وہ تمام ساتھیوں کے ساتھ مل کر کمیونٹی کی بہتری، نوجوانوں کیلئے روزگار اور مستقبل کے مشترکہ منصوبوں کیلئے بھرپور کردار ادا کرتے رہیں گے۔ ملک منظور حسین اعوان نے اس بات پر بھی زور دیا کہ شفافیت، باہمی اعتماد اور اجتماعی کوششیں ہی ترقی اور کامیابی کی ضمانت ہیں۔ تقریب کے میزبان انجینئر سجاد خان نے کہا کہ انویسٹر فورم کا مقصد کاروباری شخصیات کو ایک پلیٹ فارم پر جمع کرنا ہے تاکہ پاکستانی کمیونٹی کی معاشی مضبوطی اور نوجوانوں کیلئے روزگار کے نئے راستے کھولے جا سکیں۔ انہوں نے آنے والے تمام مہمانوں اور خصوصی طور پر میڈیا نمائندگان کا بھی شکریہ ادا کیا۔ تقریب میں چوہدری شہزاد ہنجرا، سردار اقبال، چوہدری امجد گجر، چوہدری مبشر افضل چیمہ،چوہدری اظہر وڑائچ، رفاقت چیمہ، جمشید جمی، چوہدری اکرم گجر، سردار وقاص، سردار اشفاق، چوہدری افتخار چیمہ، بلال گھمن، چوہدری عباس اور ملک محسن سمیت اہم کمیونٹی رہنماؤں نے شرکت کی۔بلو شیر وڑائچ نے اپنے خطاب میں کمیونٹی سے اپیل کی کہ وہ پاکستانی عوام کیلئے مزید روزگار کے مواقع اور خواتین کیلئے خصوصی جاب پروگرام تشکیل دیں۔ انہوں نے یہ تجویز بھی پیش کی کہ انویسٹر فورم کی اپوزیشن کو بھی اعتماد میں لیا جائے تاکہ اجتماعی طور پر کمیونٹی کی بہتر خدمت کی جا سکے۔تقریب نہایت خوشگوار ماحول میں اس عزم کے ساتھ اختتام پذیر ہوئی کہ پاکستانی کمیونٹی کیلئے مشترکہ منصوبوں اور فلاحی اہداف پر آئندہ بھی ایک ٹیم کے طور پر کام جاری رکھا جائے گا۔ تقریب میں نظامت کے فرائض رانا زوہیب نے ادا کئے۔
ذریعہ: Jasarat News
کلیدی لفظ: پاکستانی کمیونٹی کی کہ پاکستانی کمیونٹی کہ انویسٹر فورم کرتے ہوئے شکریہ ادا انہوں نے کہا کہ
پڑھیں:
پاکستانی قوم فلسطینی عوام کے حقِ خودارادیت کی مکمل حمایت کرتی ہے، سردار عبدالرحیم
اپنے بیان میں فنکشنل لیگ سندھ کے سیکریٹری جنرل نے کہا کہ فلسطینیوں کی جرأت اور ثابت قدمی دنیا بھر کے مظلوم عوام کیلئے امید و حوصلے کا ذریعہ ہے اور یہ جدوجہد اس وقت تک جاری رہے گی، جب تک قابض قوتوں کا ظلم ختم نہیں ہو جاتا۔ اسلام ٹائمز۔ فلسطینی عوام کے ساتھ یکجہتی کے عالمی دن کے موقع پر پاکستان مسلم لیگ فنکشنل سندھ کے سیکریٹری جنرل سردار عبدالرحیم نے کہا ہے کہ فلسطین کے مظلوم عوام اس وقت تاریخ کے بدترین دور سے گزر رہے ہیں اور ایسے حالات میں مسلم امہ کیلئے خاموشی کسی صورت قابلِ قبول نہیں۔ اپنے بیان میں سردار عبدالرحیم نے کہا کہ فلسطینیوں پر ڈھائے جانے والے مظالم عالمی برادری کے کردار پر بڑا سوالیہ نشان ہیں، انسانی حقوق کی تنظیمیں اور اقوامِ متحدہ متعدد بار فلسطینی عوام کے بنیادی حقوق کے تحفظ کی یقین دہانیاں کراتی رہی ہیں، لیکن عملی اقدامات نہ ہونے کے برابر ہیں، جو افسوسناک ہے۔ انہوں نے کہا کہ دنیا بھر کی مہذب اقوام پر یہ اخلاقی ذمہ داری عائد ہوتی ہے کہ وہ ناصرف فلسطینیوں کی حمایت کریں، بلکہ غزہ اور دیگر علاقوں میں جاری بربریت روکنے کیلئے فیصلہ کن کردار ادا کریں۔ انہوں نے کہنا کہ ہزاروں بیگناہ بچوں، عورتوں، صحافیوں اور عام شہریوں کے قتلِ عام نے پوری انسانیت کو جھنجھوڑ کر رکھ دیا ہے۔
سردار عبدالرحیم نے کہا کہ پاکستانی قوم ہمیشہ سے فلسطینی عوام کے ساتھ کھڑی رہی ہے اور حقِ خودارادیت کے اصول کی مکمل حمایت کرتی ہے۔ انہوں نے کہا کہ جب تک فلسطینی عوام آزادی اور انصاف حاصل نہیں کر لیتے، پاکستانی عوام، سیاسی جماعتیں اور سول سوسائٹی ان کی جدوجہد کے ساتھ کھڑی رہیں گی۔ انہوں نے اقوامِ متحدہ اور عالمی طاقتوں سے مطالبہ کیا کہ وہ مظلوم فلسطینیوں کیلئے فوری اور مؤثر اقدامات کریں، جنگ بندی کرائی جائے اور انسانی امداد کی بلاروک ٹوک فراہمی یقینی بنائی جائے۔ سردار عبدالرحیم نے کہا کہ فلسطینیوں کی جرأت اور ثابت قدمی دنیا بھر کے مظلوم عوام کیلئے امید اور حوصلے کا ذریعہ ہے اور یہ جدوجہد اس وقت تک جاری رہے گی، جب تک قابض قوتوں کا ظلم ختم نہیں ہو جاتا۔
گولارچی، محتسب اعلیٰ کی کچہری ، شہریوں نے شکا یتوں کے انبار لگا دیے